النهارده هنعرف مع بعض طريقه تسويه صلصال ديمو وصلصال بروتو 🤗والفرق بينهم ايه 🤔و بطريقه سهله جدا جدا 😌وان شاء الله لو عجبكم الفيديو هنعمل افكار كثير واشكال كثير بالصلصال الحرارى👌🎥 متنسوش الاشتراك ف القناة 🙂❤️
لان الصلصال بيطلع منه ابخره والابخره دى محدش عارف هى سامه ولا لاء ف يستحسن نستخدم فرن مخصوص للصلصال ولو هاتستخدمى فرن الاكل المفروض بعد كل استخدام يتغسل
ديما حطى مع الشغل بتاعك قطعه صغيرة بس نفس التخانه بتاع الشغل تمام وبعد ماتخلصى وقت التسويه بتاعك طلعى القطعه وجربى تتنيها لو متكسرتش يبقى شغلك اكيد مظبوط لو انكسرت بسهوله يبقى استوت زيادة لو مفروله تبقى عايزة سوا لو اغمق الون يبقى انحرق بس بروتو بيغمق باقى الألوان بتبقى كويسه
بصى ياستى بعد تجارب كتير الصلصال بتاعك لو مستوى حلو معاكى هيكون مرن اول ما يطلع بس لما بيقعد شويه بيبقى صلصال ناشف ف بالتالى المفروض ان احنا منفضلش نضغط عليه والمفروض العميل بردو مايعملش كدة لان كل حاجه وليها عمرها الافتراضي مسألة المرونه دى علشان نأكد التسويه مش اكتر بنصح اى حد ان السمك ميقلش عن نص سم فى اى ميداليه أو دلايه هيكون كويس جدا حتى لو نشف مش هيتكسر غير مع الاستخدام الغلط اما بقى لو اتكسر اول مطلع من الفرن ف دة هيكون قلة تسوية أو زيادة تسويه مع تغير اللون شويه
الميكروويف لاء اول حاجه هيتحرق منك لأن الميكروويف درجة الحرارة بتبقى مختلفه عن الفرن ووتانى حاجه ممكن يكون غلط انه يدخل الميكروويف من ناحية الاحتياطات الأمن استخدمى الفرن العادى بس خلى بالك من التسويه
