قالوا تغيّر مسرب الطير يالتيح
حتى الحماد مقصرً في وحوشه
مادريو بما صار بعض الطواريح
طاحت مودعت القلوب مخروشه
في موقعً ماهو بيحتاج توضيح
بالقيصمه قاع الوجيه البشوشه
شبهتها من عام في يابس الشيح
يوم الطشاش من السحابه ينوشه
ولاني بعاجز يوم اعيد التصاريح
الوصف ياتي قبل لارسل طروشه
ماكنها الا بنت قومً مفاليح
من حسنها عن كل عين مخشوشه
لكن لاجا علمً ويحتاج تصحيح
وقالوا خريشك يالشمال مغشوشه
تبري قلوب من الحباري مجاريح
والخرب من كبد الخضيرا تحوشه
لاشافها التاجر تذّهل ب تسبيح
ياخذ دقايق مايرفّـن رمـوشـه
جت من نصيب مبعدين المشاويح
ربعي غناة اللي بلش بالمعوشه
وظفر بها نسل القروم الطحاطيح
قرمً لربعه ماتغالى قروشه
هلال له في شبكة الطير ترشيح
يعرف مسار الحر لاشاف روشه
يوم الغشام يبيتون المراجيح
وثّق صور طبشا ووثّق نقوشه
تشهد معي بيد الحماد الصحاصيح
من قبلي الامحاص لا اشمل جيوشه
فارس بن سلطان
للتواصل
سناب شات
/ f_alnmes
23 сен 2024
