نفس بنتي تسال شنو سلطة اليوم قلت لها جرجير جان تقول لا مابي بعدين قلت لها لا سويت لج سلطة روكا جان تفرح صج يما قلت اي قالت واااو اعشقها تسلم ايدج عقب ما كلنا خلصنا فطورنا قلت لها ترا اهي سلطة جرجير اعي نفسها الروكا وضحكنا عليها وعصبت قلت لها خضه حقنه لبن بس انتوا ماتحبون الحجي الكويتي. والحين ابوها ما يناديها الا عنود روكا 😂😂😂😂
مساك الله بالخير الشيف المخضرم استاذنا الكبير بوسعد الغالي مايختلف اثنين على خبرتك بالطبخ الكويتي وغيره وانا وكثير مثلي تتلمذنا على ايدك لكن وتقبلها مني بوسعد 🙈😅 ادري المقصد من الفيديو هو الانتقاد وتوجيه رسالة لكل من يشاهد مثل هالفيديوهات الي فيها طبخ او اشياء ممكن تسبب ضرر للانسان ان يلتزم واقصد المشاهد بالبحث عن المختص والخبير والمعلم بالعامية بالشي الي يبي يتعلمه او يبي يسويه لكن بوسعد شوي شوي على الريال هههههه