عمل تستحقون من يكرمكم عليه .. بل تستحقون وسام الشرف والنزاهه .. والشيله اقشعر جسدي منها بذكر اسماء الشهداء رحمهم الله ... شكرا لكم .. وصح السان الشاعر وبيض الله اوجيهكم .. اخوكم /فهد الفريدي
أبيض وجهه يابوراكان وفكره مميزه حي النقع من أكبر الأحياء ببريده ويحتاج الى شغلات بسيطه ليكون حي مميز خصوصا أن موقعه في وسط المدينه كل ماتحتاجونه أزالت الحفريات والأناره
بيض الله وجهك ياحمدي اوصلت صوتنا ومعاناة أهل الحي التي ليست بالجديده وتتجدد كل عام اتمنى بعد هالعمل المميز الالتفات لمطالب أهل الحي ولاتكون مجرد فقاعه وتنتهي يجب علينا انا لا نقف ونستمر بالحمله بالمطالبه بأبسط حقوقنا
الله يبيض وجة من قام بالعمل وأشرف عليه و نفذه .المطالب لا تأخذ بالتمني ولكن تأخذ الدنيا غلابا السكوت لن يجلب شي . بمثل هؤلاء المبدعين تسترد الحقوق كفو كفو كفو
بيض الله وجهكم ليت كل حي يسوي زيكم شي واقعي وهذي معناتنا كلنا وباذن لله ان بعد هذا المقطع انكم تنالون مبتغاكم والله يوفقكم وهذا والله راح ينفعكم وينفع كل حارتكم موفقين ي رب وننتظر فديو ثاني تبينون التصليحات
ماشاء الله إبداع وفكرة جميلة لتوصيل صوتكم لأمير المنطقة لمعالجة وضع الحي. الله يوفقكم ويسددكم ننتظر. إخراج فيديو جديد بعد النغيير أكيد الأمير إن شاء الله. بيأمر بتصحيح وضع الحي. ...
اقسم بالله العظيم قبل يومين وبتاريخ ٤ /١٠ كنت راجع من عزيمة وقبل الفجر وانا راجع للبيت ومعي اهلي طحت فحفره نص متر انكسرت مسامير الهوب وتقطع الكفر واختلفت الوزنية وخسرت اخر مبلغ فجيبي كله بسبت هالحفر يعني بالله نحصلها من وين ولا وين حفر مطبات شوارع مكسره ارصفه معدومه دول جنوب شرق اسيا الي هي افقر منا شوارعها ودك تنسدح وترقد فيها ماقول غير حسبي الله وكفى الله ياخذ حقنا منهم يوم القيامة حسبي الله على كل واحد يستلم مشورع ولا يدقق فشغل المقاول انا مالوم المقاول او الشركة المكلفة بعمل اي مشروع انا الوم الموظف الحكومي المسؤول عن تسليم واكمال المشورع بكامل تفاصيله حسبي الله عليه الي يوم الدين
الله يكونن بعونكك ي محمد ، والله لايوفق الي يستلمون المشاريع ذي وهو مو مركز على شغل الشركات او المقاول والفلوس الي تجيه حرام ف حرام وبياخذ جزاه ف الاخره ان شاء الله ، ولو ويشدد عليهم وفي شغلهم حاكمنا سلمان الله يحفظه كان حنا ف خير وشوارعنا مافي احسن منها 😩💔
التعليق السابق كان على سبيل الدعابة لكن ... جهودكم تشكرون عليها وبادرة جميلة منكم نتمنى ايضا التطرق الى مشاكل الحي الاخرى ... اصبح المسؤول يخاف من الكاميرا ويحل مشاكلها على وجه السرعة لكن اذا كانت المشكلة منغمسة عن مسامع وأعين من ( بيدهم إعفاء المسؤول )فلا حياة لمن تنادي
عمل رائع اللحين لو فيه حي او منطقة ماعندهم شباب مثلكم وش نسوي المفروض كل امير ينزل بنفسة يتفقد كل صغير وكبير سلمان الحزم الله يطول بعمره لن يتردد في اتحاذ اللازم حيال اي شخص سوف يقصر بعمله كان امير وزير .
سبحان الله وبحمده سبحان الله العظيم اللهم صلي وسلم على نبينا محمد وعلى آله وصحبه وسلم لا إله إلا الله محمد رسول الله صلى الله عليه وسلم لا إله إلا أنت سبحانك إني كنت من الظالمين
صح لسانك يامتعب والشكر موصول لصاحب العمل والفكره والله يجزاكم خير انا اتكلم وانا موظف في احد القطعات الحكوميه و انقع الشرقي وانقع الغربي اقسم بالله واقسم بالله اني اكره العمل فيها من قل الخدمات في هذا الحي اغلب الكهرباء هوائي فيها و المياه مترسبه في شوارعها و شوارع ضيقه ومسدوده ؟؟؟؟؟!!!!!!! والكثير من المشاكل التنمويه هي والرابيه ( الابديه ) لماذا ؟!؟! الاحياء الذي يسكنها اغنياء او وجها مدينة بريده كل الخدمات متوفره فيها وزياده حتى ملاعب الكور للاطفال تجدها وضعتها البلديه وانارة الشوارع وتزيين الشوارع والحدائق وشوارع لا تترسب فيها المياه اللهم احفظ بلادنا وبلاد المسلمين من كل مكروه اللهم احفظ اميرنا والرزقه البطانة الصالحه يارب ملاحظه................ انا لس من سكان الحي واسكن افضل احياء مدينه بريده ولاكن احببت اشارك اهل مدينتي في همومهم وبأذن الله القادم افضل 😚😚😚
عمل جبار تشكرون عليه ياشباب وفكره حلوه بالمره لخدمة حي عريق وربما لخدمة إحياء أخرى لها نفس المشكله بس العنصريه وش لها دخل بالموضوع كلنا أبناء بلد واحد ودوله واحده اعزها الله اللي حاصل انه منه اللي يوصل مطالب الحي للمسؤولين بطريقه جميله كابناء حي النقع وبإذن الله سوف يجدون مايسرهم ورجاء ياشباب لاتدخلون العنصريه دعوها فإنها نتنه
🌺سبحان الله وبحمده سبحان الله العظيم...اللهم صلى وسلم على نبينا محمد وعلى اله وصحبه اجمعين. الحمدلله ولا حول ولا قوه الا باالله استغفر الله واتوب اليه 🌺 >>رددوها في حياتكم راحه ♥️
السلام عليكم ورحمه و بركاته ،، استغرب من بعض المبزره الموجودين بالكومنتات مسوين فيها يطقطقون و هم الفلاويين المقطع رساله واضحه و صريحه للبلديه او من يتعلق بالامر ذا الحي مداخل الحي اغلبها مقفله + مطبات + حفريات + لايوجد اناره في الشارع العام ( اهم شي المداخل ، لا سمح الله صار حريقه او شخص مصاب او ظرف طارئ او هزه ارضيه او او كيف وصول الدفاع المدني او الاسعافات بٓ اسرع وقت ممكن ) شي للامانه مؤسف و يحـزن 💔😓 الحمدلله كثيراً اسأل الله العظيم ان يوقف اهل الحي لمى يحب و يرضا و يجعل اموركم ميسره لايك خل الكل يشوف الكلام قبل ما يسوي فيها فلاوي كويتي ❤️
فكرة رائعة تحكي الواقع بلا مبالغة في جدة خاصة وبعض المدن الكبرى الى متى وهذا الاهمال والتسيب والتستر من الامانات اذا كانت الامانة ليست امانة اين الامانة ! تشتري سيارة اخر مديل سنة وهي مهرقلة تبي تتمشى تلاقي يومك بالشارع تبي تداوم توصل متأخر بالصميم يا ابن العم
برااافو حمدي فعلا شي يقهر والله انا من سكان وسط شمال بريده توي اعرف فيه احياء كذا ببريده كانه قريه الله يعينكم مررره جميله طريقة ايصال صوتكم فكره جميله جدا بس المشكله الاحياء الي مافيها حمدي كيف بيوصلو صوتهم!؟
فكرة متميزة .... دائما احياء عامة الناس أقل خدمات من أحياء الوجهاء والمسؤولين فهل سيغير أمير القصيم هذه النظرية ...... نعم لو نظر اليكم بمنظور من سيبعثه الله وسيحاسبه يوما ما عن النقير والقطمير. .. ورغم ذلك عندي ثقة بالأمير فيصل فهو من أهل الصلاح نحسبه
افضل مدينتين في السعوديه في التنظيم ونظافة الشوارع مو بس في السعوديه في الخليج و الدول العربيه كلها هيا الهيئة الملكيه بالجبيل وينبع ينبع الصناعيه بالغربيه والجبيل الصناعيه بالشرقيه تقريباً خاليه من الحفر واعتقد جات في خواطر في الجزء الاخير واجزاء سابقه كثير والله انا يوم اطلع من ينبع البحر الى ينبع الصناعيه كأني رحت عالم ثاني نظافه وترتيب وشوارع تفتح النفس كأني طلعت من اوطأ حي في الهند لأرقى حي في اوروبا
السبب البلديه الان يصلحون منتزهات واعمال خياليه في قرى بعيده عن بريده المشكله مايستفاد من هالمنتزهات الا بنسبه بسيطه وبفتره محدوده وداخل البلد اهمال لبعض الاحياء