الله يبارك لك يارب.. عندي سؤالين الماء مايضعف بحكم إنه عندي 5 دورات مياه في الدور ومطبخ فلو افترضنا فيه 2 دورات مياه شغالة والمطبخ كذالك مايضعف الماء سؤالي الثاني الصوت ماينسمع وإلا تعاني منه والأفضل نركب عليه عازل
ياليت ترد علينا الله يجزاك خير ويكتب آجر ويرفع قدرك هل تحتاج التفريعات الواحد بوصه إلى ميول ووزنيه ولا عادي ما يحتاج لأني بمرحلة التأسيس وودي أطبق الفكره
ابو انس بالطريقه هذي اذا فتحت اكثر من محبس في اكثر من حمام في نفس الوقت كيف بيكون الضغط؟ طيب لازم يكون فيه مضخة دفع في السطح او انه بيكون قوي بدون مضخه؟ تكرما منك اذا انتهى التشطيب ممكن تصور فيديو لان طريقتك هذي فيها توفير كبير
جزاك الله خير يابو انس ، استغرب كان هذا اختراع ! اقسم بالله اول مره ابني وخلية السباك يعمل نفس الفكره لان هو اقترح علي وشيكت على بيت الوالد اللي بانيه قبل ٤٠ عام ولافيه بطاريه ولاخرط فاضي فاعتمدة لكل شقه ماصوره
فكرة الخزان العلوي قديمة وفاشلة وتكلفة علي غير فايدة..كل بيوت العالم لايوجد خزان علوي إلا عندنا في السعودية وممكن الخليج.. ليش تحتاج اثنين خزان واثنين دينمو.. إلا يكفيك خزان سفلي مع دينمو ضغط...انا لي ١٤ سنة ملغي الخزان العلوي وتمتع بماء دافي في الشتاء وبارد في الصيف. ولا عندي اي مشكلة..انا ليست مهندس في تخطيط المباني لكن اتوقع يحسب له حساب في الأساسيات اذا عندك خزان العلوي وهو مكلف..
@@mohammadalwadie6165 ١٤ سنة في الرياض ولا مرة طفيت الكهرب وانا في الحمام.... اما اذا خرب الدينمو هو نفس الشي اذا خرب الدينمو المغذي للخزان العلوي تعرف ليش...مافيه احد يعرف ان الدينمو تعطل الا اذا انقطعة الماء..ان كان دينمو ضغط او دينمو رفع الماء الي الخزان العلوي يعني نفس الشي 😎
هههه من منظور شرعي حنا نحتاج للماء 5 مرات في اليوم وعليك بالحسبه كم عدد افراد العائله اللي بيتوضأ الغرب ماعندهم مشكله فاين وامشي سواء فيه مويه او مافيه 😅
طبعاً ماجربت الطريقه ذي لكن لو اول حمام تقابله الماصوره شغال فيه الدش والمغسله هل بيضعف الضغط عند اللي بعده ؟ لازم تجربون تفتحونها كلها بنفس الوقت وتشوفون نسبه الضعف
في هذه الحالة اذا تعطل العمود الفقري لاي سبب .. فمعناته تعطل جميع الحمامات لكن في الحالة الاخرى يكون كل حمام صيانته منفرده والامر الاخر .. توزيع الماء الحار على بايب واحد بوصة لجميع الحمامات لا يعطي الدفع المطلوب
ال3 بوصه لو تصير 4 يكون اقوى ضخ. فكرة ممتازة. هذا شغل مهندسين فرنسيين قبل حوالي 45 سنه في احد المشاريع في الرياض. ولو تكون الثلاث ارباع نصف بوصة يكون افضل واقوى للضغط وتكون المواصير بارزة فوق بلاط القيشاني لسهولة الصيانة وتكون اسفل الجدران
جزاكم الله خيرا شيخنا أبا أنس لكن هذه الطريقة تستلزم وجود اسطح مستعارة/ جبس في أغلب فراغات المبنى لتمديد السباكة كما ان اي تسريب سيعدم السقف المستعار لكن لو طبقت نفس فكرة المواسير / الخطوط الرئيسية لكل دور وجعلت الشبكة خارجية حول المبنى ( باستعمال ليات زراعية داخل الجدران/ الخرسانة أو عن طريق المناور وعزلها حراريا ) ستستفيد: ١- تقليل التكلفة بتقصير التمديدات حيث أن الحمامات والمطابخ تكون عادة طرفية ولها تهوية على الجدران الخارجية أو المناور ٢- عدم الحاجة لتركيب أسقف مستعارة/ جبس في كامل المبنى ٣- عدم تأثير التسريبات ( لو حصلت ) على الأسقف المستعارة والأثاث داخل المبنى ٤- سهولة إضافة تمديدات أخرى على الشبكة واستغلالها ايضا لشبكة الزراعة الخارجية والنوافير والشلالات والمسابح...الخ وليتكم جعلتم مواسير 2 بوصة في الفتحات/ السليفات المتجاورة على نفس الخط لسهولة ربطها ببطارية واحدة 3 أو 4 بوصة من الخزان كما ينصح بزيادة أحجام المواسير في حال كثرة الحمامات واحتمالية فتح صنابير أو شورات بنفس الوقت حتى لا يضعف ضغط الماء وفق الله الجميع لكل خير
المشكلة الان في التهويه انت الحين اضعفت التهويه و وزعتها على ثلاث مواصير واضعفت قوتها الطريقه ذي ماهي عمليه الافضل انك تنزلها من الخزان 3 بوصه وتربطها بماصوره طويله للتهويه وتسوي بطارية وتوزع لكل دور ماصوره 2 بوصه
فيه الطريقة التركية نزول ٢بوصة للارض خارج الفله تدور على العماره ثم تخرج منها ماصورة واحد بوصه وتدخل للحمام ثلاث ارباع بوصة ثم الحمام للدور الثاني ثلاث ارباع بوصه
الفكرة ممتازة بس عندي سؤال : لو إحتجت انزل ١ ماسورة إضافية من الخزان رأسا إلى الحوش منشان غسيل الأحواش و السيارة ؟؟ ....... هل مثلا أنزل أربع مواسير حجم ٣ بوصة بدل من ثلاث مواسير حجم ٣ بوصة ؟؟ ...... بحيث تكون الماسورة الرابعة مخصصة فقط لغسيل الأحواش مثلا او تكون مثلا لحمام في الحوش ؟
قد تكون موفره للمباني الكبيره اما الفلل الصغير افضل شي ماصوره بوصه لكل حمام ويكون الخزان مرتفع عن الملحق او بيت الدرج اكثر من نصف متر ولا راح تحتاج مضخات ان شاء الله وبيكون الدفع قوي ولا أفضل وجود اي نوع من مصادر المياه فوق السقوف المستعاره لا صرف صحي ولا ماء
السلام. اتمنا لكل ماصورة نازله . يكون لها هوايه بطريق مستقيم . ( بزاويه قائمه . بقسام . تي . مع الهويه اثناء نزولها . من واقع تجربه . افضل من الدينمو . وتكون نهاية ماصورة الهوايه من اعلى . بقسام تي وكوعين . من اجل ماتدخل الطيور والغبار . تسكر ب شك ناعم . لو دخل طير يصعب استخراج يموت وتطم راىحته بلموية . الله يوفقكم.
لو تعمل غرفة اسمنتيه صغيره بباب لمواصير الخزان العلوي لحمايتها من الشمس و الامطار ما تدخل داخل فتحات مواصير الماء . لان الفوم مستقبلاً يتشقق من الحراره و يصير عرضه للامطار و تعشيش الحشرات و تعشيش العصافير .
السلام علیکم اخي العزيز أبوء بوصة هذة عملكم كنما تصنعون القنبلة الذرية أخوية العزيز رحمة على امك وابوك الحمام مابية حاىط من الخارج تصعد البواردي ليش هذا المصروفات ٢اذا بوري ينظح الماء ماتعرفون البوي الينقط الماء على حسابك البيت يتفلش اذا اكوء نقاط ماء ليش هاي الكلفة ولتعقيد عمل دمار شامل لبيت أخوية اشلون شغل هذة جريمة هذة العمل شغلتكم بس بل افلام الهندية بوريك تعمل ٣ممساكن وليس واحد واشكرك دوخت نفسك
@@alwhed999 نعم الارتفاع يزيد الضغط، ولكن كذلك تكبير قطر الماسورة يزيد من الضغط، وخاصة مقارنة للمواسير النحيفة وفي بعض البيوت ضعف الضغط الماء يكون بسبب سوء التمديدات،
دور محبس الكتروني يركب في الماسوره الرئيسيه يقفل الخط اذا حصل تسريب كبير على الاقل لو حصل تسريب تكتشفه وتصلحه في ساعه غير السباكه الي داخل السقف تدفع لشركات تسرب الماء بدون نتيجه خسائر ماديه
ماشاء الله تبارك الرحمن 👍🏻 الله يوفقكم ويجزاكم خير عندي سؤال انا في شقه بالاسكان والادوار اللي فوقي يجيني منهم تسريب ماء غالبا وصعبه اقولهم شيلوا السيراميك وحطوا العازل فهل فيه عازل شفاف يوضع فوق السيراميك او مكان الترويبه ؟
ضروري جدا جدا حل مشكلة التسريب و يمكن ذلك باحضار شركات فحص متخصصة… و اذا كان مافيه تسريب فيمكن يكون فيه مشكلة في ترويبة السيراميك و تدخل منه موية الحمام حتى لو فيه عزل راح تنزل الموية و تحصل لها طريق للسقف و انت المتضرر. ازالة السيراميك هذي خليها اخر حل بعد ما تتاكد من مصدر المشكلة و اخيرا لو ما كان فيه حل الا بازالة السيراميك فهذا راح يكون ضروري لانه الترسيب ممكن يسبب ضرر عليك يكلفك اضعاف مبلغ تحصيل التسريب.
إذا فوقك دور واحد فا تأكد من السطح جب لك مختص ويفحص لك الشبكه اللي على السطح فا إذا كان فيه تسريب من الشبكه لأن في الغالب تنكسر زاوية ماسوره من الشبكه ويتسرب الماء عبر الجدران الى الدور السفلي والتجربه هذي حدثت معي وخسرت على الحمامات وآخر شي طلع كسر مواسير بالسطح
للتوفير في المواصير وتوفير الماء والاستغناء عن الخزان استخدام مضخةقراند فوس وخطين طالعه من المضخه خط للدور الأرضي وخط للدور العلوي تمشي في ارتداد المبنى ويدخل من كل خط تفريع للمطبخ ودورات المياه الارضية والخط العلوي تفريع لدورات المياه الدور الاول وبكذا تكسب قوة ضخ وتوفير مياه وتوفير كهرباء من مضخة قراند فوس والغاء الخزان العلوي بالإضافة إلى بردوة الماء بالصيف وقلة برودتها في الشتاء
الفائدة :سلامة المبنى من التهريبات والتسريب. تقليل التكلفة المالية.... علماً انه يتم تغطية بالخارج بديكور او حجر او زرعة بالبلك الخارجي ولو كان هناك تسريب سيكون بالاطراف وواضح جدا
بالطريقة هذه ما راح يصل لك ماء بارد أو معتدل في فصل الصيف، وعلى العكس في فصل الشتاء، المواسير الحرارية (الخضراء ومن شركات محترمه) إذا رُكبت بشكل ممتاز وعمل عليها إختبار خلاص أضمن بعد الله ما راح تهرب. يعيب الفكرة فقط إذا ما عندك استطاعة تركب سقف مستعار (جبس بورد) بحكم التكلفة، إذا مركب مركب، أشوف الفكرة جداً ممتازة
كثير من الشركات تعتمدها وهي فكرة معروفه في اغلب الفنادق و المشاريع تجدها ليست جديدة ولكن ارى ان الاشكالية في صوت الماء مزعج الى حدما وخصوصا اثناء فترة الليل او النوم ستسمع اصوات جريان الماء في المواسير
انا عندي حمامين غسيل في الملحق نزلت ماصورة 3 انش وحولتها 2 بنصف المسافة وقبل الحمام بمتر حولتها 1 وبعد المحبس 3 ارباع صار الضغط ممتاز حتى السخانة قوية هذي فكرة لو تجربها للملاحق تدعي لي ياشيخنا المهندس مجربة ومفيدة
عمل ممتاز بس عندي ملاحظه ماصورة 2بوصه حق الملحق موقعها غلط لان مستقبلاً لو قام ينشأ الدور راح يكون موقع الماصوره داخل الصاله المفروض موقعها يكون بجانب المواصير الثلاث وتكون داخل الجدار
انا كسباك فعلا المعلق مفيش افضل منه دي كانت رغبتي من زمان لكن كان بيتم الرفض الا اني قم بهذا العمل في فندق ام الحمام والمحابس كانت في منطقه واحده لكامل الشقه
السلام. اتمنا فتحات الدكت واي فتحه . تكون مرتفعه عن صبة السقف . بحيث لو تسكر المجرى ماينزل المطر مع الفتحات . كل مانزل المطر . ( بساب ماره وحده تسكر المجري . حق السطح . صار ينزل المطر مع الفتحات . بعد معالجت التسريبات . ارتفاع الفتحات . امان من التهريبات بذن الله الله يوفقكم.
تعجبني الأفكار اللي تخرج عن تجربة ميدانية وليست افكار مكاتب وتنظبر بس يبغالها شوية تطوير لان بهذي الطريقة احتاج 3 مضخات تقوية بدل واحدة في حال رغبت في تركيبها
طيب سوال إذ انا مواصيري ماهي فوق الجبس الطريقه المعتاده هل التسليك هذا الي اعتبره مره جميل وموفر اعتمده بنفس الطريقه او له طريقه ثانيه ارجوا الافاده ولكم جزيل الشكر
اشتغلت في العمائر الكبيرة ١٢ دور بطريقتين مختلفتين ١) صاعد خزان .. نازل ٢ بوصة في المنور و عند دخلة كل شقة مسلوب ل ١ بوصة و محبس ١ بوصة ثم محبس دفن يغلق علي الشقة كاملة و بعدين الشقة كلها خط رئيسي ١ بوصة و فرغيات ٣/٤ ٢) صاعة خزان ٢ بوصة و نازل لكل شقة من الأعلي ١ بوصة منفرد ثم محبس لكل شقة و رئيسي ١ بوصة و فرعيات ٣/٤
فكرة المواسير المعلقة شلتها من راسي من فترة طويلة بسبب الصوت وحاليا قاعد اعمر بيتي وأفكر في أنسب طريقه وأبو أنس رجع فكرة المواسير المعلقة براسي بالقوة بسبب التوفير الكبير ومن ناحية الصوت أعتقد لو غلفناها المواسير بعازل صوتي تنتهي المشكله
