طبل العز ضرب كلمات/ سيد أحمد الحردلي ألحان /سيف الجامعه طبل العز ضرب يالسرة قومي خلاص والفرسان هنديل في الساحة ختو الساس والخيل عركسن والدنيا بوق ونحاس والبنوت زغاريتن تجيب الطاش السودان خلاص يالسرة قام دواس كسر قيدو تاني وشيد المتراس شد سواعدو تاني وشيد المتراس طبل العز ضرب والخيل تسابق الخيل من آخر الجنوب لي عطبرة وتوتيل يا شجر الهشاب قوم نمشي نهر النيل يااااا لوز القطن قوم تاني فتح وشيل وأرقص يانخيل فوق السواقي وميل السودان خلاص شايل السمح وعديل كسر قيدو تاني وقام جميل بالحيل شد سواعدو وقام جميل بالحيل طبل العز ضرب حي عليك يا كفاح والأذان نده حي عليك ياصباح شايل النور ومالي بالاغاني الساح الظالم وقع يابنية داوي جراح الشارع مرق تاني كتاح خلي الناس تنوم بعد الشقا وترتاح
