شكرا لكي مرحبا بيك عند أختك أم صابرين شرفتيني و شرفتي القناة خلي القطايف آخر حلوة تخدميها وتشد مدة 5 أيام قبل التسليم تبعي كامل النصائح باش تنجحي فيهم خاصة كمية الزيت لي تخلطيها مع السمن لأن الزيت تخلي القطايف مدة طويلة مقرمشين وعسلي بالعسل ماشي بالشاربات لان العسل يخليهم مقرمشين والعسل بمثابة حافظ للحلويات المعسلة والشاربات تطريهم و تشمخهم وما يجوش مقرمشين وكمية المكسرات تختلف حسب كمية القطايف الله يعاونك و يقدرك إنشاء الله 🤲💞
في الطلبية هذي استعملت قطايف بيت هانية إياكي تشري نوعية قطايف الاميرة ماشي ملاح يجو كامل مكسريت و مفتتين والخدمة تاعهم جي واعرة و عيانة ولكن قطايف بيت هانية شفتيهم في الفيديو ماشي مكسرين لو كان مانقطعهمش بيدي كي نكون نشكل في حبة القطايف ما يتقطعوش نوعية روعة وهي نوعية سورية انشاء الله نكون قدرت نجاوبك و نفيدك الله يحفضك و يعزك انشاء الله 🤲💓
بالبراكة عليكم ومرحبا بيك عند أختك أم صابرين شرفتيني و شرفتي القناة حاولي دريهم يوم الاثنين باش يبقاو يقرمشو يوم السبت بزاف يتشمخو ويطراو وتروحلهم القرمشة قد ما تقربي قد ماالنتيجة تكون جيدة وطيبيهم مليح وعسليهم بعسيلة ثقيلة باش يبقاو يقرمشو مدة طويلة ودخلي كمية تاع الزيت مع السمن في الاول مع القطايف باش يشدو القرمشة لأن السمن وحدو يطري والله يقدرك ويعاونك إنشاء الله 🤲💞
مرحبا بيك عند أختك أم صابرين شرفتيني و شرفتي القناة ما ننصحكش تخدمي كمية كبيرة بلا تعسال لأنه القطايف لازم يتعسلو وهوما سخونين هذاك وين خرجو من الكوشة بعسل بدرجة حرارة المطبخ إذا خلتيهم يبردو بدون ماتعسليهم مستحيل يشربو لازم تعسليهم كي يخرجو وهما سخونين والله يقدرك ويعاونك إنشاء الله 🤲💞
شكرا لكي أنا درت الشاربات ولكن خلطها معا العسيلة تاع الدار باش نحافض على قرمشة العجينة باش ماتطراش ولكن إلا حبيتي تشربيهم أولا بالشاربات باش يشربو مليح من بعد زيدي تعسليهم بعسيلة خفيفة نعم تقدري أنا خدمت نفس الخدمة لي حبتيها ولكن خلط باش نختاصر في الوقت لأنها الكمية كبيرة وأنتي حبيتي تخدمي 2خدمات كيما تحبي والله يعاونك ويقدرك انشاء الله 🤲🩷
حوالي 5 باكيات تاع 500 غ وممكن أكثر على حساب كبر المولوشحال تعمريه والكوكاو كيلو يكفي وممكن تروحي للأكثر من كيلو على حساب شحال ديري فيهم معمرين ولا شوية ومرحبا بيك عند أختك أم صابرين شرفتيني و شرفتي القناة الله يحفضك ويفرحك إنشاء الله 🤲💞
شكرا 🙏 مرحبا بيك عند أختك أم صابرين شرفتيني و شرفتي القناة الله يحفضك ويحفضلك العزاز عليك انشاء الله 🤲💞 طيبت 6كيلو سكر وشريت 3كيلو عسل ولكن هذه الكمية ما خلاصتش كامل بقات منها لازم نغطصهم مليح ونغطيهم بالعسل باش يشربومليحويشربو حتى للقلب