كلامك دوا بنتى كلش لى قولتيه صح بنتى عجبتينى عجبتينى يا الفحلة انا فى عمرى 66سنة عندى ولدى يخدم عند روحوا من 6hنتاع صباح يجى لعشية يجيب هديك البركة يعطيها لى يقولى غدوة نديها نجئ انا نرفد منها 100mille بلا ما نقولوا نديرها فى حصالة كبيرة كل يوم كل يوم وحد النهار قولتلو نولى ندسلك دراهم اعطينى كل يوم نصيب قالى لا ما نقدرش خليتوا وانا كل يوم ندسله فالحصالة واحد النهار حصل قالى خصنى دراهم قلتلوا من جيبلك خليته بقي حاير من يجيب دراهم يومين وهو يخمم قالى خصنى 20 millions جبتله الحصالة قولتله حلها كى حلها بقى مخلوع قالى من جبتيها قلتلو هدو دراهمك قولتله تعقل من قولتلك اعطينى ندسلك قلتلى لا شفت كى لقيتهم درك فرح وقالى عند الصح يا ما هدى قصتى لتقد تلم ودس ما تندموش تحياتى بناتى لقينا فيها 18 millions
كل راجل وكيفاه كاين لي تخليلو شهرية وتدي حق المطبخ .بصح هو يحسب روحو راه مدلك كلش تجي تتكساي للولاد يقلك عطيتك تجي حاجة زيادة يقلك عطيتك وهديك الشهرية يصرفها غير على الدخان وقهوة وووو.المليحة هيا يدي مصروفو لي يكفيه المعقول والباقي تتقسم على العايلة وخلاص
صباح الانوار كيف احوالك .حتى انا راني معاك في هاد التحدي ❤❤❤ والله عندك حق مش لازم يعرف . انا بغيتك تهدريلنا على : كيفاه نتحكمو في رواحنا باه منحلوش الحصالة وتاني الي ميزانيتها قليلة كيفاه 5 الاف تدبرها من مصروف المنزل وحبيت نقولك صح عن تجربة المراة بزاف عليها تحكم الميزانية كامل ..قالك اذا بغيت المراة تشرف ""يعني تكبار وتهرم"" اعطيها تصرف ههههه
يعطيك صحة كثرينا من هذو نصائح تقراص😅،وصح كنت نشدها كامل هوا مبذر ولا يتبعني حتى يكملهم ويزيد يسلف مالي خليتهالو وقتلو خليلي مبلغ مليون تاعي بعت ذهبي على سكنة وماخلفتوش وصح كي نخبرو شافضلت من ورايا غيرلا داهم،كلامك عسللللل
Je viens de passer l'aprèm à regarder vos vidéo ce qui m à vraiment étonné c est 1000da pour les légumes par semaine on dirait que vous ne vivez pas en Algérie ou bien vous passez votre temps à compter je comprends mnt comment vous avez fait pour avoir 7 gourmettes en or. Les légumes et la viande c mieux que les sucreries et les pâtes.
اختي شفت الفيديو تاعك تقسيم 3 ملاين انتي الي قسمتي رافي تايمون وكوسمتيك و لحم وخبز......معناها انتي الي تصرفي على المطبخ !!!? خلطيني 😅ولا تصرفو مع مع بعض مفهمتش الي فهمت تفهني راني جديدة معاكم ندير القلب و نحكم يدي و نسلك ديوني و يفرج ربي عليا وعليكم اخواتي في الله
مساء الخير انا درت هذي الحاصلة العام لي فات من صرف راجلي وانهار شريت بها هدية نجاح ولدي تليفون اي فون كي شاف الثمن لي لميت. ما وعلاش يدخل بالصرف للدار اضن ما لازمش يعرف خير هذا يقعد لك ليك مجهودك في التسير
كلامك طاحلي على الجرح كنت نخبي و نزير و نفكر و ندبر و نمدهملو يصرفهم الحق يصرفهم على اولادو بصح تبذير كبير عدت نخبي و ما نقولوش و كي يحصل نمدهملو عاد تاكل عليا كل دورة يقولي اجبدي علابالي بيك مخبية عاد يصرف و تاكل كي نمرض و نكون نافس و غير هو يصرف الشهر نكملوه بالكريدي يصرف بلا حساب و دك ديسيديت نخبيهم و اللي نطمو نشريه ذهب ليا نمتع عمري و كي صح يطيح فضيق كبير مرض بعيد الشر او يشري طوموبيل نمدلو يبيع كاش حاجة و يزيدهم . و الله الراجل غير يشوف الدراهم يبدى يخمم كيفاش يصرفهم و كاين اللي العكس يخبي و يخبي و يخليك مشتاقة الف حاجة و فلخر ماتعرفيهمش وين يروحو . المهم خلاصة القول خبي لعمرك ادا خبيتي مليون وريلو ميتين و الباقي ماتوريهولوش و ادا عندو مصروفو الميتين و ماتوريهالوش خبيهم ليك و لاولادك اشريهم ذهب تلقايه و الا اقلبيهم اورو ادا عارفة تصرفيهم من بعد
انا منين كنت صغيرة نديرها ولحد الان مزالني نديرها الحصالة علمتني نعرف نتسرف وانهار كنت راح نتخرج غير حصالتي لي فكتني ولذرك نديرها مالقري مانيش نخدم ومانيش مزوج نموت عليها ومانحسش روحي طفلة كي مانديرهاش كل 3 شهر ندير وحدة يالوكان نلقا فيها 3 الف حمدالله المهم من صغري نعرف قيمت الصوارد وقيمت الحصالة
انا راجلي مايمدليش في يدي بصح اي حاجة تخصني يجيبهالي من كسوة كوسميتيك اي حاجة بصح كرهت انا نحب نخبي ولا نشري حاجة لماما المهم نحتاج دورو ورا يدي مالقيت واش ندير معاه المهم الحمد لله وخلاص
Salam win darti bit makhzine ana f les lits coffre ta3 wiladi dès fois nsahak hadja wi konou ra9din donc je veux change jai petit appartement sans placard merci