اختي ام يوسف راكي تدير ي كلش بالطبع بصح الاواني تاعك ننصحك تبدليهم بالانوكس. الالمنيوم خطير للصحة خصوصا كتديري فيهم حاجة حامضة تجبد كامل الالمنيوم. تقبلي مروري
علابالي أختي باش نبدلهم كامل لازم دراهم كبار ادعيلي بالاك كاش مايبانلي سبونسور نديرلو اشهار للمواعن على الاقل انقص شوية مصروف البارح كنت نشوف كوكوطة تع الساب و تع bbf بين زوج فايت 2ملايين و الجودة يا درا كلللش راهو غالي أختي
@@oumyoucef7128 مدريش هليهم حاسبين ناس راهي غير دراهم من بكري وحنا نطيبو في الالمنيوم وجميع الاسر الجزايرية يطيبو فيهم وماكلتهم تجي بنينة وخلوة شوفي قناة خديجة الصحراوية سيدة الاقتصاد.والتدبير عندها غير مواعن الالمنيوم وعمرها ماقاتلها وحدة غيري مواعينك وحنا يخلو التدبير والوصفات ويدورو للمواعن كل وحدة.حرة في دارها ان شاء الله طيب في البلستيك مكان مادخل.اي واحد فيها وكل وحدة على حساب طاقتها.
اختي أم يوسف ثبتيلي تعليقي👈👈 معكم أستاذة أم محمد للتعليم الابتدائي مع فترة التقويمات والاختبارات حبيت نساعد الأمهات بتقديم دروس ملخصات تقويمات اختبارات مقترحة بقوة لكل سنوات الابتدائي جعلت تلاميذتي يتحصلون على علامات ممتازة أرحب بكل الأمهات والتلاميذ وبتوفيق للجميع ان شاء الله ❤.❤❤
راكي كل يوم تحفزيني .البارح رحت لسوريكال وفشيت قلبي فلقضيان .الجاج هبط .درت درسة الطرشي الاحمر ومعجون الفراز وصبرت الطون وما زال ان شاء الله .راني نتبع فيك
@@oumyoucef7128 ههههه بصحتكم البارح ما شفتش الفيديو مليح واليوم خرجت نقضي من بعد نعاودو لوكان غير جا كل ما نعاودوه يديرو جام نديرلك 100 تستاهلي كل خير 😘
اختك معاك والله اليوم نهدر على الفيديو الي شفتو البارح قعدت معاهم حتى لصباح عرفت بلي انه كان شيء من الوله الأولى مشترك بيناتنا انه نفس الوضعية عشناها على أولادنا ان بنتي عاءشة نفس ضروف وليدك ربي يفرحك بيه وبشبابو لكن عشر سنوات لم تنطق بعد تأقلمت مع الأمر وربي معانا هو يتولى الجميع ارجو انك تشوفي التعليق سلام
كنت درتو بالتفصيل تع العظام البقري و الغنمي و الدجاج ماحبيتش نوري قدرة معمرة رقابي غير على جال التعليقات لي دارولي مشاكل المهم راني قلت بللي المرقة لازم تكون عاقدة و ثقيلة ماشي مايهة باش تتحصلو على جومبو متماسك
@@oumyoucef7128 يعطيك الف صحه وعافيه يارب حبيبتي ام يوسف نتي لالاتهم ياو ماقدروش يلحقوك ،واصلي وماتشوفيش للور ورانا في كتافك يالغالية يافنانة يا مبدعه 👍👏👏👏👏
@@oumyoucef7128 والله اللي يمشي بالنية ويمد من قلبو ما يخيب اختي ام يوسف ،انت نعمة المرأة والمدبرة والمسيرة بووووركتي ،وكثرة الانتقاد ماهي الا عبارة عن دليل على انك ناجحة ومتفوقة، ياخي يقولو ناس بكري الفاكهة الحلوة ولمليحة يروحو ليها الناموس ،ماراحوش للحامضة والصامطة، حبيت نقولك من هاذ المنبر عبر قناتك الاكثر من راءعة واصلي وخلي الانتقاد وابني بيه دروج واطلعي ، قد ما نقول فيك قليل يا احلى ام يوسف،
يعطيك الصحة مللي تبعتك الكونجيلاتور تاعنا معمر ماكلتي تهنيت رجعت بنينة حاجة مانقيسها عالاول كانو يضحكو عليا أقولولي جيعانة لاه راكي ملهوفة بصح من بعد استعرفو كي لقاو كل ماتقطع حاجة متتقطعش علينا من عندي الف شكر💞🩷💓💝
الصراحة ام يوسف اليوم ابدعتي ابدعتي ابدعتي في الجومبو 😍 وشهيتينا فيه باش نديروه رغما عنا ،هادو الرقابي اللي كانو بعض التعاليق كانو يتهجمو عليهم وينتاقدوك عليهم؟؟والله تقول شي شيكولا وناكلها هاكداك مورسويات 😅 والله بدون مبالغة وتعرفيني ختي لعزيزة ،واليوم اعطيتيهم بكف صحيح👊 ردا على الكلام السلبي في حقك وماتستاهليش ،وين راهم درك ولا راهم مخبيين ودهشانين😮😏 المهم حبيبتي ماتنسيش تقوليلنا هاد الكمية تاع الجومبو تحصلتي عليها من كمية نفسها تاع الرقابي اللي فالطاجين ولا الضعف تاعها ؟الصراحة الطريقة هادي ماتخليكش تخبي العظوما تاع الجاج والكاركاس بشكل عشوائي في المجمد اللي ياخد مكان كبير فيه،ماشاء الله خدمة متقونة وبالطبع وفيها ريحة لقبايل بالخصوص 👌😉
نستعرف بيك يا أيتها السنبلة المليئة بالقمح الذهبي ومع هذا تنحني تواضعًا ❤❤❤ اتساءل ما أحوال السنابل الفارغة اليوم؟ خاصة بعد هذا الفيديو الأكثر من رائع ؟ اكيد طارت جبهتها مع هبوب الرياح و اصبحت هباءً منثورا 😂😅😊😊
الله يبارك ياأختي شحال شاطرة كل فعل او مرحلة تحليلها و تفسريها .بما انك شاطرة في هذا الميدان أكيد أنك متمكنة في باقي ميادين البيت مثل تنظيم الوقت و ترتيب البيت و إنجاز اشغال البيت بذكاء لربح الوقت وايضا تقسيم مصروف البيت. فأتمنى لو تساعدينا و تفيدينا بنصائح في هذا المجال وشكرا على كل مجهوداتك .واتمنى لك التوفيق و المزيد من النجاح و التغلب على الحاسدين .واصلي و لا تبالي فالاقتصاد و عدم التبذير واجب حتى ولو كنا من اغنى الاغنياء كما انها من صفات المسلمين .
