اخيرا حد اتكلم عن ياسر حمد تقريبا اكتر مرة اشوف حسام حسن بيخسر صراعات هوائية ضد الزمالك من آخر مرة الونش كان موجود فيها طبعا مش بقول أنه احسن حاجة بس على الاقل يستاهل الفرص اللي بياخدها الزناري
المهم ماتش نهضة البركان دا سيبهولى انا بقالي ٦ مواسم بتابع البطولة الوطنية المغربية وكأس العرش نهضة البركان فريق حارسه مش عملاق يعني مصلحة لكن دفاعه كويس وقائد الدفاع لاعب محترف اسمه إيسوفو دايو الجزيري لازم يراقبه عشان تحضير اللعب بيبدأ من عنده نص الملعب عادي احنا أفضل على الرغم أن الفريق في المربع الذهبي للدوري لكنه مش بيستحوذ في الماتشات القوية لكن دا ماتش على ملعبه كمان ماعندهمش حل التسديدات لكن عشان احنا الزمالك ممكن صانع الألعاب يقلب دي بروين الأجنحة مش لعيبة حريفة فتوح وعمر جابر انا واثق فيهم لكن المهاجم جبريل واتارا برضك واثق في المثلوثي لكن عبدالمجيد لازم يكون فايق كمان عشان دا فريق قوي في الركنيات وأخيرا الجمهور البركاني مش زي النسور ولا الوينرز ولا العسكريين ولا حتي الفاسيين يعني ماتش مش بضغط جماهيري قوي لو خلصت موضوع التعبير اللي انا كاتبه حلقة ما قبل مباراة نهضة البركان يكون فيها أفضل تشكيلة عواد المثلوثي عبدالمجيد جابر فتوح دونجا شحاتة حمدي زيزو سامسون الجزيري الفريق مش هيكسب الدوري ولسا خسران في الكأس بركلات الترجيح من الجيش الملكي متصدر الدوري بعد التعادل ٢/٢ يعني دا احسن ماتش يتدرس ويجاب منه لقطات المهم الفريق مافضلوش غير الكونفيدرالية يعني هيموت نفسه عليها
الاسكواد ضعيف فعلا عشان كدا احنا مبنقرصش جامد على جوميز، وكلنا كان نفسنا والله لكن فيه كلام انه القوايم هتتبعت بعد نهاية الموسم وان شاء الله وقتها يكون الوضع افضل كتير
أنا أهلاوى بس بأحب أتفرج على تحليلك للماتشات...بس عندك فى الماتش ده نقطة سلبية إنك مذكرتش خالص ضربة جزاء حسام حسن اللى إتطرد بسببها برغم إنه إتشد من المدافع
عبد الله السعيد بيلعب علي ضغط نفسي من يوم انتقالة للزمالك ولازم يلعب رقم عشرة ويتحرر من اي أدوار دفاعيه علشان اعمل روتيشن لازم دون تأثير علي شكل الفريق .. الفكرة ان عندي اسبوع علي ذهاب ماتش النهائي بمعني انه كان يقدر يلعب بتشكيل اساسي
هو كان خايف من الاصابات وقال دا كتير واحنا مش متفقين معاه لكنه خلاص شال المسئولية.. عبد الله السعيد اجلا ام عاجلا لازم يخرج من الحته دي والا مش هيبقى له مكان قريب
جوميز مدرب تكتيكيًا عظيم بس عاوز حد يحطله التشكيل محمد عاطف بدل موتيابا كان هيبقى افضل منه كنت أشوفه فعليًا فئ مباراه مفهاش ضغوط وبعيد عن رؤية التمرين فقط مش أرفضه لمجرد مش بيعجبني في التمرين أمال موتيابا ده أي أخباره ما هو أكيد مفيش أسوء من كدا سامسون بدل ناصر منسي برده كان هيبقى أفضل ناصر انسان مزاجي بطريقه ترعب ماتش تقول ده مهاجم مفيش زي وعشره تقول ده ميلمسش الكوره تاني في حاجه غلط بيفكرني بصلاح محسن مع الأهلي وغالبًا لما يمشي من الزمالك هيجيب فينا أهداف دور أول وتاني أما بقى أي باك شمال ناشيء افضل من نداي بقيت التشكيل معندناش حد غير اللي نزلهم الصراحه وفعلًا شئنا أم أبينا فعلًا كان لازم يريح القوام الأساسي ما هو معلش أحنا مش بنلعب نهائي بطوله أفريقيه كل يومين
خليني اقولك انه الاختيارات اللي اختارها اغلبها منطقي من المباريات اللي فاتت لكن اللاعيبه خذلته جزئيا وهو افكاره مكنتش كافيه ومناسبه وللاسف دا الكواليتي البديل الحالي
للتوضيح بس .. ماتش انهارده ملوش علاقه بالترتيب الفرق اللى هتلعب فى أفريقيا...عشان هما هياخدو ترتيبك بعد ما تلاعب كل الفرق فى الدور الاول مش بعد ما تلعب اى 17 ماتش واحنا لاعبنا سموحة فى الدور الأول خلاص
@@tarekiano0 انا متاكد من النقطة دى بعد ماتشات الدور الاول... هو الطبيعى أنة بعد الموسم بس احنا في ام الدنيا ... احنا المفروض منخسرش من اى فريق ... بس احنا للاسف بنعمل فى نفسنا كده ... جوميز مدرب هائل من وجهة نظرى ... بس انهارده بالغ اووى فى إراحة كمية اللاعبين دول .. احنا بعد ما كسبنا الأهلى ورجعنا للمنافسة بقوة على الدورى .. بس للاسف انهارده ضيعنا 3 نقط مهمين .. ربنا هيكرمنا فى نهائى الكونفدرالية أن شاء الله.... ويكون لينا نصيب فى الدورى أن شاء الله...... انا يستمتع بحلقاتك وبستناها .... ربنا يوفقك دايما ❤️
جوميز ألف جامد النهارده في التشكيله واللعيبه كمان اتسطعبطت غير ان اللعيبه معترضتش علي الحكم في اي كوره ولا الجهاز الفني حتي ودا لازم يتغير في نهائي الكنفدراليه لان هيبقي فيه اخطاء تحكيميه كتير ولو سكت الحكم ومعترضتش الحكم هيسوق فيها
@@sherifawad2597 لو على حساب الفريق مكنش فاز الماتشات اللي فاتت، احنا في ظرف حالي كلنا عارفين صعوبته.. والكونفدراليه تحكم برضو فخلينا ندعم لحد البطوله ان شاء الله ❤️
انت اكيد عارف اني متابعك مش من بعيد بتلاقيني عامل كومنت علي كل فيديو بس الحقيقة انا لا اتفق معاك ف الفيديو دا ف نقطة واحدة بس ياسر حامد شكل لاعب كويس دي حاجة انا عمري م اقدر احكم عليها من ماتش بس من وجهة نظري انو كان ماتش سئ ليه بيحلق ع اللاعب مش بيضغط و فكورة تانية ادي للاعب ولامؤخذة ضهرو واتكلفت واللاعب راح انفراد بسببها وضاعت كانت كفيلة تموت الوقت الفاضل من الماتش
انا اكيد عارف طبعا وعايز اقولك ان احب اللحظات عندي هي لحظات الاختلاف دي بقى.. ياسر حمد من اقل اللاعيبه المشاركة وراجع من وقت كبير غياب واصابات، فبالتالي دا اداء مناسب جدا بناءا على دا.. انما لو كلامك على الكواليتي بشكل عام فاحنا محتاجين نوفر نص الفرقه بس فين الامكانيات؟! يبقى الحل نشتغل على الموجود دلوقتي وانا واثق انه هيتطور اكتر مع جوميز ان شاء الله
@@tarekiano0 اكيد هو انا فاهم أن يدوب دا ف حدود المتاح ف الفريق بس انا بتكلم انو مينفعش يبقي حتي بديل لبعدين فترة مؤقتة ومحتاجين واحد كمان أو الونش ربنا يرجعه بالسلامة وياما لاعبيه مستواها اتطور وبدايتها مش احسن حاجه خالص واحسن مثال زيزو كان الحقيقة سئ جدا ف الاول دلوقتي بقي نجم الفريق نجم ايه دا الفريق كلو تقريبا 😂اتمني يتطور الفترة الجاية اكتر لأننا محتاجين كل لاعب
جوميز بيالف من زمان و الحظ كان معاه مش اكتر . و الحقيقة عمرى ما اقتنعت باى شرح لامكانياته و افكاره العظيمة جدا دى 😂😂. بيلعب باكتر من لاعب ليهم نفس المركز فتشكيلة وحدة. مش عارف ليه مش قادر يفرق بين انو يوظف لعيبة فاماكن مختلفة و انهم يعرفو يعملوها فعلا. يستبعد ناس طول الماتشات و يرجع يلعبهم مرة وحدة . يعنى ليه مثلا نيمار ميلعبش باك يمين بدل شحاته دا مكانه اصلا. ايه سر استبعاد مهاب ياسر ليه محمد عاطف مش بيلعب . ليه النهاردة مثلا لما نزل زيزو مطلعش نداى قدام و لعب ب جناحين اكيد احسن من عوجة الملعب دى ناصر ماهر على الطرف مش كويس خالص . السعيد ورا مش بيتهلك جامد
ممكن تكون مختلف مع افكاره مفيش مشكله ودا حقك، لكن نجاح الافكار دي مرتبط بحالة اللاعيبة برضو، وهو الراجل عنده حق في تجربة الافكار دي طالما كانت بتنجح في مباريات قبل كدا زي ماتش الاهلي مثلا
@@tarekiano0 هو كل واحد ليه وجهة نظر . بس حاسس ان اللى بيايد كلامى اكتر ان فرقة افريقيا متماسكة بكتير عن فرقة الدورى عشان غظب عنه مش بيبقى فيه مجال ينفذ افكار كتيرة و بيلعب عادى بدونجا و شحاته و قدامهم حمدى و جناحين طبيعين و بحس ان الفرقة معدولة فالملعب عن الدورى . الصراحة اتمنى ان الزمالك ياخد افريقيا و بعدها نبقى نعمل اعادة تقييم للراجل دا ❤️❤️
ليه دايماً ف كل فيديهاتك بتأكد ان الكنفدراليه اهم حاجه فى الموسم وشايل من دماغك فكره اد ايه احنا المفروض نشارك ف دورى الابطال السنه الجايه وان ماتشات الدورى اهم الكفدراليه مهمه اكيد ومكسبها هيجيب دولارات تساعدنا فى فك القيد بس بردو حتى لو كسبتها مش هتضمن مكان ف دورى الابطال السنه الجايه ونتا مش متخيل اهميه دورى الابطال عندى عامله ازاى انا واحد مواليد ٢٠٠٥ عمرى ما شفت الزمالك اخد افريقيا على عكس الاهلى الموجود ف النهائى كل سنه والمفروض بردو نستغل الضعف اللى موجود ف فرق افريقيا ونآخدها
اهم نقطه في المرحله الحالية لان هي اللي هتفوق الفرقه وهتفوقنا نفسيا وهتدي دفعه للكل.. اما حسم الدوري والمشاركات الافريقية هتبقى المرحلة اللي بعدها.. تقسيم الاهداف وتحديد الاولويات الزمنية أفضل وسيلة للنجاح
@@tarekiano0ان شاء الله ،انا عن نفسى متفائل ب حسين لبيب ولو انى بعتب عليه انو كل شويه يذكر مشاكل الاداره اللى فاتت واتكنه ميعرفش الكوارث اللى هما عاملينها وان المشاكل مبانتش كبيره اوى غير بعد الانتخابات
@@BaraaElsayed-mf1ff لا هو الصراحه بيذكر المشاكل من قبل ما ينجح حتى وهو محتاج يبطلها عموما ولا كتير ولا قليل.. لكن على مستوى الشغل فاحنا أملنا في ربنا كبير انهم يكونوا على قدر المسؤولية
