طبيب الأسنان العاطل؛ زيادة أعداد أطباء الأسنان؛ الحلقةدي إجابة على استفسارات الطلبة والخريجين من طب الأسنان عن قلة فرص العمل في طب الأسنان وزيادة الأعداد وإمكانية التميز وتواجد الفرص #Hala_Hazzaa #Dental_capsules #dentist #dentistry
كلام جميل لكن ده انذار ودق لناقوس الخطر زيادة الاعداد غير متناسبة مع الاحتياج الفعلي. مفيش دراسة ولا تقييم لسوق العمل . اعتقد اي نقابة في اي دولة فالعالم هتقيم الوضع وتحدد العدد حسب الاحتياج . الغاء التكليف اكبر دليل على كده
كامل حترامي لحضرتك طبعا وربنا يبارك في حضرتك علي الكلام الايجابي دا بس هو مين اللى وصل لحضرتك ان محدش عايز يتعب ؟! معلش بس الوضع لما حضرتك اتخرجتي كان مختلف تماما عن دلواتي وابسط شئ انه قبول الدراسات العليا دلواتي حضرتك عندك فكره عامل ازاي ؟! طب مصاريفه اد اي ؟ ماستر الامبلانت ف عين شمس ب 88 الف ف السنه ده لو ربنا اكرم واتقبلت ده غير الزمالات اللى بتتخطي ال 100 الف جنيه ف السنه طب حضرتك مدركه انه موضوع اجهز عيادتي حاجه ب حاجه ده علي فرض ان عندي مصدر دخل قادر يغطي مصاريفي وفي جزء بحوشه كمان ان في يونيت انا سالت عليها الشهر اللى فات واحنا النهارده بعد 19 يوم ف الشهر زادت مايقارب ال 8 الاف جنيه حتي السفر زمان اللى كانت بتقفل معاه كان بيشوف عقد عمل هنا ولا هنا وبيرجع يفتح عياده ويتجوز النهارده بعد ماتعدي برومترك وتذاكر وتمتحن ومصاريف مفيش اي مكان عايز ممارس عام ومعظم اللى موجود ف السعوديه حاليا ياما بلاك ليست ياما شغالين نسبه ومفيش اساسي حتي مساله العيادات معتقدش حضرتك عندك معلومه بالاشتراطات الجديده ف اماكن زي العاشر من رمضان انه لازم اداري ومش اي اداري ده مكان فيه اتنين سلم وبفرض اني لقيته حضرتك متخيله ايجار الاداري بكام ؟! ده انا مقولتش امتلاك حاشا لله انا بقول ايجار وف النهايه حضرتك يعتبر رديتي علي نفسك بانه شوف حاجه جنب اسنان ومش لازم تقلد فلان او فلان لان للاسف كان في وخلص المهنه يعتبر مكتفيه باللى فيها خصوصا ان ثقافه الناس ووضعهم المادي سئ ف الفتره دي ومش باين انه هيتحسن قريب حتي التكليف بقا حسب الاحتياج عمر حضرتك تخيلتي ان التظلم السكني بتاع البنات يترفض اللى م القاهره واللى من الدقهليه واللى من وجه بحري عموما ويروحوا يستلموا ف الصعيد بسبب انهم اتاخروا عقبال ماطلعوا النتيجه بتاعه التظلم وفجاءه يطلع انه لازم يستلموا عشان قرار التكليف لو عدي عليه 3 شهور وماتنفذش يعتبر لاغي فجاءه ظهر الكلام دا معرفش منين واتبعت للمديريات وهما مغلوبين علي امرهم راحوا استلموا لان دي اخر فرصه شغل ده طبعا مش انتقاد بس خلينا نقول ان دي تجربتي بما اني خريج 19 واشتغلت كول سنتر وميديكال كودينج ودكتور اسنان واسيستنانت ولفيت من المنيا للدقهليه للقاهره لاسماعليه تحياتي لحضرتك ويارب دايما من نجاح لنجاح
بقولك يدكتور انا دلوقتي في 2 اسنان خاص وحاسس ان مستقبلها مش كويس ومقلق بعد المجهود والفلوس دي ف الاخر تكون الدنيا صعبه ، فرأي حضرتك اكمل فيها ولا ايه ورأيك دلوقتي في سوق العمل سهل ولا مزدحم اوي
