شرحك مبسط وواضح ما شاء … عندي سؤال انا باعمل صواني و عاوزة اغمق اللون سنة بسيطة جبت دهان خشب فاتح احطه الاول طبقة خفيفة و بعدين الورنيش زي ما شرحت ولا ورنيش بس كافي؟
لو سمحت جايبه دولاب وكنت عاوزه ادهنه وش فوق الى مدهونه وهو اتقالى انه قشره استر وكنت عاوزه اغير لونه بس كل الى بيقولى بيعقدلى فى الخطوات فعاوزه باقل الامكانات فهل ممكن ادهنه طبقه ورنيش على طول واحط عليها لون وخلاص كتلميع واللون ممكن يعطى لون مختلف للدولاب ؟ فهل ينفع ولا لا؟
@@hussenhussen5570 طب تمام، اللون العسلى ده من ورنيش فالخشب مش واخد صبغه. صنفر الاماكن ديه بصنفره ٨٠، و بعدين ١٥٠ و بعدين ٢٢٠ و ادهن ورنيش زى ماهوا مشروح فى الفيديو. و بعد ثالث وش صنفر ب ٢٢٠ تانى و ادهن وش اخير. سيبوا لمدت يوم كامل و بعدين صنفر كل حاجه بصنفره ٣٠٠ او ٤٠٠ علاشان كله يبقى نفس الملمس. خليك صبور وانت بصنفره، فابالراحه و متستعجلش
لو هشتغل بالورنيش ٩٠١ وهدهن باب بياخد كميه كبيره جدا جدا من الورنيش ف حد قالى ادهن سيلر قبله علشان ااقفل مسام الخشب وبكده هوفر فالورنيش الزجاجى الكلام دا صح؟؟؟
@@sayedmohamed2445 اهلا بيك، الكلام ده صح و لاكن الورنيش كدا بيكون كطبقه على الخشب ضعيفه. دخول الورنيش جوا الخشب و تسوينه لطبقات من جوا الخشب لحد بره الخشب بيكون اساس قوى للورنيش. لو اتبعت طريقه التخفيف الى فى الفيديو مش حتحتاج كميه كبيره، ممكن تبتدى الاساس بنسبه ١ : ١ فى اول كيلو، و بعدين بنسبه ٢ : ١ فى الكيلو الى بعده ( نفط : ورنيش)
سوال يا باشمهندس هل ينفع استخدم مسدس رش ل رش الورنيش الزجاجى بدل من الفرشه و فى الحاله دى هل نسبه تخفيف الورنيش تفضل زى ما شرحت واحد ورنيش ل ربع نفط ولا نزود النفط فى حاله المسدس
اهلا بيكى عندك حل من اتنين، ١. تستعملى الورنيش ولاكن بنسبة نفط اعلى. يعنى مثلا ٣:١ ورنيش لنفط. كدا الورنيش حايدخل جوا المسام و يسدها و ميعملش طبقه على السطح تغير اللون. ده حيططلب حوالى طبقتن دهان ٢. تشترى زيت تيك، ده برده الخشب بيشربه و مبيعملش طبقه خارجيه. موجود عند موانين كتير و سهل استعماله جدا فقط تغمسى فوطه او سفنجه فى الزيت و تمسحى بيه الخشب. بعد ماتخلصى تجيبى منديل المطبخ و تمسحى الخشب كويس علاشان تشيلى اى زيادات. و تسبيه ٢-٣ ساعات و تكرر الخطوات مره تانيه فى المجمل الخشب حايغمق سنه صغيره و لاكن حايكون جميل جدا و كل تفاصيله حاتبان
شكرا جزيلا على المعلومات القيمه، جزاك الله خيرا و نفع بك الناس، لكن كنت عايز اعرف لماذا بتفضل ورنيش GLC مع أن هناك ماركات ورنيش بولى يوريثان اخرى و الصنايعيه بتقول انها ممتازه، مثل، Jotun clipper varnish CMB Verona varnish and the most famous, Pachin flot
دهنت الاويمه بتاع الصالون الاسبراي الدهبي بس لما بشيل الكرسي او المس الاويمه بلقيها تتشال و تغير اللون ادهن طبقه حمايه اذاي ضروري ذي ما حضرتك قولت ولا في تغير و هل ممكن اضافه التنر على الورنيش فقط بدون النفط برجاء الرد ضروي
اهلا بيك، اللاكيه الى حضرتك جايبه زى ما ذكرت مطفى فا عمره ما حايديك اى لامعه. حضرتك ممكن تعمل حاجه من الاتنين: ١. تجيب لاكيه ابيض لامع و تدهنه تانى بالكتير وشين. او ٢. تدهنه ورنيش لامع مع متابعه الخطواط المذكوره فى الفيديو اتمنى اكون ساعدتك و لو فيه اى استفسارات تانى تحت امرك فى اى وقت
طيب انا عندى كبايه خشب بس من جوا مش مدهونه اى حاجه متصنفره بس و عملت عليها كذا طبقه زيت زيتون بس حاسس انها مش كويسه و بتطلع بعد مرتين تلاته اقدر اعمل ورنيش شفاف من جوا الكبايه من غير نفط
اهلا بيكى، لا ينفع طبعا مع العلم ان طبقه الورنيش ممكن تتشال. حضرتك حتجيبى صنفره ٨٠ او ١٠٠ و تصنفرى الاماكن الى حضرتك عايزه تدهنيها لحد ما اللمعه تروح. و بعدين تصفنفرى تانى ب١٥٠ و بعديها ب ١٨٠ او ٢٠٠. كدا الخشب هايكون جاهز للدهان
من فضلك عندنا أرضية موسكى قديمة صنفرناها ، هل ممكن صبغها بحصا الجوز و الاكتفاء بتلميعها بالورنيش و لا لازم سيلر قبل الورنيش لحمايتها ؟ لأننا حنغيرها بعد فترة فكنا عايزين نقلل التكلفة
اسف جدا ليك انا ماقرأتش اخر جزء ان الباب مدهون ورنيش من قبل كدا. للاسف مش هاينفع, الصبغه تديك افضل نتيجه لما الخشب هوا الى يشربها, لاكن فى حالتك ديه الصبغه حتقعد على الورنيش القديم و الخشب مش حايشربها و هيبقى شكلها مش حلو
العفو ده من زوقك الرفيع لا انصح الصراحه باستخدام البنزين عوضا عن النفط، النفط ماده مصنعه مخصوص لتخفيف مواد الدهان اى لا تتفاعل معاها و اخاف ان البنزين قد يتفاعل مع الورنيش
عندنا الانتريه بني تقريبا بورنيش او استر ومدهون عليه حتت دهبي كدا بسيطة فانا شلت الدهبي ده بالاسيتون بس تقرييا شلت شوية الدهان فا ينفع استخدم الورنيش ده عشان اظبط الحاجات الي اتشالت؟ ولا هيبقي شكله وحش ؟ يارب تكون فهمت قصدي
فهم قصدك. الى انتى شيلتيه ده لون او استر زى ما قلتى مش ورنيش. الورنيش بيبقى طبقة حمايه خارجيه. ممكن تروحى Jotun, عندهم كل الالوان الستر و تنقى المناسب ليكى. لاكن حتطرى تشترى اقل كميه موجده عندهم الى هيا غالبا حتبقى اكتر من الى انتى محتاجاه الى هيا ١ كج. لو عايزه تعملى الموضوع ده قليلى حكملك شرح طريقه بسيطه علشان تدهنى الاستر
لا طبعا مش محتاج. ميزه الطريقه المشروحه ان اول وش بيتشرب من الخشب و بعدها كل وش بيتبنى فوقه. اول وش ممكن تعتبره/تشبه بالأساس بتاعت العماره، بتعمل الاساسات و تبنى فوقيها
انصحك انك تجربى اللوان بنسب مختلفه على اى فضل خشب الاول. بنسب يعنى مثلا حتخلطى الفضى x الدهبى x المخفف كل ما تزودى لون عن التانى حايبان اكتر و عكس كدا صحيح. و كل ما تزودى المخفف كل اللون يخف
أتقل على حضرتك وتفيدنى ... اوضة نوم كاملة بلاكار للسقف تاخد قد ايه ورنيش وطبعا ربعها تقريبا نفط وايه أحسن نوع صبغة أرمم بيه الألوان اللى نحلت مع الاستعمال لأن الخشب قشرة جوز لونها بندقى والعضم على لونه ولو تحب ابعت صورة اكتب أى لينك ابعت لك عليه أسفة على الإطالة بليز استمر فى الفيديوهات اسلوب حضرتك هادى و بيستهدف الهواة اللى زيي انا كده
@@fatenmohamed9156 غالبا الاوضه محتاجه جالون ورنيش. بالنسبه للون نفس الموان الى حضرتك هتروحيله عنده برده الالوان الى حتحتاجيها للترميم. نوع الالوان ديه حتكون صبغه فى حاله ان تجزيعه الخشب واضحه، او حاتكون استر فى حاله ان التجزيعه مش باينه تخت امرك فى وقت
اهلا بيكى، كلكع يبقى حاجه من الاتنين. يا الورنيش الى بتستعمليه الغطاء مكنش مقفول جيدا فنشف، او مستعملتيش نفط او ثنر للتخفيف. الامر سهل تستنى لحد ما ينشف، و بعدين تصنفريه بصنفره عاليه، على الاقل فوق ال ٢٠٠، حينعم و يبقى تمام. بس حتحتاجى تدهنى وش كمان
@@MahmoudN36 مش عارفة نوعه بس تقريبا زان او موسكي، بس هو مدهون باللون البني وعروق الخشب ظاهرة ، عايزة احافظ على عروق الخشب تفضل ظاهرة لما اعيد دهانها تاني . كمان عايزة أسأل هل دهان كريتال ينفع ولا دا هيغطي الثمرة بتاعت الخشب؟
@@ebtesamjad6980 الموسكى لونه بيج فاتح و الزان بيكون غامق. كمان الموسكى بيكون فيه عقل او دواير سوده. لو هوا موسكى يبقى تصنفريه كله لحد ما اللون يتشال و تدهنيه ورنيش زى فى الفيديو حيديكى اللون البيج الى انتى عازياه. الزان حايكون اغمق
@@ebtesamjad6980 اى خشب مدهون لون محتاج صنفره جامد. لاكن الزان خشب لونه غامق، تفتيحه علاشان يوصل للون البيج حيكون صعب. الخشبه نفسها لونها حلو ممكن تشوفيه بعد ما تصنفرى، لو عجبك ادهنيه وريش زى ما اتشرح فى الفيديو
الورنيش لونه اصفر خفيف قوى، لو حتدهنه على خشب مدهون ابيض انصحك تخففه اكتر من الى انا قلت عليه فى الفيديو. يعنى ممكن بنسبه ٢:١ ورنيش الى نفط و تدهن ٣ - ٤ وشوش. مبين كل وش و وش تقريبا ٢- ٣ ساعات.
اهلا بيكى، مفيش مشكله يا حضرتك يا اى اسطورجى الباب حايصنفر بدرجه ٤٠ لحد ٢٠٠ يشيل الورنيش الى موجود و بعدين يتصبغ باللون الى حضرتك محتاجاه و بعدين يتدهن ورنيش
@@انسانوسحياتي-ض2ه افضل نتيجه للورنيش لما يكون هوا الوش الاول على الخشب. ممكن تدهن الارفف وشين ورنيش و بعديها تلمعه بالجوز، او تديله جوز على طول بس فى رائي اديله الورنيش الاول وشين افضل حيخلى الخشب يعيش معاك وقت اطول و كش حتحتاج تدهنه دانى لوقت طويل
اهلا بيكى الفقاعات ديه ممكن تكون من كذا مصدر ١. ان الورنيش نفسه مش متخفف كفايه، ممكن تتبعى التعليمات الى فى الفيديو ٢. نوع الفرشه، فيه فرش بتكون نشفه و خشنه، يفضل استعمال فرش نعمه ٣، يفضل انك متغرقيش الفرشه كلها فى الورنيش، فقط النص الاول للاسفل ٤. حركتك بالفرشه على الخشب لازم تكون مش سريعه اتمنى انى اكون ساعدتك و لو فيه اى سؤال تانى تحت امرك فى اى وقت
لو سمحت انا دهنت باب بلكونه بورنيش لامع من الخارج وعايزه اغير لونها وبعدين ادهنه ورنيش تاني اعمل ايه ادهن فوق الورنيش ولا لازم اشيله الاول ولو هشيله ياريت حضرتك تقولي اعمل ايه بالتفصيل
اهلا بيكى و اسف على التاخير فى الرد، الورنيش بطبعه لونه اصفر و لاكن بالطريقه الى فى الفيديو لونه بيخف جدا و يقرم من انه يكون شفاف. الاصفرار بيحصل لوحاجه بتتعرض للشمس
حضرتك حتعملى الاتى، بصنفره ١٢٠ او ١٤٠ حتصنفرى الحتت الى الخشب فيها باين لحد ماتنعم حتروحى يوتن او اى حد بتاع دهانات تجيبى لون الاستر الى الغرفه مدهونه بيه و مادة التخفيف حتخففيه زى ما هوا مكتوب على العلبه و تدهنى بيه الحتت الى صنفرتيها حندهن وش واحد لك يوم لحد ما اللون يظبط معانا زى باقى الغرفه بعد كدا حندهن الحتت ديه بالورنيش ذى فى الفيديو ما وصفط
شكرا ليك ، سؤال صغير ، انا عندى نيش قديم اكتر من 30 سنة ، وعلى حسب معرفتى فهو مش خشب مدهون ولكن عليه القشرة المدهونة اللى بتتلزق ديه " مش فاهم اوى أعذرنى" السؤال ، هل أقدر أديها طبقة ورنيش على طول ولا ليها طريقة خاصة ؟ وهل هايمشى عليها نفس نوع الورنيش المذكور فى الفيديو ولا محتاجه حاجه تانية ؟! شكرا ليك مرة تانية .
@@حبيبةعبودي-ث4م معنديش فكره الصراحه لو ينفع، و مسمعتش او شفت حد بيستعمل بنزين فامنصحش بيه. طبعا ينفع تضيف لون على الورنيش، انا كل دهانات اللاكيه بعملها كدا، بنسبه ١:١ ورنيش و لون متخفف
@@راجيهالجنهالجنهعبادالرحمن الصراحه الجاز بالنسبالى منضف كنت بستعمله علاشان انضف اوساخ الزيت فى السياره. و الورنيش ماده اساسها الزيت، جرب و انقلنا حصل ايه معاك
@@sara85eg هوا الفلوت مش هينشف غير بعد وقت. من غير تخفيف متوقع ياخد فى حدود اسبوع لاثنين. المره القادمه استعملى ورنيش بولي يوريثان افضل من الفلوت مع التخفيف طبعا زى ماذكرت فى الفيديو
ينفع طبعا و لاكن, 1.التنر كمزيب بيطير\يتبخر اسرع بكتير من النفط فبتلاقى الخلطه بتتقل مع الشغل و ده مش كيويس 2. ان النفط بيخلى الورنيش يعمل سطح املس و ناعم اكتر من التنر 3. لما بنستعمل النفط فى التخفيف, اول وجه دهان بيتغلغل داخل الخشب اكتر بكثير
الحبوب على الخشب؟ اولا لو كلكع يبقى حضرتك مقلبتهوش كويس مع المخفف الى هوا النفط ثانيا يتم تخفيفه بنسبه ١:١ علاشان يبقى سلس معاكى و انتى بتدهنى لو فيه اى استفسار تانى احنا تحت امرك فى وقت
@@yusuf4179 التجليخ يحصل من رقم صنفره واطى زر ال 40 الى 120. من 150 و انت طالع ديه صنفره تنعيم, فاتقدر تستعملها علاشان تشيل السلر واحده واحده و من غير ما تأزى الخشب
حضرتك حتجيبى صنفره درجه ٨٠ و ١٨٠ ، و باا٨٠ حتشيلى اللون الى مش عجبك لحد مالى تحته يبان. لو الخشب بان متقلقيش بس سبيه و كملى صنفره فى الباقى. و بعدين تصنفرى تانى كله بال ١٨٠. و بعدين تدهنيه اللون الى انتى عايزاه. طبعا اتبعى نصايح الدهان بالفرسه من الفيديو علاشان يصلع السطح املس و الفرشه متعلمش. لو محتاجى اى حاجه تانيه تحت امرك فى وقت
