كنت دايرا في بالي هد العام نصوم في داري بعد ما كنت نصوم عند عجوزتي و قلت نطبق وصفاتك بصح الحمل مخلانيش لازملي نرقد منتحركش حملي مهدد ادعولي يتمم حملي بخير و الف خير يارب
كل عام والامة المسلمة بخير خقيقة مبقاش براكة في للوقت تبقاي تجري للاخر دقيقة يعطيك الصحة افكارك دائما يعجبوني لكن اسمحيلي اختي سميرة المطلوع بالسانوج الله الله مكانش حاجة اخري تجي في بلاصته تقبل الله صيامك
يعطيك الصحة سيرتو الخبز باين يشهي .انا قررت غي هذا رمضان نقلل الوقفة في الكوزينة رمضان لي فات كنت نحضر صباح ونزيد نكمل طياب بعد العصر نحس اليوم كامل راح ف الكوزينة
اغتنمو انساء رمضان للعبادة مش ضامن لعبد يبقى حي لرمضان الجاي فرصة باش ربي يغفرنا الذنوب لي متراكمة عل ظهورنا اقراو القرءان صليو صلاة الضحى تقربو لربي برواتب والذكر والله العظيم كلش ساهل كي تنضمي وقتك ماضاليش من تنوضي وانتي غير في الكوزينة وتنساي للعبادة ونقصي عليك هذا الاكل والتنويع راه فرصة ذهبية لينا بهذا الشهر الفضيل شهر ويفوت يجري 🏃🏃🏃🏃مالا شدو الهمة وربي يعينكم
يعطيكم الصحة حبيبتي 😍 صح فطوركم كااامل خياتي 🌹 انا درتلكم فيديو شربة فريك و شطيطحة مخ و طاجين الحلو و الحميس و بوراك البطاطا بالللحم و للسهرة درت محلبي و حاجة بسيطة و بنينة و حان وقت الدرس اتصنتولي 👂🏻👏🏻😂😁 نصيحة خياتي تفيدكم في رمضان بخصوص طاجين الجبن 🧀 انا مالفا نديرو بالارز و المعدنوس و توابل الشوارما لداخل باش يجي بنين و يكفي كامل العاءلة مرات نرافقو بالحمص و مرات بالزيتون و الفطر و الجلبانة وصلصة الجبن تجي روووعة 👍🏻🌹و بخصوص البريوش انا مالفا نديرو بالفرينة الكاملة و البيضاء مرات نحشيها بالشكولاطة او المعجون او السكر البني بالقرفة...و مرات نعجنو بالجزر و الكابويا و نديرلو الزبيب يخرج يهبل 😘 و لكل عشاق الارز ان شاء الله تستفادو انا نشري كيس تع 25كلغ من عند ليقروسيست الحمد لله صرت فنانة فيه انوع فيه في كلللش 😁 و صرت حافظة كيلة الماء و هو لازم يتغسل 3من النشاء و يتشمخ نصف ساعة و كل كيلة ارز لازملها 2كيلات ماء و باش يجي مزربع لازم البصل يتقطع مايترحاش باش ما يطلقش المادة السكرية ديالو و لازم ليدام كي يطيب الارز مع دجاج مشحم او لحم غنمي بنتو و قوامو يكون احسن من كي يطيب مع الاسماك كل حبة تكون مزربعة و شاربة التوابل و قوامها متناسق و البطاطا نقليها في طنجرة بالغطاء ندير 1/3القدرة زيت و 2/3بطاطا معناها البطاطا تكون اكثر من الزيت و نغطيها كي تغلي الزيت رايحة تغطي البطاطا و نطيب كمية كبيرة في وقت قصير و ماتتوسخش الكوزينة و نقتصد في الزيت و البطاطا ماتشربش الزيت ... و مرحبااا بيكم خياتي عندي راني دايرة تحضيرات رمضان ماتراطوش العسل 🍯 القطايف قلب اللوز يهبببل مطلوع ناجح ديول السميد مشتريات بالاسعار...و 🌹 اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش🌹😘
الله يبارك ماشاء الله روووعة يعطيك الصحة والعافية اطباق بنينة وتشهي وانتي لي محلية القعدة اكيييييد صح رمضانكم تصوموا بالصحة و الهناء وبارك الله فيك على الوصفات الرااااائعة والناجحة والمصداقية في العمل
