#شيله#يانفس_عادفيش_قدرة_صبر_ذي_تكفيش
اداء الشاعر #ابوتركي_التنني
#كلمات_ابوالمشير_علي_عبدالله
فضلا اشترك في القناه وفعل زر الجرس ليصلك كل جديد
أبو المشير قال يانفس الهوي حميش
تهوي لش إنسان ما يشتيش ولا يهواش
من كان يغليش ويكرم فيش وهو يشتيش
أومي له اصليش واعطي له دبلها كاش
وذي فسل فيش واتنكر لملح وعيش
الله يغنيش عن اشكاله ويتولاش
سعليش سعليش يانفس الهوي سعليش
الوقت دوار عيخبر بها من عاش
صاحب يثق فيش ولا صحتي يقول لبيش
بالروح يفديش وفي الشده عصا يمناش
وصاحب اصحيش بكثر الثرثره يغريش
هذا عيرميش رمية كلب أو ينحاش
وداعة الله يا راسه الحداء يحميش
رب السماوات من حاسد ومن رباش
وقت السفر حان والمعني يجي يرضيش
راكب له الطيش متعمد لش الطناش
تطنيش تطنيش وايشو تالي التطنيش
تعيش مرتاح واصحابك يسيروا لاش
ساير زمانك كما قالوا بشيش بشيش
فقوة الجيش ما نفعت علي عفاش
الوضع سايب فلابه أمن او به جيش
أربع حكومات ما ندري منو دحباش
نويت تهميش حقي ليش قولي ليش
يمين ما اعيش ولا أقبل عيشة الهماش
الحق ما اشتيش غير الحق ما شاعفيش
لو جت وساطه من الايران والأحباش
يا نفس عاد فيش قدرة صبر ذي تكفيش
تسليش وترضيش من كل الذي غثاش
ذي كان راكن على المجفى قد أصبح ريش
يعيش ابو الريش ويأخذ غيرها محواش
يا القبيلة انعيش واندب طاريش وابكيش
واحضر أعزيش و اوقف جنب من عزاش
منذي غدر فيش وخلا الغازيه تغزيش
منذي معاديش لا عاش الذي عاداش
بايرجعوا ليش وانتي نقطة التفتيش
ونفتح الخيش ونعين من الغشاش
ختامها هاجسي قرر يشيل الفيش
لا ما نعاود ونستأنف مسلسل طاش
21 сен 2024
