عاطف السماني ، سبحان الله ما هذا التغيير!!!!! هل اهلكه الزمان ام أصدقاء السوء؟؟!! قد كنت ولا زلت فناني المفضل ، لا أنسى أبداً عندما كنا نستمع إلى اغانيك مع زخات المطر والأرض تكسوها الخضره في جامعة الجزيره لازمتنا منذ دخولنا عام ٢٠٠٦ حتى تخرجنا كانت لحظات لا تُنسى مع اخوه واخوات فرقتنا عنهم السنين و الظروف الصعبة ، والله اني حزين جداً اليوم ان اراك هكذا ، ان كنت مريض الف سلامة وعافية عليك يارب و ان كان غير ذلك ف اسأل الله العظيم و رب العرش الكريم ان يحفظك من كل شر يارب العالمين و يبعد عنك كل سوء ، يشهد الله اني احبك فيه.. ❤️
والله يقشعر البدن من صوتك يا عاطف، ربنا يحفظك يا اخوي، عليك الله خلي بالك من نفسك، انت من الحاجات القليلة السمحة الفضلت في البلد دي. صحتك صحتك صحتك 🌹🌹🌹
انسان مسكون إبداع وصوت خراااافي لمن يحميك النوم.. ما حد من الغجر الفي الساحه تاني نشوفو عامل ضجة.. تمشوا حفلاتكم وترجعوا وتنوموا وخلوا الأجهزة الاعلامية لاهل المغنى لامثال عاطف وخلونا نعيش لحظات طرب وأداء..رجل قامة وترفع له القبعات.. احترامي يا كبيييير
كأني اول اول مرة اسمع الغنية طرب بمعنى الكلمة والله فرقنا تجديد الاغاني القديمة بعد وفات الراحل محمود رحمة الله عليه لكن عاطف أكد لي في الأغنية دي انو لسة في عظمة وطرب والله كأني اول مرة اسمع سواح بالإضافة في اجتهاد شخصي ماف اي تقليد لنور الجلاني
يا سلام يا عاطف..الأغنية دي غناها بأكتر من طريقة..ولكن سواح الغناها في حفلة أبو فروع أجمل سواح غناها الكروان عاطف..ليك التحية يا فاروق على التوثيق النضيف
الأستاذ السر احمد قدور استاذ الأجيال رجاء خاص الفنان المبدع ذو الصوت الجميل الغناء عاطف السماني أن يكون من ضمن مجموعتك فى اغاني واغاني رمضان القادم لانه حقا صوت يستحق أن يكون معك فى البرنامج.
ياسلااااااااااام والله لو نسمع ليك من الليلة لي السنة الجاية ماحنكتفي منك ومن تطريبك العالي دا يا فنان😭😭😭😭 الاحساااااس العالي والخامة الفي قمة الفخامة.. الا رحم الله الحوت وحفظ لنا الكروان 😭💙💙💙💙 شوفتك ترد الروح والله💙💙💙
يا سلام الفنان القامه/عاطف السماني والله ذكرتنا أيام جميله نمن كنت بتغني في بدايه مشوارك الفني. وعدت وكأنك اتولدت من جديد بالجد متحاجين لامثالك بعدما ما غابت القامات امثال/وردي/الحوت/نادر/
ويقرأ في دموعنا الملامه احنا بعد طرب اغانيك الشواقة والمرهفه كم سعيدين بعودتك عاطف السماني الفنان الجميل اتمنى لك كل السعادة فى حياتك قدام ونحن وراك ي حب 💚💚💚💚💚💚😍😍😍😍😍
انسان غناي جدا وممتع جدا بس بعد مرات بطلع من الاغنية بلامس او بحضن ليهو جان وبجننا نحنا ذاتنا معاهو وبخليني انا واحد من الناس ف حالة اللاشعوريه وإلتماس ورؤية اللامنتهي واقول ارجع القاهو مشا تانى واها دي الدوامه بس احلي دوامه. ابقي عافيه وانا بحبك!!!
قنبلة ذرية فرتقت الساحه عودا حميدا انطلق يا جميل الساحة فاردة يديها ليك بكل بساطة تتربع على عرش الاغنية السودانية في زمن قنع الكل من الغنا النضيف شكرا من الاعماق يا جاكسون ليك الحب والاحترام وقفتك دي تحسب للزمن ❤️😘 (سهيل عبدالمحمود)
ادا و حضور و كاريزما و مخارج حروف واضحة بالجد الواحد مبسوط بعودة الاستاذ المبدع عاطف السماني في زمن الفوضي الفنية يلا بعد كده اي فار بشوف جحرو وين زمن المهزلة انتهي
متعك الله بالصحه والعافيه اخي العزيز عاطف السماني ياااخ والله الملامح اتغيرت مع ظروف وهموم الدنيا الصعبه دي ربنا اقوييك وارفعك يا رب منذ التقينا في العام ٢٠١٤ بالجد كانت حفله جميله جدا جدا في ولايه الجزيره محليه المناقل قريه ودالشقل 🥰🥰🥰🥰🥰
ايوة دا الشغل الناس كانت متعطشة من الغني الطروب فلاً الفن موهبة عاطف السماني دا دفعت الحوت ووليد زاكي الدين ، اسامة الشيخ، نادر خضر، معتز صباحي، عاصم البني، عصام محمد نور ،فرفور الكويز ، داك زمن كان منافسات جد مع اختلافي مع بعضهم لكن كلهم كانو غناين في وقتها عاطف السماني دا كان ثابت ووضع بصمتو في عز الفنانين ديل كلهم فعلاً الساحة كانت محتاجة عاطف السماني بالتوفيق شكراً لعودتك
يا سلام ياداب كده الواحد يخسر ميغابايت وهو رضيان ومقتنع اخيرا الاذن ح يتعمل ليها غسيل من الاوساخ والتراكمات الكانت فيها 🙂🙂💚❤💙💚❤💙لايك وانتي ماري ياحلوين
الله ياكروان عاطف السماني مدرسة ذكرتني نور الجيلاني خامة صوت جميلة تطريب عالي كلمات جميلة مرتبة موسيقة وتوزيع مدروس هذا هو الفن ،، الرجاء ياناس العوامة ارتقوا بمستوي السمع وذوق السوداااااني sudanالسودان in my heart
كل الشكر والتقدير والاحترام لي الدكتور مجدي الطاهر وابوبكر الزاكي والمهندس فاروق جاكسون والأخ مدحت للجهود والأستاذ عامر كنقا المبذول في إعادة القامه الأستاذ عاطف
والله انا في عالم تاني وبقيت مسافر وسط الريح...متعك الله بالصحه والعافيه. ياخ طولنا ما سمعنا اغاني سودانية بالجمال دا.يعني مش الكلمات والصوت واللحن بس ياخ في شغل تقيل في الاغنية دي
ياناس هوووي.😍 عوووووك بقي في غنا اتسمع في اليتيووب جد .. فرحان من جوه شديد بعد الوسخ وطمام البطن الواحد الكان بشووفو واسمعو لم ادخل اليتيوب قدااااااااام. عاطف
تسيطرت علينا وأفراد عازفينك الذين ابدعوا وقلبنا أن نعبر وطارت مفرداتنا لكي نعيطعك حقك.. انت انسان محترم بتحب الإنسانية وفرضت علينا الاحترااام لانسانتك ومعا للمحافظة على هذا الكوكب المضي الذي عاد ولانريد سرد ماذهب من غياب وكل يحلل على هواه.. ادعموا هذا الطيب الحنين دفاق المشاعر لأن كل مايتغني به بتهبشكم.. حمدلله على السلامه وحفظك رب العباد.. محبتي واحترامي لصاحب الصفحة
يظل القامة دايماراكزوالصوت محفوظ رغم التغييرالحاصل بس خلي بالك من نفسك وحافظ علي صحتك لان بالجدالساحةالفنيةكانت فارغة من دون الاساطير وانت واحدمنهم قداااااام
