#مملحات_كورني_مالح_مشروع_مربح
-مرحبا بيكم في فيديو جديد ومشروع جديد ان شاء الله يعجبكم ... ماتنساوش ديرولي جام للفيديو تدعموني وتشجعوني نقدملكم اكثر واكثر...
-رابط للانستغرام 👇 👇👇👇
/ wasafat_oom_tasnim
-ملاحظات مهمة 👇👇👇
-من الافضل عجينة اي نوع من المملحات تتحضر يوم اللي تسلم فيه الطلبية يعني لازم تقسموا وقتكم وتنظموا وإلا راح تتلفلكم الخدمة ويروحلكم الوقت.
-البيشامال حطوا ملعقة صغيرة ملح ماتكثروش لأنو الفرماج مالح والدجاج مالح .
-العجينة ماديروش بالكمية الكبيرة لأنها طول يخرجها الخميرة وتولي يابسة.
-كي تبداو تشكلوا الكورني شعلوا الفرن على 180درجة يسخن مليح .
-البيشامال ماتكونش ثقيلة بزاف .
-
🌾🌾🍁🌾🍁🍁🌾
-المكونات: نعطيكم مقادير مضبوطة ل50حبة:
-للحشوة:
-صدر دجاج كامل ونصف صدر (يحشيلكم 55حبة والحبة تكون محشية مليح يعني يكون طعم دجاج غالب على البيشامال).
-نقطع صدر الدجاج قطع صغيرة ونحطوا في مقلاة نحط عليه ثلاث ملاعق زيت والملح وملعقة صغيرة فلفل اسود وملعقة صغيرة توابل الشاورما يمدلوا ذوق رائع وثلاث فصوص ثوم مرحيين ونحطهم كامل على نار هادئة حتى يطيب الدجاج ويتحمر مليح.
-يمكن إضافة ملعقة كبيرة موطارد.
🍀🍀🌿☘️🌿🍀
-البيشامال:
-القاعدة تقول كل كأس حليب بملقعة كبيرة زبدة وملعقة كبيرة فرينة .
-في كسرونة نضع زوج ملاعق كبار زبدة وزوج ملاعق كبار فرينة ونزيدوا زوج كيسان حليب (وحجم الكأس 220ملل).
-ملعقة صغيرة ملح.
-ملعقة صغيرة فلفل اسود .
🍀🍁🌿🌾🌿🌾🌿🌾
-العجينة:
-كأس حليب دافئ (حجم الكأس 220ملل).
-كأس ماء دافئ.
-نصف كأس زيت .
-ملعقة صغيرة ملح.
-ملعقة كبيرة خميرة الخبز.
-زوج ملاعق كبار سكر.
-بيضة كاملة .
-ملعقة صغيرة خميرة الحلوى.
-فرينة لجمع العجينة (حسب الحاجة والعجينة تكون طرية شويا باش يجي الكورني خفيف).
-صفار بيضة مع شوي حليب ندهنوا بيها العجينة بعد التشكيل .
-سينوج او جلجلان للتزيين.
🌾🍀🌿🍀🌿🍀🌾🍀
26 окт 2024