الشغل المضبوط لا تخطئه العين ، ولكن المشكلة الأسعار المبالغ فيها جدا لبعض المقاولين بحجة جودة العمل والوسوسة بالمالك وخاصة مقاطع السناب واليوتيوب يصدعون راسك بالجودة وهم نصابين اما مسوقين او هم بانفسهم مقاولين واكثر مايخوفونك من من التشققات والميول ولاتركب الحلوق قبل اللياسة والمتاهات الاخرى وانت مابديت اصلا. نصيحتي من تجربة مهما بالغت في الحرص لابد من الأخطاء والكل يبغى يسرق منك باي شكل ، الرخيص يسرق منك وانت ماتدري والغالي يسرق منك وانت تضحك ، لذا وقف على الشغل بنفسك ومع الوقت بتتعلم وهناك أساسيات لابد منها اولا اختار المهندس المشرف بعناية واسأل عنه أكثر من واحد أشرف على عمايرهم . المشرف الفاهم يريحك من تلاعب الحداد والنجار . ثانيا البنا اختاره انت بعناية وتكون شايف شغله في البنا او يجيبه المقاول بشرط انك تشوف شغله وتتاكد فعلا من صاحب العمارة انه فعلا اشتغل عنده . وانتبه من المقاول يجبب لك كل يوم واحد ، اتفق معه ان مايغير البنا مهما كانت الطروف حتى يصير الشغل واحد وبكون فهم طلباتك وانت تاكدت من شغله . ثالثا حلوق الابواب لابد تكون موزونة بالملم وتاكد منها بنفسك بعد التركيب بميزان المويه لانها توزن معك اللياسة فيما بعد . رابعا اللياسة ابعد عن المؤسسات يجببون لك مليس من برا وياخذون منك حق المقاولة، وياخذون منه كمسيون وشغله تعبان . افضل شي خذ لك لفة على العماير المليسة وابحث عن الشغل الزين من نعومة اللياسة الداخلية وقوتها واستقامتها عند الزوايا والابواب والاسقف والشغل الزين تشوفه العين. ولا تهتم لبعض التشققات البسيطة هنا وهناك، في النهاية لابد منها مهما فعلت . اخيرا التشطيب اذا كان شغلك السابق مضبوط ماراح تتعب في التشطيب لانه يصير مجرد ذوق وتنسيق ونصيحة لا تجيب مهندس ديكور وتكاليف مالها داعي ، لانه بيصمم لك من الصور اللي في الانترنت، وفر فلوسك واختارها انت وطبقها عندك الدهان فقط جوتن او الجزيرة العزل المائي مهم لاتهمله وسلامتك
كلامك كلام مجرب وفاهم وكبير.. صحيح كل ماقلت.. وفعلا كلهم يبحثون عن المال فقط. مايبحثون عن البركة في المال.. جاي ينصب ماجا يستمر.. كأن بينه وبين العميل عداوة.. واكبر نصابين هم حقين السوشيل.. ومهندسين الديكور اللي اسعارهم ابني عمارة ثانية..
هذا اللياسه الصح ..... شغل نظيف .... ياحظكم ياهل الرياض كل شي متوفر عندكم موسسات وشركات ومصممين ... طب واختار ..... حنا في الشمال مافيه احد مختص وشغله نظيف
لاطلبت شي من الخالق عز وجل الله يعافيك ويرزقك من حيث لاتحتسب اطلب كل شي من الرزاق لان الرازق لو كتب لك رزق بيجيك لو العالم كله حاول يمنعه اطلب افضل ماتتمناه من الخالق الرزاق الكريم وثق بالله وان شاء الله بيرزقك افضل من ماتتمنى
ادعو الله بصدق مثلا انا ولا في الاحلام ابنى بيت ومستحيل بسبب الراتب والقروض يعنى غير ممكن حتى غرفة مستحيل ماهو بيت لكن الله سهلها والان عندى بيت ملك ادعو الله وكما رزق غيرك بيرزقك وخل أملك بالله كبير
نصيحه للي يبي لياسه جبلك مليس مصري والا باكستاني وخله يطرطش ويخبط بالخلطه ووفر نص المبلغ ولك مني يزبط عشره على عشره بلا مقاول بلا خرابيط مقاول يلهط ضعف المبلغ والعمل هوا نفس العمل بدون كذب
شغل ممتاز ماشاء الله لكن لا تكلفون على عماركم لاصحاب الميزانيات المحدوده تلييس القده والودع اذا ٤٠ المعكوس ٨٠ وترا ابو ٤٠ ممتاز والله شفت شغل شركات مشهوره اثناء البناء مايطبقون هذا كله وتشطيبات تشوفها تقول دقه متناهيه
كل إللي شاهدناه رائع بكل تأكيد لكنّه يناسب الأشخاص المقتدرين مالياً وأصحاب الميزانيات المفتوحة يعني بالبلدي فلوسه ماتخلّص ماهو كل شوي يقعد يتضارب مع العمّال على ١٠٠ريال وبالنسبة للشغل أهم حاجة التسليح والعزل الصوتي والحراري ومواسير سباكة حارّة وأسلاك كهربائية ذات جودة والمسائل المتبقية ترى ماهو لازم المهم الواحد يفتّك من الإيجار وخلاص .
اخي الكريم استخدم مادة خاصه بالشروخ اسمها غراوت كونكريت مع فك الشرخ بصاروخ ويكون فك الشرخ بطريقة ظرب وتنظيفه وتركه لمده 3 ساعات... اي استفسار تواصل واتس آب 0547845774
لهيٌـب آلمُوآجـَع مشكلة الشبك الي بين البلوك والخرسانة وحتى لمن تغطي فتحات الكهرباء والسباكة لازم تطرطش اول مع خلط القلو مع مادة الطرطشة وخصوصا الجسور والاعمدة الخرسانية وبعدين تركب شبك وتركب مسامير الي عالخرسانة بالمسدس وليس بالدق بالهمر لانه يقب بعدين ويسبب تصدعات وبعد الشبك طرطش مرة ثانية بنفس الخلطةعالشبك ودائما اسقيها مائ لمدة 3 ايام عالاقل بتصير صلبة جدا كانها خرسانة وابدا بعدها بالبلاستر وماتشوف اي تصدعات... هذا حسب شغلي مع مشاريع تابعة لارامكو
اللياسة بالودع التربيع مكلف جدا من ناحية المواد ومن ناحية شغل اليد بالنسبة للزوايا الابواب والدرايش مايحتاج يركب فيها زوايا عشان يركب الحلق والالمنيوم لا تكلفون على الناس يا بش مهندس
يا اخوان نصيحة للي بسوي لياسة مرحلة الطرطشة اخلط معها قلو خاص يباع بمحلات مواد البناء يجي سائل وبعدها رشها موية لمدة 3 ايام الئ ان تحس انها كالخرسانة ماتطيح باليد واهم خطوة داااائما الياسة بالماء الحلو ارجوك اخسر 200 ريال المائ الخلو ولا تخسر بسبب الكراكات واخيرا حاول يكون وقت الياسة بالاوقات الدافئة والباردة لاتليس بالصيف وشكرا
مشكور جداً باشمهندس استفدنا من هالمعلومات القيمة النادرة .. وياليت تستخدم الاصبع امام الكميرا للشرح على الزوايا او الاهداف التي تشرحها للزوار والمتابعين .. وافتكر مقاطع سابقة لكم كنت تستخدم هذه الطريقة تقريبا .. اشوفها افضل من الليزر لتوصيل المعلومة بدقة عند التاشير عليها .. وجزاكم الله كل خير .
عند الجفالي وكيل بوش 100 متر حدود 900 ريال و 50 متر حدود 600 ريال .. اسعار قبل سنتين .. لكن غير عملي للمطابخ وغير عملي خارج الابنية .. استخدامه موجه للمشرفين على اعمال البناء من الداخل كما هو استخدام المهندس بالمقطع ومناسب للاستخدام في هذه الظروف .. هذا الكلام حتى لايتورط احد فيه ..
شغل زين لكن راح يكلف مبالغ كثيره والنتيجه نفس الشغل التقليد بنسبه لتلييس حلوق البيبان كله نفس الشي اهم شي العامل الي يضبط الشغل اما الباقي ف اكثره كماليات بأمكان الي يبي يبني يتخلي عنها وتوفر له الكثير وجه نظري
من تجربة احذرمن المنظرين (مهندسين او مقاولين) اغلبهم مجرد فلسفة ويصدعون راسك وعند التطبيق تنكشف اقنعتهم وياكلون حلالك وهم افشل خلق الله. لاخير في ودِّ امرءٍ متملقٍ حلو اللسان وقلبه يتلهب! يعطيك من طرف اللسان حلاوةً وَيَرُوغُ مِنكَ كما يَروغُ الثَّعلَبُ
اخسر الوف عشان يرتاح الدهان وورشة الابواب والشبابيك مع ان الدهان والورشة مارينزلون لك ربع ريال الشغل الصح عقد مع المليس يسلمك على القدة واترك شغل الليزر ومدري شنهو
