سلام اخي صفية حطي قصة موت بابا الغالي انا لي حكيت معاك قبيلات فتعليق تاع لايف تاع البارح دك نعاود نحطهالك هنا @حكايات وروتينات صفية dz من فضلك أم أمير حطي حكاية موت بابا الغالي في القناة في اقرب وقت انا دائمانتبع قصص تاعك وعارفاتك ماتحطيش قصص هاكداك برك وعلابالي تحبي تخيري القصص وتحطي لي نظاف وفيهم عبر وحكاية موت بابا حكاية رائعة ومثال أكثر من رائع للعبد الصالح 😔😔😔 سلام أختي أم أمير انا حبيت نطلب منك طلب من القلب طلبي هو الدعاء لبابا لعزيز احكي حكاية موت بابا وخلي الكل يدعيولو قلبي يتعصر عليه انا راني خسرت بابا الغاااالي منذ حوالي 4 اشهر راني حابا نحكي عليه لعل جرحي يخف لأنو الموت خطفو منا خطف اختي صفية حكاية بابا راني حكيتها من قبل في قناة أخرى هذي باش واحد مايقولك جبتيها منا ولا منا إنما أنا حابا نجمع رحمات والدعوات لبابا الغالي قدر ما استطعت ولوكان كاين كفاه نوصل صوتي لكل العالم ونخلي العالم كامل يدعيلو ويترحم عليه مراحش نتردد ختي صفية صدقيني لكلام لي راح نحكيه درك ماشي كي خاطر بابا إنما هو الحق بابا من خلال اخلاقو وصفاتو وصبرو ومعاملتو لجميع ناس وقلبو لكبير تحسو صحابي جليل تخلف وعاش لهاذ الوقت وكل الناس لي تعرفو تشهد انسان زاهد في الدنيا دايما سامح من حقو رغم انو الدنيا قصات عليه بزاف متسامح ينصح غير بالخير بابا لا هو عالم ولا هو مفتي ولا هو إمام بصح الجميع يأخذ برأيو لانو معروف بكلام الحق وكلمة الحق يقولها مجتهد في دينو صلاتو مكانش واش يلهيه عليها ابدا يكون يحكي معاك اذا سمع الاذان يقولك انوضو نصليو ونكملو مداوم على تلاوة القرآن يوميا اغلب صلاواتو فالمسجد كان بار بوالديه يقدس الأخوة وفوق هذا كامل اخر يوم فحياتو دليل على حسن خاتمته اليوم لي مات فيه بابا كان يتوجع حنا كونا حاسبين بلي من المرض ترلي هي الموت كانت تطعن فيه بصح هو ماتوقفش ابدا عن ذكر الله والدعاء وطلب العفو من الله طول هذاك النهار وهو يقولنا انا راني حاس ربي راض عليا ورغم الالم كان يقول انا مع ربي راني الحمد لله ومتفاءل الحمد لله بابا رغم انو كان مريض بزاف حافظ على صلاتو وخذاها كاملا صلى صلاة العشاء ومات قبل اذان الفجر فلحظة وفاتو ماما حبت تهزلو صبعو تاع الشهادة تشهدلو لقاتو هاز صبعو وحدو الحمد لله شهد وحدو مات ليلة الجمعة والحمد لله مات شهيد بسبب مرض السرطان في بطنه💔💔💔 ياااختي منقدرش نحكيلك واش صرا فينا باش منطولش عليك ونكمل نحكيلك على بابا وعلامات البشرى في موته بابا مات في نفس عمر الرسول و بحكم انو مات بالجمعة إمام المسجد خطب عليه في هذيك الجمعة والغاشي لي صلى عليه منحكيلكش احنا عندنا فالقرية زوج مساجد لزوج معمرين لداخل ولبرا ولخر صلى فطريق حط زربيتو على الرصيف بحكم الجنازة تاعو بقات ناس تحكي فيها قالو جنازة كما تاع الرياس ( الرؤساء) بابا لعزيز مكانش لي مايحبوش محبوب الجميع الكل يشهدلو بالخير وفثاني يوم بعد موتو المكان لي كان معروف انو يقعد فيه وهو تجمع تجاري تحسو حزين حتى المحلات مغلوقين رغم انو يوم السبت واحد مافتح المحل تاعو إلا زوج محلات برك مقهى ومحل تاع مواد غذائية أما الباقي كاااامل مغلوقين والمكان حزين ااااااه يااالغااالي توحشتو بابا قد ما فرحتلو لأنو مبشر قد ما راها نار الشوق تحرق فيا عليه بقالي غير صورو فالهاتف نشوفو ونحاول نلمسو من خلال الهاتف ومن كثر شوقي ليه نولي نتمنى تصرا معجزة ونقدر ندخل عندو للهاتف مااشبعتوووش 😭😭😭😭 غدرتنا الموت وخداتو وحنا نسناو فيه يبرا صفية اختي ربي يحفظلك لي عزاز عليك احكي على بابا واطلبي من المشتركين يترحمو على بابا ويدعيولو من الله عز وجل يبلغو المراتب العليا في الجنة ويحشره مع الانبياء والمرسلين والشهداء ومع سيدنا محمد صلى الله عليه وسلم وحسن اولئك رفيقا وأن يوفقنا في اتباعه بايمان ويلحقنا به ذرية صالحة لقوله عز وجل والذين آمنوا وتبعتهم ذريتهم بإيمان الحقنا بهم ذريتهم لأنو بابا قبل ما يموت كان دائما يقول انا متمني نكون مع الانبياء والمرسلين في يوم الحشر والحمد لله رزقه الله الشهادة ومات شهيد بسبب المرض وشكرا جزيلا وجزاك الله خيرا وربي يجازيك بقدر ماراح يدعيو لبابا ويارب ارحم جميع موتى المسلمين اللهم تقبل منهم صالح اعمالهم وتجاوز عن سيئاتهم واسكنهم الجنة خالدين فيها
صاحبة القصة.....الحمد لله...انو ربي عوضك....وخذيتي القرار الصحيح....لكن...لكن.....لو ما كنتيش كطبيبة وخدامة....ما نضنش...انو....قدرتي تنجحي في حياتك.....وقراراتك .....لهذا...علاش نقول....لازم بنات ضرك يقراو يحسنو من من مستواتهم.....ويقوو شخصيتهم.....باش ما يضيعوش
بردتلي قلبي مولات القصه كي تزوجت وجابت بنت باش توريلها لشيبه النار انو لمطلقه والشارفه تزوجت وانجبت ربي يسعدك واتهلاي في ولادك ولادو وطليقك راح يندم طول حياتو عليك
حكايتي اكثر منها تزوجت مع ولد خالي تزوجنا عن حب ضرك عندي 28سنة زواج كيكان عندي 22سنة زواج جا عند ولدي الكبير قالو تزوجت عندي 7سنين وهو مخبي عليا وضرك مازالني معاه على جال اولادي
ربي يهنيها مولات القصة على كل حال نقولك تهلاي في أولاد زوجك يتامى 😢ماتفرقيش بينهم وبين أولادك يدخلوك الجنة قال الرسول صلى الله عليه وسلم أنا وكافل اليتيم كهاتين في الجنة كتبيها في بورتابلك باش كلما ترفديه تتفكري قول الرسول وماتضلميش اليتامى
سلام ختي باراك الله فيك ،صح قصة اليوم ايجابية يغني دات مكتوبها اللي يستاهلها وتستاهلو ،وبالنسبة لعجوزتها يعني خافت علي بنت ختها ووليدها يروحو عليها ها راحت مسكينة هاذي ودات ولادها ربي يهديها من بجاية سلامي واصلي