هنتعلم في الڤيديو النهارده طريقة قياس طول خيط المكرمية بالنسبة لعمود العقدة المربعة و عمود العقدة الملتوية ( الحلزونية او اللولبية ) مع شرح طريقتين شغل هيوفروا معانا خيط كتير و يساعدونا نقلل من هدر خيط كتير .
التسعير ملوش قاعدة بيكون تقديري بناءا على صعوبة التصميم و حجمه و كمية العقد و شكل الفينش و اتقان الشغل ،انت بتحاولي تقدري تعبك في القطعة بناءا على الحاجات اللي فوق دي و بتضيفي سعر الخامات و اي مصاريف صرفتيها عالقطعة ، و شوفي تسعير صفحات الفيسبوك ده هيساعدك في تقدير سعر القطعة
بجد انتي ممتازة وطريقة شرحك جميلة جدا ربنا يكرمك ويوفقك ديما وتفيدينا علي طول انا نفسي اشتغل مكرمية واعرف كل حاجة فيها انا عملت ميدلية من العقدة المزدوجة وكنت فرحانه اوي بيها
الف شكر عالفيدبو الجميل . .. من فضلك لو عايزة اعمل شغل مكرمية على مرطبان طوله 12 سم ... احدد ازاي الطول المناسب للخيط عشان لسه مبتدئة وعشان ما اهدر خيوط كتير .
جميل جدا ماشاء الله حبيبتى بعد اذنك لو هشتغل مفرش كله عقد مربعة وبدايته فوق ونهايته تحت الغرزة المزدوجة طوله 110 المفروض اضرب فى 8 اضمن ولا ازود كمان؟ وشكرا جدا