سعود بن مهدي + عبد المجيد عبدالله
أضحك وأداري عباد الله وأجاملها..والله على نعمــة الكتمـان قــايدني.
دورت بالــخلق ضايعــها وعــاقلها..ولا لقيت اللي لا من ضعت يرشدني
حتى الي بديــته من الناس بأكملها..راح وغــدربي ولا كنه معاهــدني
مافيـه أحد يـحفظ العشره ويبجـلها..هذي الحقــيقه وشكـي ما يـراودني
إن مت كلن نسى ذكراي وأهملها..وإن رحت محدن من العالم بـ فاقدني
عزاه يا ضيقة بالصــدر شايلها..وين اللي يبكي علي وإن طحت يسندني
لا جيت أقرب لخــلاني و أواصلها..لقيت حتــى طريق القــرب يبعدني
يا اللي جروحك عرفت شلون أعاملها..أنا تعوّدت ,, لا داعي تعودني
يا أول سنيني وآخرها وأجملها..الله معاك ومعي..وأبيك توعدني
لا جات ذكراي في بالك تأملها..شف وش كثر كنت بـ التعذيب تجهدني
ليتك مثل ماتخيـلها تخيـلها..وتعرف الأحزان يا اللي كنت مسعدني
اليوم سلم على الصوره وقابلها..ما عاد فيني شعــور لك يجــودني
والله مدري أنا من وين أحصلها ..من ظيم الأيام أو حظ معاندني
جتك الرسالة وأنا ما كنت أبرسلها..لكن هذي علومي يوم تنشدني
أتبعك ويضيع الطريق وخطوتي ودورك في خدود الزهر
في الليل في عيون القمرو ادورك في نبض قلبي الجديد
كل ما لمحتك بعيد واسأل عليك الصبر
الله لو تدري حبيبي وش كثر مليت العتاب
وإنت في قلبي حزن وفي عيوني سراب
خايف أنا خايف لو أمشي لك سنين
ويجف قلبي من الظمى وأنزف حنين ما نلتقي
خايف يذوب باقي الأمل في دمعتي وإنت على بعد النظر ألمسك بأطرافه
أقرب من عروقي ومن الشوق ومهما تبعدك المسافه
وكل ما طل الفجر أسأل عليك الصبر
الله لو تدري حبيبي وش كثر مليت العتاب
وإنت في قلبي حزن وفي عيوني سراب
22 сен 2024
