خليتينا ليه مالك يارزينه 💔 شن سوينا ليك لما تخاصمينا قالت لي: أبوي زولا ماهو قاري قالت لي: أخوي بالبر ماهو داري دار يدوني ليهو عشان يطفولي ناري،مو عارفينو دا ياهو يكون وداري قلت لها: أهلك ديل عاد زادو لي شقايا كان مضوكي ليهو صادقين النوايا برضي أنا في رجاك يا أملي ومنايا إلا الروح تروح تبقى لي نهايه وقلت لها: عازرنك كتير يازينه بلادي ياكاحله العيون خدك ديمه نادي يالادن القوام برسل ليك ودادي عيش في عش سعيد وصبري يكون لي زادي قالت لي :كيفن أعيش سعيد وإنتا بعيد عليا من ماقوم صغير حبك كلو ليا نبلي وهبتو ليك سته سنين سويه (خاتاك في القمر وإنتا خاتني في الثريا) في آخر المطاف ليه ريدنا يكون أسيه نار الشوق تقيد كل ما أطراك حبيبي منو البطفيها غيرك يعالجا ياطبيبي كلو منايا عاد تصبح من نصيبي. حسن ابو علي
