#الصيد بنهر النيل متى يبداء
السلام عليكم ورحمة الله وبركاته
كل عام والجميع بخير وصحة وسعادة يارب
بمناسبة عيد الأضحى المبارك اعاده الله علينا وعليكم باليمن والخير والبركه، ،،،،،
منسوب النيل فى ذياده وهى الذياده الموسميه تبتدى من شهر مايو وتنتهى من نصف شهر ٨ إلى شهر ٩
ليه انا بقول لحضرتكم هذا الكلام مع ان اغلبنا يعرف يعرف هذه المعلومه،،
▪︎بعض الزملاء،ديما بتسئل الموسم فى نهر النيل هيبتدى امتى ،،
▪︎شوف ياقبطان طول ماالمايه ذايده السمكه تكون قليله على جميع أنواع الصيد مشروع او غير مشروع
▪︎طيب ليه ممكن نعرف
▪︎طول ماالمياه ذايده السمكه موجوده فى قلب الجزر من الداخل وفى جميع الأراضى طرح البحر ،
وطرح البحر هى الأراضى اللى المايه بتطلع عليها فى ايام الذياده
▪︎يعنى السمك فى محميه ربانيه طبيعيه من عند الله نحمد ربنا عليها
بعد نزول الماء وفى ايام النزول بتبقى السمكه كثيره جدا جدا لان الجزر والاراضى طرح البحر بتكشف والسمكه بتسبها وتجرى تبحث عن أماكن ثانيه اما الارصفه الحجر او الجروف الطينيه
وهو هذا التوقيت افضل ايام الصيد
اللى مبيعرفش بيستغل فى هذه الأيام اكيد بيفوته الكتير
لان أغلب الادوار بتاكل كويس جدا جدا
طبعا اتمنى الجميع ينبسط فى هذه الأيام
ولابد تستعد لها من الان،،،،
تجهيز للعده او ممارسة الصيد على فترات لاكتساب حسية الصيد وتسريح للغماز
وجس الادوار وجس السمك الخبره بتاتى بالممارسه وكثرة نزول حضرتك للصيد حتى لو بترجع خالى الوفاض
سمكة النيل لايعلى عليها سمكه فى الطعم والمتعه اثناء الصيد ،
اتمنى للجميع موسم كله خير والكل يكون فى افضل حال
قريبا هننزل نعمل تقرير عن المايه
اخوكم محمد المصرى
عاش لصيد المعشوقه الدلوعه سمكة البلطى
20 окт 2024