عبدالله العصيمي و فلاح القرقاح لحن جديد في مهرجان الورد اعتبرني عن ابن حميد وانت ابن هادي 

لحون العصيمي تعجبني دايم. اتمنى كل الشعار يهتمون باللحون. فهي مهمه جدا لتنجيح المحاوره

راية العز تطرخ وسط نجد العذيه .. مبدع العصيمي 😍✌️.

والله تجلي وطاروق محسوب اجتمع فيه الخبره والموهبه هكذا الابداع ولا بلاش

العصيمي شاعر متفوق وقادم بقوه والقرقاح استاذ مايحتاج اشهد له شاعر محلف

من اجمل المحاورات فالفتره الاخيره والله يرحم الشيوخ المذكورين

تعجبني اللحان عبدالله العصيمي يذكرني بحبيب في بداياته

لحن قمه في الابداع ونجح نجاح باهر ومثل فلاح له نسبه في نجاح اللحن ولاهان العصيمي عزالله جززل وتحسب له🌹🌹🌹🌹🌹🌹🌹🌹🌹

العصيمي لعب مع اثنين من كبار شعار المحاوره واثبت انه شاعر ممتاز وشاعر فتل خطير

العصيمي قادم بقوه .. لكن اوصيه باحترام زملائه قبل كل شي وعدم التغطرس حتى يكسب قلوب الآخرين مثل شاعرنا الكبير مستور العصيمي

العصيمي شاعر من طراز الكبار وابن ريفه شاعر غني عن التعريف لاهنت يامطلق 🤚

عز الله العصيمي مبدع .. والقرقاح مايحتاج ملك الساحة

حي ذا الطارووق والصوت.. ماشاءلله مبدعين القرقاح مايحتاج مدح. العصيمي يعجبني صوت ولحن ومعنى وقادم.. القحطاني من الجله

عبدالله العصيمي : مرحبا رِحبٍ اِمعطّر بوردٍ وكادي فيه وردٍ وكادي في عروس المصايف ديرة اهلَ الحِميّه وارثين الحِميّه يا ابنِ ريفه ترى الموضوع ما هو بعادي لا تقولونِ عادي انتِ فارس وعينك في شِدادَ المِطيّه لا تضِيع المِطيّه القرقاح : البقى لَلرّجالَ اهلَ الفخر والمِبادي حافظين المِبادي المكان المناسِب يرفعَ المعنويّه زِيدُوا المعنويّه اَتِمَشّى وَاسَيّر في معالِم بلادي وافتخر في بلادي العلاقه قويّه والمعاني قويّه والمكانه قويّه عبدالله العصيمي : دلّه اِبدونِ هيلُ ودلّةٍ بالقِنادي قِنّدت بالقِنادي اِقربوا وِاشربوا بالدّلّه الشّاذليّه كيفنا شاذليّه كمُ ناديتِ وانته ما تِجيبَ المنادي بَحّ صوت المنادي وانتِ جَنبي ولا انته مِن ورى الجاذبيّه ما ابعَدَ الجاذبيّه القرقاح : يا هَلَ الطّايف المانوسِ لَلعيسِ حادي دامِ لَلعيسِ حادي اِطلعوا لَلهدا وَالاّ اِنزلوا لَلحويّه وانتوا اهلَ الحويّه فيهِ ثوبين ثوب ابيض وثوبٍ رِمادي وش تبي بالرّمادي ثوبٍ ابيض وغير الثّوب ما هُو بلِيّه لا تقولون لِيّه عبدالله العصيمي : اِعتِبرني عنِ اِبنِ اِحميد وانتِ اِبنِ هادي وينِ راحِ اِبنِ هادي راية العِزّ تطرخ وسط نجد العِذيّه حَيّ نجد العِذيّه فيهِ ضابط خفر لكَنّ ما هُو قِيادي وانتِ رَجلٍ قِيادي يصرفون العساكر لجلِ عينك تِحيّه تِستِحقّ التّحيّه القرقاح : راحِ وقت الصّباحُ وراحِ وقت الهجادي راحِ وقت الهجادي ودايم المِنهِزم ما يتركَ العنصريّه يبغي العنصريّه وانتِ شاعر وجاك السّيل مع كِلّ وادي وانتِ في بطنِ وادي وِدّكِ اِتحِطّ لِك فالطّايف اِجنادِريّه وردِ واِجنادِريّه عبدالله العصيمي : راحِ وقت البعيرُ وراحِ وقت الجوادي لا بعيرُ وجوادي ادري اٍنّك ما تبغى طاريَ الجاهليّه تكرهَ الجاهِ ليّه لا تِجيبَ الفتيله عند خشم الزّنادي ثم يثور الزّنادي كلمتِك يا ابنِ ريفه بين حَسنه وسيّه جاتِ من فمكِ سيّه القرقاح : اِعتِبرني هلالي بحتِ وانت اِتّحادي شجّع الاتحادي كلّبُونا فخرنا بالعَلَم والهويّه ما تِضيعَ الهويّه

العصيمي شاعر متمكن وقادم بقوة وغطى على كثير من من سبقوه لحون مبتكرة ولحون مجددة وصوت ماشاء الله تبارك الله ولاغرابة ان يجاري هامات وقامات الشعر وقد يصبح الشاعر الاول في الساحة اذا استمر على هذا المستوى الله يحفظه

فلاح القرقاح شاعر عظيم والعصيمي شاعر عتيبه فالمستقبل

العصيمي اذا استمر على هذا المستوى راح يغطي على جميع شعار هذا الجيل

روعه شعرهم. وما تزال عتيبه مسيطره على شعر المحاوره

كفو ياعيال العم يالعصمه ياقطم المحازم . والله انكم وافين في كل شي حتى الشعر . من غير قضور بقحطان

بصراحه الشاعر عبد الله العصيمي شاعر جزل ولحن كفو وقااادم بقووووه والقرقاح شاعر مبدع ومن افضل الشعراء فالساحه

ياسلام عليك يالعصيمي من نجاح لنجاح عزالله قربنا وشربنا من الشاذليه بيت مليان

يا سلام ابدااااع اللحن هذا 👍

العصيمي ابدع وردوده ذكيه وطواريقه فيها ابداع

اشكرك ي العصيمي ونطالب برجوعك لساحة مثل مابديت الحين

ونعم بالشاعرين واقسم بالله يرفعون الرأس كفووووووووو لكل منهم

العصيمي هذا شاعر قوي مره

عبدالله العصيمي شاعر قوي وقادم بقوه كيف لا واول من اشاد فيه الشاعر الكبير مستور العصيمي قبل عدت سنوات

العصيمي ابصم له بلعشر عنده لحون جديده لو اسمع للمحاوره ساعه ما مليت منها وفلاح شاعر من الوزن الثقيل

العصيمي طور المحاوره وجددها وبيوته قويه

راية العز تطنخ وسط نجد العذية ...كفو يالعصيمي ... ونعم بعتيبة كبار نجد والجزيرة ❤

عبدالله العصيمي شاعر قادم بقوة مخترع لألحان جديدة ونتوقع له مستقبلا زاهرا. في الشعر. يعجبني هو وعبدالعزيز العازمي.

😂😂😂فلاح ضحك يا حلو المزوح

ما شاء الله على لحون العصيمي ابدع في لحن شاعر المعنى وهذا هو يبدع من جديد

محاورة من الطراز القديم .. جدا جدا راقية المستوى

ياسلام ياسلام طاروق رائع وابن ريفه مدرسه شعرية يستفيد منها الغير

ماشاءالله على العصيمي مبدع وخطير على الشعار اذا استمر على كذا

لحن جميل وعبدلله العصيمي له مستقبل كبير في المحاورة حضور قوي ما شاء لله من البدايه

العصيمي شاعر قادم بقوة واتمنى له التوفيق وابومحمد مايحتاج استاذ في الشعر وهذي من الطروق الجديده والتى تشوق المستمع

اللحن بطل والشعار ابداع ابداع ابداع لي سنوات ماسمعت ابداع مثل هالابداع

عبدالله العصيمي شاعر شاب صاحب صوت جميل وعنده الحان ومتجدد وشهد له الشعراء بنبوءة شعره

رايه العز تطنخ وسط نجد العذيه 👍 انشهد

قاف 2018 يقوله المنصف للشعر لحن و نقض و فتل ومعنى وتركيب العصيمي موسيقار المحاوره وعرابها والقرقاح ملك الشعر

عبدالله العصيمي شاعر قادم بقوه ...

تحياتي يالقرقاح عز الله انك شاعر يامحلفي

من افضل المحاورات وأقوى المعاني المعنويه

اشهد بالله انه لحن كايف و فخم

محاوره جميله وشعار من اعلى طراز يستاهلون الشهره والمدح مهوب شعار سناب شات

انشهد ان العصيمي شاعر 👏🏻👏🏻

الله الله على الاثنين وطاروق فخم للامانه صوت العصيمي بطل

العصيمي اجاد باللحن والمعنى والبعد عن الاسفاف واثق من نفسه وصوته جدآ جميل

الصراحه ابدعو ومتعونا هاذي المحاورة الطيبه الي مافيها اسفاف بيض الله وجيهم ولاهي غريبه علاهم

أبدعت يا العصيمي للأمام

العصيمي اول مره أشوفه وشاعر موهوب

الشاب الشاعر عبدالله العصيمي دخل ساحة المحاورة وعلق رتبة لواء في فترة وجيزة

العصيمي ممتاز جدا

عبدالله العصيمي مبدع مبدع قادم بكل قوووووه

تجلت موهبة العصيمي وبرزت خبرة القرقاح

لك مستقبل ي عبدالله العصيمي ولا لامام لحن ومعني عساء الله يوفقك

ابداع من العصيمي منقطع النظير

الشاعر فلاح القرحاح شاعر معروف و رجل عاقل وحشيم ومحترم وشاعر لا يعرف وعبد الله العصيمي شاعر شاب وجري وأبدع في المعنى وفي المجاراه وسريع في الرد وصوته جميل وعنده ثقه وحضوره قوي ماشاء الله

يا سلام ي سلام .. خارج عن المعنى وما دار بينهم اعجبتني التمريرات الطريفه بينهم في بيت ( وانت ابن هادي ) و رد القرقاح ( يبغي العنصريه ) الله الله الله

الله يعطيهم العافيه، امتعونا بمحاورتهم

تسلم يامطلق وبيض الله وجهك على النقل راحت ايام المحاورة ايام المصرفد ونوار الجعيد وثواب طنف ولا الجيل التالي ما عندك احد

ابداع من العصيمي الشاعر الذرب 🤙 وابو محمد الشاعر البحر عاش المحلفي

ياكثر لحونك يالعصيمي ☹️

ابداع يالعصيمي لحن وبيوت

العصيمي دخل الساحة جندي وطلع فريق اول شعريااااا وكل يوم يتجدد

ماشاء اللة علي العصيمي والقرقاح مدرسه

القرقاح هرم من اهرام الشعر صراحه

يازين هاللحن بصوت فلاح عز يالابيات والصوت ✋

والنعم قحطان طيب فلاح القرقاح شيخ الله يحفظك الله يحفظك الله يحفظك الله

ابدعوا وتحية لشعار فلاح القرقاح و عبدالله العصيمي طاروق ابداعي من الشاعرين

مبدعين بما تعنيه الكلمه

العصيمي هذا بطططططططل❤

كفو يابوصياف مبدع

اللحن جميل جداا جداا

العصيمي مبدع بالحون وتركيب البيت

سبحان الله الحمد لله لا إله إلا الله الله اكبر لا حول ولا قوة إلا بالله العلي العظيم واستغفره وأتوب إليه عدد خلقه ورضا نفسه وزنة عرشه ومداد كلماته

العصيمي شاعر قادم بقوه الله يوفقه

بيض الله وجيهكم محاوره طيبه وفريده واسلوب جديد

الله يرحم مستور العصيمي تعجز النساء ان تلد مثله في السنين القادمه

العصيمي شاعر المستقبل

أبدعت يابوصياف متمنيا لك التوفيق

بيض الله وجهك ي مطلق نقل رائع عبدالله وابومحمد شعراءمتمكنين ماشاء الله عليهم

شعار أبدعوا جميع ، والقرقاح مدرسه لحاله

العصيمي قادم وبقوه 👍

من أجمل الطواريق اللي سمعتها

دايم اسمع من يقولون عتيبه مسيطرين على المحاوره ويهضم حقوق القبايل الاخرى وهذا كلام غير موفق وغير منطقي

العصيمي بطل

والله انك شاعر ي عبدالله لاكن محارب من ساحه المحاورة

العصيمي شااااعر هذا اللي يستحق الدعم مهوب الفاطر سفر الدغيلبي

اتمنى عبدالله العصيمي و متعب المسفري يتقابلون

ليت المحاورات زي كذا

يازين لعب الرياجيل

القرقاح شاعر اب عن جد حتى أمه شاعره وجده فراج بن ريفه بيت شعر و مرجله

ابداع 🤙🤙

اطلعو للهدا والا ( انزلو للحويه ) وانتم اهل الحويه •• مبدعين

ماشاء الله تبارك الله صوت فخم يا عبدالله

العصيمي مصيبه ما شاء الله لا قوة الا بالله

❤❤❤❤❤

مبدع عبدالله العصيمي