بعد اذن حضرتك عاوزه اغير دهان اوضه بلاستيك اعمل وشين باللون الجديد و بعد كدا عاوزه اعمل شكل نجوم و دواير دهبى ايه نوع الدهبى اجيب الرش و هل هو انواع كدا الخطوات صح و شكرا مقدما لحضرتك
اتفرج على فيديو طريقه تغيير وصيانه لون اوضتك وبعدين تجيبى طبعه دواير وتثبتيها وترشى مثلا اسبراى بس تبعدى ايدك عشان ميريحشى واعملى حسابك تسيبى عينه من لون الحائط عشان تبقى تشيكى على اى تسييل على اللون الاساسى
الشقه غندى كنت دهنه نص الحيطه ورنيش على البلاستيك عشان اغسله لو عايزة ادهنها تانى واغير الوانها ادهن على طول ولا فى حاجه لازم تتدهن على الورنيش الاول ولو عابزة اعمل بلاستيك يتغسل اجيب نوعه ايه
لا عادى ممكن تدهنى وش بلاستيك مطفى وممكن تجيبى جالونين للاوضه وتخفيهم الاتنين بلتر ميه وتدى الحيطه كلها وش وفيه فيديو اسمه كيفيه تغيير لون اوضتك على القناه هيفيدك جدا فيه التفاصيل والمكيات والطريقه وبيتغسل
شكرا لحضرتك انا مشيت على خطواتك و الحمد لله سحبت معجون و بيضت اوضه و طلعت تحفه الحمد لله بس الصاله حبه ادهن حيطه بنى و ابصم بورنيش ماءى دهبى هل كده صح و البصمه استخدمها ازاى و شكرا لحضرتك جدا ارجو الرد
كل سنه وحضرتك طيب حضرتك انا عندى الصاله كبيره وعايز ادهنها ممكن تقولى اقسمها فى الدهان ازاى وهل ممكن ادهنها كلها لون واحد والا انسق الالوان ، للعلم الصاله بها الصفره ، فياريت حضرتك تقولى اعمل ايه
ممكن كلها لون واحد عادى لو عايزه تقسمى ممكن تختارى جنب واحد يبقى اغمق شويه من الباقى او ممكن تعمليه اغمق من الباقى بس قطيفه وفيه فيديو كيفيه تغيير لون اوضتك بنفسك على القناه فيه الكميات والاسعار والطريقه
هتدهنها على طول بروله صغيره وفرشه للمزانق 2 بوصه وكيلو زيت اللون اللى جضرتك عايزاه مع نص كوبايه شاى نفض او بنزين وتدى وشين بين كل وش ووش ساعتين او تلاته دى لو نضيفه مش محتاجه معجون
