ماشاء الله عليك شغل ممتاز ويجب عند تأسيس الصرف يركب ماسورة ٢بوصة بطول ٥٠سم في أرضية الحمام ويكون نصفها خارج على المسقط حتى تصرف المياة الناتجة من الرشح
اهلا وسهلا بيك نعم يمكن الاختبار بماء ملون ولكن الافضل اغلاق الصرف من ناحيه البلاعه ووضع مياه بداخل الصرف حتي يمتلاء وملاحظه انخفاض مستوى المياه ام عدم انخفاضه مع ملاحظه ان يكون اغلاق الصرف محكم بدون تسريب
اهلا وسهلا بحضرتك وعليكم السلام ورحمة الله وبركاته انا من مدينه المحله الكبرى حضرتك ابعتي لي صور للرشح او فيديو يوضح وضع الرشح وان شاء الله احاول اساعد عبر الوتساب 01550470196
انته مش دكتور انته دكتور ومهندس ومعلم ومدرب وشغلك منظم وعلمى ربنا يبارك فيك انا عندى كل المشاكل دى وكلمتك قبل كده علشان اهمل المواسير الداخلية الحديد واعملها بلاستك خارجية النهارده لقيت ان الشقة اللى فوقى نفس المشاكل والميه ماشية فى السقف ودخلت على السلالم والبياض بيقع من السقف والحالة مزرية لان الشقتين السباكة اتعملت مع بعض ونفس السباك الله يعمر بيته وكل ما اطلب سباك اللى يجيلى واجيبله طلبات ويمشى ما يجيش واللى يبص ومايجيش واللى تطلبه مايجيش لحد ما جالى الضغط والسكر واضطريت اجيب مكوة اللحام واتعلمت المصطلحات واتسكيت فى الاسعار اول مرة وبعد كده عرفت اماكن الجملة وبدات اعرف الماركات وفتحت اليوتيوب على مواقع فى ايطاليا وشفت شغلهم فى لحام البلاستيك وعيوبه واضراره واتلسعت كتير ههههههه خاصة انى بشتغل لواحدى مش معايا حد والحمد لله الهدر والاخطاء بسيطة وده اللى جابنى هنا واعجبت بشغلك وبتفكيرك وبتعلم منك وباخد خبرتك واشكرك على كده انا معايا دراسات عليا وشهادات جامعية وبطبق اللى درسته فى اى حاجة بعملها وعندى اختراعات فى الميه ورفعها بدون كهربا ولا مواتير وعملت نموزج مضخة وبياعين المواسير هههه انبهروا المهم انا من هوات جمع العدد حتى لو مش محتاجها عندى تقريبا من اول الهيلتى للكومبريسور للمناشير الكهربية لماكينة قلوظة مواسير الميه الحديد بجيب العدة واركنها بحب اتفرج عليها مجنون عدد وميكانيكا والكترونيات ولما باحتاج اعمل حاجة بلاقيها حتى كوبلن عربيتى جبتله زرجينة كوبلن ولقمة وذراع عزم وصممت اغيره واتعلمت من مجموعة فيديوات وغيرته هههه تعبت صحيح بس ماتتصورش فرحتى لما قبلت التحدى وانجزت المهمة بنجاح ومن غير خساير ،،، ملحوظة مش كل الصنايعية بيقولوا كل حاجة فى فيديواتهم لازم اجمع كذا فيديوا واخد خلاصتهم واطلع بنتيجة بعتذر على الاطالة بس انتت قلتلى لو احتاجت حاجة اقولك وده لانك كبير ومدرب محترف ربنا يجعله فى ميزان حسناتك اول ما هاجيب الافزان والمواسير والاكواع هاقولك واعرفك انا عملت ايه واستفيد من خبرتك شكرا لك
اهلا وسهلا بحضرتك حضرتك شخصيه مميزه جداً وانا سعيد اني اتعرفت على حضرتك ومن المميز في حضرتك هو بحثك عن المعلومه واجتهادك للحصول عليها ثم التطبيق والاستفاده منها واشكرك على كلامك الجميل وكتير عليا ده والله وتحت امر حضرتك في اي استفسار وفي اي وقت شرفتني وسعيد بالتواصل معك تحياتي لشخصكم المحترم والمهذب متحرمش
اهلا وسهلا بحضرتك هي قطعة حديد يتم تصنيعها عند الحداد ويكون معاك جلبه تطويل تظبط مقاس الحديده عليها وتكون مسلوبه بحيث الجلبه تكون في الوسط ويكون المقاس قبل الجلبه من الخارج اكبر بحيث تستطيع الدق عليها فتحكم الامساك على الجلبه ليمكن فكها بدون افلات
طب يا هندسة كان عندى رشح فى السقف و الجار اللى فوق جاب السباك و صلح خلاط المطبخ زى كدا . دلوقتي الرشح ينشف فترة و يظهر يومين و يرجع ينشف . احتمال يكون ايه السبب ؟
احتمال كبير من ارضيه السيراميك او رقبه البلاعه وممكن نشوف هل وقت ظهور المياه مرتبط بوقت غسيل الغساله وهل البلاعات سلكه كويس مع المتابعه ان شاء الله تجد السبب وبعدها يتم علاجه
عندى نفس المشكلة فى ناحية السخن تحديدا فى الكوع الاخضر والسن النحاس والسباك قال حصل فك للحام مابين السن النحاس والكوع الاخضر وان السبب ممكن يكون من ارتفاع درجة حرارة السخان ولازم يتم تغير الكوع فهل فعلا السبب ده صحيح وشكرا جزيلا على الشرح الممتع لحضرتك
اهلا وسهلا بحضرتك في المعتاد ان ارتفاع حرارة السخان بيكون تأثيرها اكثر على الكوع الموجود تحت السخان مباشره لا يمتتد التأثير للخلاطات ولكن يرجح قله في جوده البولي مع رباط بشده وكان الكوع ساخن من المياه الساخنه ولكن هذا ليس اكيد لاني لم اشاهد الكوع
لو سمحت انا جاري الي تحت مني بيشتكي ان انا بجيب عليه مياه انا جربت كذا حاجه منعت المياه عن ارضيه الحمام والبانيو لمدة اسبوع وبرضو المياه لم تتوقف عند جاري قفلت محبس المياه الساخنه من السخان الغاز لمدة 3 ايام وبرضو الوضع علي ما هو عليه في حاجه تاني حضرتك تقولي عليها اجربها
حبيبي أنا مبسوط من شغلك جداً أول مرة اشوف فديوهك لأني في مشكله وجدت رشح خارج الشقه والشقه إلي تحت وجبت السباك وقال لي لما شاف الرشح من بره وكان قريب من خلاط الدش قال لى من غير إختبار أنه تسرب مواسير الخلاط ولازم نركب مواسير بلاستيك خارجية لأنه إلي بالداخل مواسير حديد لكن قلت له جرب جلبة الطتويل وبالفعل فك وعرف إنه الجلب متأكله وغيرها وقال علينا أن نراقب الامر بعد يومين لانه مش عمل زيك وجاب طبه واختبر لكن ركب مباشرةً الجلب وبعد يومين وجدت بالخارج وجود تمليح بالخارج بعد الرشح ولكن تحت يوجد رشح إلى الآن فما هو الحل وهل أغير المواسير بحجة أنه مواسير الحديد إلي بالداخل مخرومه افدنى الله يرضى عليك
اهلا وسهلا بحضرتك شرفت القناه ونورتني حضرتك بعد اصلاح الرشح يكون الرمل ما بين السقف والسيراميك مشبع بكميه كبيره من المياه ويأخذ فتره كبيره حتى يجف لعدم وصول الشمس والهواء لهذا الرمل قم بتصوير المكان كل اسبوع وقارن بين الصور وبعد شهرين من الاصلاح ان كانت الصوره الاولى ولاخيره متتابقه ابحث عن وجود مشكله اخرى وان كان هناك اختلاف بين الصوره الاولى والاخيره بجفاف ملحوظ يكون تمام وانا في الخدمه لاي استفسار