سلام الاخت ام صابرين مشكورة على الوصفة خرجت تحفة الله يبارك ويعطيك الصحة على الحيلة لستعملتيها في طريقة التحضير فكرة هايلة شكرا والمزيد من النجاح والتألق ان شاء الله .
شكرا لكي ومرحبا بيك عند أختك أم صابرين شرفتيني و شرفتي القناة الله يحفضك ويفرحك إنشاء الله 🤲💞 نعم تقدري تخدمي مقروط اللوز و المخبز و تاج العروسة بنفس الوصفة و الطريقة ويخرجو معسلين للقلب و طريين🌹🌹🌹
السلام ربي يحفظك صحيتي اختي ربي يحفظك. راني جربتها لعرس خرج روعة ما شاء الله شحال من نهار وهو طري. جربوه البنات ما شاء الله راح نخدم بها حتى ولو ماكنتش مزروبة
شكرا لكي مرحبا بيك عند أختك أم صابرين شرفتيني و شرفتي القناة الله يحفضك ويحفضلك العزاز عليك انشاء الله 🤲💞 سعر مقروط اللوز 15 ألف أو16 ألف للحبة على حسب التزيين وحجم الحبة والحلوة بصفة عامة نحسبها بالحبة أنا مانحسبش بالكيلو والله يوفقك🌹🌹🌹🌹
شكرا لكي على كلامك الطيب ومرحبا بيك عند أختك أم صابرين شرفتيني و شرفتي القناة كيلو لوز يقطع حوالي 33 حبة وعدد الحبات راجع لكبر أو صغر الحبة وأنتي احسبي على حساب تقطيعك الله يعاونك و يقدرك إنشاء الله 🤲💞
شكرا لكي ومرحبا بيك عند أختك أم صابرين شرفتيني و شرفتي القناة تقدري ديري نفس الوصفة على الكوكاو إذا حبيتي تقدري ديري مع كل كيلو كوكاو كأس جوز الهند (نواة كوكو) يقضي على ريحة الكوكاو القاوية ويعطي بنة روعة وباش يجي المقروط خفيف ماشي مدكوك وبما أنها طلبية باش ما تغامريش بالسلعة جربي 4حبات باش تعرفي النتيجة لأن الكوكاو أنواع كاين لي يخرج زيته وكاين لي ما يخرجش جربي باش تكوني مهنية ولكن وصفة اللوز ما تريحش لكن الكوكاو خليه يريح مدة 2ساعات الى 3ساعات إلا حبيتي أي حاجة راني هنا والله يحفضك و يعاونك 💪 أنشاء الله 🤲💞
الله الله عليك يا ام صبرين ربي يحفضك والله لا أمل من وصفاتك ونحب نقرى تعليقاتك أو بالأحرى الرد على تساءلات المشتركين نموت عليك أم مروة من براقي@@oumsabrinecook
اللوز ما نحمصوش ولكن ندخلو للكوشة ينشف فقط بلا ما يتغير لونه وبخصوص 150 حبة عاودي شوفي الفيديو ودي منه الحساب لي حبتيه أنا 2 كيلو لوز قطعلي 72إلى73 وأنتي زيدي كمية اللوز باش طيحي في حسابك وماتنسايش لازم يكون كاين زيادة وثاني ديري حساب الحبة إلا قطعتي المقروط صغير راكي تتحصلي على كمية كبيرة وأنتي طلعي حسابك والله يعاونك ويقدرك انشاء الله 🤲🩷
شكرا لكي 15يوم مدة طويلة حاولي تنقصي شوية في المدة هو ما يفسدش ولكن ينقص من حيث البنة والطراوة ماكانش قد الحلوة الجديدة حاولي تنقصي في المدة وتكلي على ربي والله يعاونك ويقدرك 💪 أنشاء الله 🤲💞
شكرا لكي ومرحبا بيك عند أختك أم صابرين شرفتيني و شرفتي القناة الله يحفضك ويفرحك إنشاء الله 🤲💞 سعر مشوك الكوكاو و الفرينة 8ألاف للحبة لأنه يرفد كمية كبيرة من الكوكاو أنا نحسب بالحبة ماشي بالكيلو
شكرا لكي مرحبا بيك عند أختك أم صابرين شرفتيني و شرفتي القناة الله يحفضك ويعزك إنشاء الله 🤲💞 درجة الحرارة ناقصة كي يتغير لونه من تحت طفي منتحت و شعليلو النار من الفوق ينشف وخرجيه لأنه إذا طول في الكوشة ييبس وما يجيش معسل🌹🌹
شكرا لكي مرحبا بيك عند أختك أم صابرين شرفتيني و شرفتي القناة الله يحفضك ويحفضلك العزاز عليك انشاء الله 🤲💞 أنا درت 6كيلولوز خرجلي 200وشوية معناه 250حبة تحتاجي 7كيلو و500غ لوز وهذا راجع لكبر الحبة يعني إلا صغرتي تقطعلك أكثر
200 حبة مقروط اللوز داتلي من 6 إلى 8 سكر ناعم و كي كملت التسكار بقات كمية من السكر مراحش خسارةخليتو ينشف من بعد صيرتو ونخدم بيه ليصابلي وحلويات أخرى والله يحفضك و يحفضلك العزاز عليك انشاء الله 🤲💞
مرحبا بيك عند أختك أم صابرين شرفتيني و شرفتي القناة 200حبة الوزن تقريبا 40 غ في الحبة 6 كيلو لوز بهاذا الميزان إلا قطعتيهم صغار على 40 غ ممكن يقطعلك أكثر مني الله يحفضك و يعاونك 💪 أنشاء الله 🤲💞
شكرا لكي مرحبا بيك عند أختك أم صابرين شرفتيني و شرفتي القناة الله يحفضك ويفرحك إنشاء الله 🤲💞 من 7إلى8باكيات وكي تكملي تلقاي كمية بقاتلك ما راهيش رايحة تروك خسارة لي يبقى خليه ينشف ثم صيريه وخبيه ديري بيه أنواع من الحلويات مثل ليصابلي
تعيشي أختي أم صبرين أفيديني من فضلك عجبتني بزااف الوصفة و خرج مقروط اللوز وعليه الكلام تحفة في قمة الروعة فقط حبيت نعرف كيفاش لصقتي الريشة او الورقة تاع الديكور أعطيني مقدار القلاصاج روايال هدا لي قلتي عليه بالبيض وربي يجازيك وكفكرة نسقسيك حبيت نديرو شكل بيضة هل استطيع نشكلو في مول السليكون ونطيبو فيه جاوبيني من فضلك راني وجدت الحشو ودرت الوصفة وراني نستنى في الرد باش نبدى نفاصوني الحبات ربي يجازيك
شكرا لكي 🙏 نعم تقدري تشكليه على شكل بيضوي ولكن حاولي تشكليه وتنزعيه من مول السليكون وطيبيه عادي لانه مقروط اللوز مايطيبش في ليمول وعسيه مليح باش ما يتحمرش بزاف ويجيك يابس وخليط تاع ڨلاصاج غوايال هو عبارة عن بياض بيضة وزيدي السكر ڨلاصي وخلطي حتى تتحصلي على خليط يشبه الطلية ويكون شوية ثقيل على الطلية باش يلسق في الحين ولكن كي تروحي تلسقي الريشة حاولي بالبانسو نزعي شوية السكر ڨلاسي تاع التسكار من وسط الحبة تاع مقروط اللوز باش تلسق الريشة لانه لوكان ديري ڨلاصاج غوايال فوق الكمية تاع السكر الكبيرة ما يلسقش يطير وأي سؤال راني هنا والله يعاونك ويقدرك 💪 أنشاء الله 🤲💞 ماتنسايش رديلي بالخبر
@@oumsabrinecook بارك الله فيك ربي يجازيك والله فرحتيني بالرد على سؤالي راني مع المقروط اللوز وانشاءالله ربي يوفقني وتنالي الخير اختي ام صبرين والله كلك أخلاق و القلب ينشرح لك متتبعة لوصفاتك ومعتمدتهم وفي كل مرة ادعو لك بالرقي والنجاح ربي يحفضك وينور طريقك
@@oumsabrinecook السلام عليكم أختي أم صبرين مقروط اللوز جربتو هايل ماشاءالله ربي يجازيك أحسن الجزاء وأشكرك حبيبتي إم صبرين ألف مرة على مجهوداتك ربي يقدرك ومشكورد على الرد أم مروة من براقي
@@oumsabrinecook السلام عليكم أختي أم صبرين خرجلي مقروط اللوز ولا أروع ودرتو شكل البيضة وزينتو بالريشة والله الحمد الله تحفة لوكان كاين كيفاش نبعتلك الصورة ولما لا تذوقيه شكرا أم مروة من براقي
