صياف : الكواكب تحرّك والفلك يستدير كِلّ ليله تمرُّ ونحسب اِحسابها يوم الاثنين عشره من جماد الاخير شفت مستور يرميها ولا صابها مستور : شفت لي حوتةٍ في وسط بحرٍ غزير لو نرسّل لها مرسولِ ما جابها لا تناصي عتيبه فالنهار الكبير رد خنجرك يا صياف فِ اِجرابها صياف : وحّده فالبحر والثانيه فالغدير اِترك الاوّله واصحى تهقوى بها ما يشيل الحموله غير ظهر البعير لو تلجّ السّباع وترفع ارقابها مستور : خابرٍ ما معك جنحان حتى تطير ناشبٍ لك ورى هضبه تلوّى بها ادهن السير يا صياف حتى يسير ما ذكرت الحروب ولا تعزوى بها صياف : كان تقدر تطيّر بالجناح القصير طير عند الصّحون اللّي تعشّى بها ما بقي غير لقمه للوليد الصغير روح كِلها لعلك ما تهنّى بها مستور : كل واحد على روحه وحاله بصير لو تركنا العقارب رزّت اَذنابها كيف تنهى وتامر وانت منته ب امير يوم شبّيت لي نارك يا شبّابها صياف : العصيمي نِفض بشته وجاني مِغير سمع كلمه ولا يدري عن اَسبابها ما عرفت البشاره لين شفت البشير لو سلمتها المجنون ولّى بها مستور : يوم جيتك مغير اصبحت يمّ الظفير ما بقى فوق سمحه غير ركّابها
يا سلام على الشعار والصفوف واللحن نسال الله ان يرحم صياف ومستور ورفاقهم كلهم مطلق وبن تويم والسواط وعوض الله والرياحي ومبروك والمسعودي والسيالي وشليويح واحمد الشايع والمطرفي وغيرهم الكثير من العمالقه
الله يرحمك ياصياف الملعبه هذي فايق ومبسوووط ههههههه وهو دايم عند العتبان يلعب ويغني وهو رايق ويجبب افضل مالديه وبالحقيقه اللي معازيبه عتبان من طيبهم وكرمهم غصب ينبسط
الله يرحمك ياصياف يابو فلاح يازين لعبك مع العتبان ويازين لعب العتبان معك والله الواحد ينسى الهم فيه تناغم ومحبه بين الشعار الي يتسمع ويتابع يحس هاذا في الملعبه