السلام عليكم شكرا على فيديوهاتك المفيدة أود إن أعرف ما هو أكثر عامل يعمل على زيادة الحموضة ١-زيادة كمية الروبة ٢-زيادة فترة التحضين ٣- الترويب عند درجة حرارة عند درجة الحرارة اعلى من المعتاد
وعليكم السلام ورحمة الله وبركاته الشكر لله وهذه شهادة نعتز بها جميع ما ذكر مع الاخذ بعين الاعتبار كمية الحليب مثلا عندما اريد ان اروب كيلو واحد في علبة واحدة غير ما اروب اكتر من كيلو بنفس العلبة وحرارة الجو تلعب دور كبير أيضا خصوصا لما نحضن بالبيت لذلك لازم مدة التحضين ما تزيد عن ٦ ساعات
@@aburayan4924 كمية الحليب المقصود فيها مثلا إذا عندي وعاء يتسع ل ٥ كيلو حليب اروب فيها ٥ كيلو بتكون أقل حموضة اروب فيها ١ كيلو بتكون الحموضة اعلى هذا المقصود ؟؟
@@aymtama5948 لا المقصود عندما اروب ٥ك لفترة تحضين ١٢ ساعة راح تكون الحموضة أعلى من اك لانه كلما زادت كمية الحليب يكون فقد الحرارة اقل العكس صحيح عندما تكون كمية الحليب اقل يكون فقد الحرارة اسرع لذلك بالجو الحار العلب سعة كيلو بروب على حرارة ٥٠ او ٤٨ وتحضين يجب أن يكون جيد لفترة من ٤ ساعات إلى ٦ساعات اما ٥ك فيكون الترويب على حرارة ٤٥ لنفس فترة التحضين وما في داعي ازود الغطا عليهم هاذا في الجو الحار متل هاي الايام احنا في المصانع لما نروب ٢٠ كيلو في وعاء واحد نتركه خارج الحاضنة لتاني يوم او نضعة بالحاضنه لمدة ٤ ساعات وبعد ذلك نضعه بالتبريد
أشكرك أبوريان على معلومة الفرق بدرجة الحرارة عند ترويب حليب البقر والغنم، لأني روبت 3 مرات حليب غنم وما كان يزبط معي بس ما عرفت شو السبب وحضرت فيديوهات كثير، انت أول واحد بتحكي هاي المعلومة انو لازم على حرارة 55 مش 45. تحياتي
جزيت خيراً أخي الكريم أبو ريان على هذا الشرح الوافي والبيان الشافي.. أتفق معك في أن جمالية رائب الغنم هي في حموضيته وتماسكه.. سبق وعملته في البيت لكن للأسف لم يكن على درجة عالية من الحموضة والتماسك ففضلاً لا أمراً.. كيف يمكننا زيادة درجة الحموضة والتماسك.. وهل ترى من المناسب إضافة كمية من زبدة الغنم إلى الحليب عند تجهيزه لعمل الرائب.. مع وافر شكري وتقديري،،
ولك بمثل مادعوت وزيادة اما بالنسبة للحموضة فانصح باختيار بادئ حامض وعند اكتمال عملية التخثر نترك اللبن لمدة ساعة قبل وضعة في التبريد في الصيف اما في جو الشتاء فنتركة ٤ ساعات او ٦ ساعات وبالنسبة للزبدة فلا انصح الأفضل اختيار حليب ذو نوعية منتازة ذو دسم عالي ومن اجل الحصول على القشطة الموجودة على وجه اللبن نعرضه لتيار هواء بارد قبل الترويب وعند وضعه بالحاضنة يفضل وجود تيار هواء حار بهاذ الشكل يتكون وجه للبن روعة كل الشكر لحضرتكم على الكلام الجميل واتمنى لكم كل التوفيق واي استفسار انا في الخدمة
اخي الكريم شكر لمعلوماتك القيمة . وبعد اذنك سؤال.. اذا استخدمت حليب بقر كامل الدسم .وحطيت روبة لبن غنم بطعم ممتاز .هل احصل على لبن بنكهة لبن الغنم ولو بشيئ قليل. وشكرا لك
@@hassankawas8058 حياك الله اخي اذا كان الحليب البقري محلوب يدوي يعني باليد ممكن تحصل على طعم منتاز اما اذا كان محلوب اتومتيكي على الغلب راح تحصل حموضة اللبن ج
الله يعافيكي طبعا ممكن احنا بنسميه اريش الحليب بنحط حامض على الحليب عشان نحصل عليه وممكن نعمل منه جبنة سائلة بنحطه بالخلاط وبنظيف عليه كاسة زيت اكتر اقل حسب الكمية حتى احصل على خليط كريمي ممكن اظيف النكهة اللي بحبها
في الوقت الحالي حليب البقر خفيف والكميات قليلة من نفس المصدر واتوقع انه بنغش اما بالنسبة لحليب الغنم فقليل جدا لانه نهاية موسم وأعتقد أن اغلب الموجود مخلوط بحليب ماعز عشان هيك الدسم خفيف وبتحسي الطعم خفيف
اخي لو سمحت أكثر من مره اروب الحليب وقد ما تخلو يضل حليب مثل ما هو مع اني احطلو كمية روبا زينا ويكون تطيق الايد لما اروبو ارجو رد ولك جزيل شكر والاحترام❤️❤️
حياك الله اول شي الحليب من وين مصدره ممكن يكون فيه مضاد حيوي هاد اولا تانيا انك تاخذ درجة حرارة الترويب على ايدك بوضع اصبعك في الحليب ممكن تزبط معك بالشتاء اما بالصيف صعب لان الجو حار لازم حرارة الترويب تكون ٤٨ او ٤٧ ثالثا غير الروبة جيب روبة نوعية جيدة من شركة معروفة رابعا لازم تحضن الرايب لمدة اربع ساعات اقل شي وبعد الاربع ساعات اذا شفت انه بحاجة للتحضين سيبة كمان ساعة أو ساعتين المشكلة عندك اعتقد حرارة الترويب حاول تجيب ميزان حرارة واشتغل عليه وخبرني شو بيصير معك
يسلمو ايديك ابو ريان انا مشترك جديد في قناتك بدي اسالك بخصوص جبنه الكنافه انا تابعت فيديو لك بخصوص جبنه الكنافه كل شيء تمام وبارك الله فيك اريد منك لو تكرمت علينا كميه الحامض اي ملح الليمون على 25 كيلو حليب بقري كم جرام اضع على هذه الكميه وبارك الله فيك
الله يعافيكي شو نوع الروبة او من اي شركة يومين ثلاث حتلاقيه حمض اللي بتحكم بالحموضة بالدرجة الأولى الروبة وبعدين بنوخذ بعين الاعتبار العوامل المحيطة بالمنتج
نصيحه لا تروب بعلب لاستيكيه لان درجه حرارة ٥٥ كففيله انها تعمل امراض كثيرة ومنها تسرطن مافيها استخدم الفخار او الزجاج او الحديد صحيح مكلف الحديد الملبس لكن افضل او الستانلس ستيل لكن احذر من البلاستيك او قدر الالمنيوم
بارك الله فيك أخي أبو إبراهيم وجزاك الله خيرا كلامك سليم مية بالمية بس البلاستك اللي بنستخدمة نوعية منتازة وغذائي وبنستخدمه لمرة واحدة لكن ان توفر اوعية زجاجية او ستانلس غذائي او فخار فهو افضل قولا واحدا ..شكرا لك
@@aburayan4924 ويبارك فيك ويجزاك عنا وعن المسلمين كل خير افدتنا بالترويبه وان شاء الله النتيجه تكون مثل ماطلعت معك تحياتي لك عزيزي ولسعة نفسك بالرد على متابعينك
الله يعافيكي بتختلف من لبن للبن روبي من لبن اليوم الأصفر امنيح واذا بدك اتجربي لبن غيره جربي على كمية بسيطه والجنيدي الأصفر بس انا ما جربته في لبن الساعة ولبن الشافي جربتهم امناح بس الروبة كل مرة غير نوع من هالانواع وحرارة الترويب اذا كانت عبوات كيلو مش اقل من ٤٨ هالايام اذا كمية الحليب اكتر من ٥ك بالدلو مش اقل ٤٥ او ٤٦ راح يطلع معك لبن منتاز
@@امعمر-ف2ق5ظ الله يبارك اول شي خلي الحليب يغلي واذا عندكم ميزان حرارة حطي الروبة على حرارة ٥٥ اذا ما في ميزان حرارة بنقيس الحرارة بواسطة اصبع اليد لازم تكون الحرارة أعلى من اللي بنقدر نتحملها بشوي الروبة عبارة عن لبن رايب بقري او غنم بس اهم شي يكون جيد ومتماسك والمقدار معلقة طعام لكل ١ك يحرك جيدا ويدفى لمدة اربع او خمس ساعات لو ظل ٦ ساعات مو مشكلة
@@aburayan4924 إذا كانت كمية الروبة أكثر من المطلوب يعني بالخطاء بدل ما تكون معلقة لكيلو الحليب كان معلقتين وحضن الحليب بعد هيك كيف بدنا نعالج هذا الخطاء بحيث ما يطلب اللبن الرايب حموضتو عالية
@@aymtama5948 بنفتح عليه قبل وقت يعني قبل نصف ساعة من العيار المطلوب اذا كان متماسك بنحطه بالتبريد اما اذا كان فيه رخاوة بنتركه شوي لحتى يشد وبعدين وبنضعه بالتبريد
الله يعافيكي في عدة اسباب منها ممكن الحليب يكون مغشوش مضاف اله ماء تاني سبب حرارة الترويب السبب الثالت ممكن بتكثري روبة السبب الرابع مدة التحضين طويلة او حرارة التحضين عالية
بعد ما نقوم بإخراج الزبدة من اللبن نصفي اللبن بشاش مخصص لهذا الغرض حتى نتخلص من مصل اللبن لمدة يوم او يومين نفس طريقة اللبنة وبعد ذلك نقوم بوضع ثقل علية حتى نحصل على جمادة اكثر متل اللبنة الجامدة وبعدها نعجنه ونضيف إليه الملح ولذا لاحظنا انه بحاجة إلى أن يكون اجمد نضع عليه ثقل مرة أخرى لمدة يومين وبعدها نقوم بعمل أقراص الجميد او روس الجميد كما يسميها البعض في مكان ذو تهوية جيدة بعيد عن أشعة الشمس المباشرة حتى يتماسك جيدا مع التقليب وبعدها ننشره في الشمس حتى يجف
بقراء على علبة لبن بقري اشتريتها من السوبر ماركت المكونات : حليب بقري طازج ومبستر كامل الدسم.. بادئة شو المقصود ب مبستر هو الحليب المستخدم طازج ولا مبستر ؟
ببساطة مبستر يعني مغلي على درجة حرارة ٩٥ لمدة اقل شي ٥ دقائق ومن ثم يقام بتبريده على الفور لدرجة الترويب او اي درجة نحن نريدها ويسمى هاذا الجهاز جهاز البسترة
وعليكم السلام ورحمة الله وبركاته ممكن يروب على ١٥ او ١٠ او اقل حتى بس حيوخذ وقت وما راح يعطيكي الجودة والتماسك المطلوب افضل درجة للترويب صيفا ٤٥ إلى ٤٨ وشتاء ٥٠الى٥٣
السلام عليكم بعد ذانك انا من بومين عملت لبن بقر ونفس خطواتك ولكن اللبن طلع في إلو مطة كتير طعمو طيب بس شكلو كتير في إلو مطة بتعرف شو الاسباب يلي بتخلي اللبن يصرلو مطة انا بتركيا معقول من اللبن هيك صار من الخترة يلي حطيتها
وعليكم السلام ورحمة الله وبركاته اذا الخثرة الها مطة اللبن اكيد راح يطلع اله مطة اما اذا الخثرة ما الها مطة في أسباب كتير بتعمل المطة على سبيل المثال لا الحصر تلوث بكتيري درجة التحضين حرارة الترويب الخ
زي ما حكينا المطة وقلة التماسك بيجتمعو اذا كان في تلوث او الحليب برد او الحاضنة باردة ما في منه هالحكي الحليب نفسه جيد او غير جيدوالشغلة التانية الرايب اللي استخدمتية ممكن يكون فيه مطة انا شخصيا بروب برايب بارد
المقصود بالتلوث هنا هو دخول بكتيريا على البكتيريا الخاصة بالروبة فتقول بتثبيط عملها لذلك يكون المنتج بهاذا الشكل لكن يمكن استخدام المنتج للشنينة او اللبنة الجامدة او الجميد السائل او حتى الجميد البلدي
بعد غلي الحليب ثم تركه يبرد ليصل إلى درجة الحرارة المطلوبة لتضاف إليه الروبة ممكن نتركه يبرد لحاله وياخد بجوز ساعة لبيرد وممكن نضع الوعاء في مغطس ماء ويبرد خلال ربع السؤال عملية التبريد السريع أفضل للترويب ؟؟
طريقه رائعه لايعلئ عليها ومن أنجح طرق زبادي الغنم لأكن للأسف استعمال هاذهي العلب مع مواد ساخنه تخليها تتفاعل مع المواد اللتي صنعت منها هاذهي العلب البلاستيكية وتسبب أمراض خطيره تصل الا السرطانات فالحذر الحذر الحذر البلاستيك عموما لايستخدم مع المواد الساخنة ولا المواد المجمده انها للمواد البارده قليلا كالعصير والفواكه نجد بعض المطاعم يضعون الفول والمرق في أكياس بلاستيك وهاذئ السم الزعاف انتبهو بارك الله فيكم مو من شان شي عشان صحتكون ياغوالي. 🤣
يعطيك العافية روبت حليب نعاج بس اللبن كان علية من الأعلى طبقة لونها اصفر وطعمو حامض جدا و رائحتها رائحة الجميد بس اللبن تحت هي الطبق الطبقة طعم عادي مش حامض شو سبب هي الطبقة بدرجة الحموضة العالية ؟؟؟؟؟
