شرح كامل لعداد المياه مسبق الدفع # الاوراق المطلوبة لتقديم طلب الحصول على العداد # شرح ريقة التعامل مع العداد وطريقة الشحن ومعرفة الرصيد المتبقي من خلال العداد # معرفة تكلفة تركيب العداد # اماكن شحن الكارت الخاص بالعداد
ماشاءالله عليك اخي عمرو فعلا انسان متمكن و معلوماتك جد جد مفيذة 👍فعلا مثل هاد القنوات الي لازم ندعمها و نشاركها مع الناس انا مغربية و اتمنى تكون فيه قناة تهم الشارع المغربي مثل قناتك 🙏فعلا مشكور على مجهوداتك و إنشاء الله المصريين يقدرو حجم مجهوداتك ويدعمو قناتك اكتر 💐💐💐بالتوفيق
طب هسأل حضرتك سؤال قبل ما اجاوبك ... حضرتك بتحطى الكارت وبتستنى الشاشة تنور ولا بتدوسي على كلمة ( ريد ) اللى باللون الاحمر زى منا شرحت فى الفيديو والشاشة مش بتنور ؟ ...... لانى اعتقد ان حضرتك نسيتى تدوسي على كلمة ( ريد ) .
لو سمحت انا عايز اقدم ع عداد مياه تجاري لصيدلية روحت الوحدة المحلية بيقولولي لازم تجيب رخصة الصيدلية من ضمن الورق وطبعا رخصة الصيدلية بتطلع ف الاخر خالص بعد ما اركب العدادات واشطب هل كده اروح ع شركة المياه اتفاهم معاهم ولا ايه
طيب حضرتك ارجو تجاوب عليا ضرورى انا ساكنه فى الدور التانى شقة ٨٠ متر غرفتين وصالة ومعايا عقد إيجار قديم مسجل فى الشهر العقارى تمام فى مشاكل فى البيت لان الشقق على عداد واحد انا بقى عاوزة اريح دماغى واجيب عداد لوحدى يعنى افصل نفسى عن العداد الرئيسى ايه الإجراءات ويكلفنى تمن العداد كام لشقة ٨٠ متر غرفتين ملحوظة احنا بيت قديم اربع أدوار مبنى فى السبعينات وانا شقتى عقد إيجار قديم مسجل فى الشهر العقارى من سنة ٨٤ ايه الأوراق المطلوبه منى عشان افصل نفسى
الاوراق المطلوبة البطاقة الشخصية ( وتكون بنفس عنوان العقار ) / صورة من عقد الايجار / وباقى الاوراق هتكون من شركة المياه ............. التكلفة هتكون من 3000 ل 3500 ج تقريبا
انا قي شقة مساكن والعداد القديم معطل واتوقف علي الكمبيوتر لانة مش بأسمي ، ينفع اركب عداد باسمي مع العلم انة فية حوالي ١٢٠٠ ج متاخر علي العداد الحالي القديم
السلام عليكم انا ساكن في شقه ايجار قديم من ٢٠١٦ البيت مبيدفعش مياه خالص ولا في عداد ولا مقايسه اتعملت قبل كدا دلوقتي شركة المياه جت قطعت المياه عن البيت وانا ةدواتنين جيراني عاملين خط لينا من العمومي لموتور منفصل عن بقية البيت ايه الإجراءات الي ممكن نعملها علشان نركب عداد لينا لوحدنا ونسدد المديونيه الي علينا بعيد بقية السكان لأن هما مش عاوزين يدفعو
الشقه اللى اشتريتها مش هاسكن فيها لفتره وهى لسه على الطوب عل فيه مشكله او غرامه تأخير لو مسددتش المديونيه اللى على الشقه. ولو قدمت على عداد الافضل اعمل عداد منفصل لشقتى او اشترك مع احد السكان فى العداد وشكرا.
لو العداد اللى راكب عليه مديونية يفضل طبعا انك تسديها ........ اما بالنسبة للتقديم على عداد يفضل طبعا انك تقدمى على عداد ليكى لوحدك .... عشان متدخلوش فى شرايح عالية
اه طبعا ينفع حضرتك بتجهز ( صورة من عقد الايجار + البطاقة الشخصية بتاعتك وتكون سارية + وصل كهرباء حديث ) وبتتوجه لفرع شركة المياه اللى انت تابع ليها وبتستلم كراسة تقديم الطلب وبتملاها وبيجيلك معاينة وبيركب العداد مفيش مشكلة .... بس لازم يكون ليك ماسورة مياه خاصة بالشقة بتاعتك ولو مفيش بتخلى ماسورة المياه بتاعتك مستقلة بشقتك .
@@user-up3hn3fb8f استاذ اسماعيل بأكد لحضرتك ان مفيش اي بطارية بتتغير جوه العداد ولما الشاشة بتنور دي بتكون نتيجة مغنطة بداخل الكارت بتنور الشاشة لما بيكون الكارت بداخل العداد فقط
اه طبعا العداد ده افضل من العداد القديم بكتير وادق .... الموضوع بسيط حضرتك بيديلك فترة سماح فى العطلات الرسمية يعنى العداد عمره ما هيفصل عليكى فى اى يوم اجازة ... وبعدين اطمنى ال 100 ج بتكفيكى فترة طويلة وحضرتك ممكن تتابعى الاستهلاك زي منا شرحت فى الفيديو
@@تصوير.فى.الشارع طيب معلش اصل اليوم كان جاى يىكب ىى بدل العداد القديم وكان جايب عداد عادى بس مركبوش فهل لو عايزة عداد لالكارت ببلغهم وتكلفته كام ولا حسب كل منطقة
@@noraalhashimi5211 بصي حضرتك هوة قانونا اتوقف تركيب العدادات العادية يعنى من المفترض ان اى حد يقدم على عداد بيركبله عداد بكارت ... فا ممكن حضرتك بكل سهولة لو جابلك عداد قديم ترفضى تركيبه وتطلبى عداد بكارت .... اما بالنسبة للتكلفة دى بتعتمد على مساحة العقار واعتبارات تانية انا شرحتها فى الفيديو
ولا يهمك انا تحت امرك ....... بس حضرتك انت بمجرد ما بتحط الكارت فى العداد الرصيد اللى فى الكارت بيتنقل فى العداد فالبتالى المبلغ اللى بيظهر على شاشة العداد وفوقيه كلمة جنيه هوه ده رصيدك كامل
ماشاء الله بردوا الفيديو ده جالى فى وقته شكرا ع الشرح وسؤالى لحضرتك ... المفروض عن قريب اروح اغيرعداد المياه لانه به عطل من فتره وهو عداد عادى من القديم فهل مجبره انى اركب العداد مسبق الدفع ده وانا بالعاشر من رمضان يعنى مساكن جهاز مش بيت اهالى وايهما افضل القديم او المسبق الدفع ؟ وممكن اعرف تسعيره استهلاك المياه للمتر المكعب كام للشقه
منا وضحت لحضرتك انها بتختلف على حسب مساحة العقار وبعد العقار عن شبكة المياه ( وشركة المياه كل يوم بيعدي فيه رسوم بتزيد مفيش حاجةثابته ) عموما فى الطبيعى لو مفيش اى حاجة زادت لو بيت حضرتك 100 متر ومرخص ومفيش اى مشاكل التكلفة بتكون من 2000 الى 2500 ج
@@تصوير.فى.الشارع ولو مش مرخص هدفع كام انا دفعت النهارده في مجلس المدينة 1100وقالو تعالي يوم الأربعاء عشان هخود ورق لشركة المياه المبلغ اللي دفعته دا لايه ولسه هدفع كام ارجوك رد عليا لاني بستلف الفلوس دي عشان اعمل حسابي العداد لشقه مية متر
لا طبعا رقم مبالغ فيه .... لاما فى خطأ ... لاما قارئ العداد مكنش بيجى وبيدى ارقام من دماغه ... واتراكم عليكوا .... عموما من المفترض انكم تروحوا شركة الميه وتشوفوا سبب المشكلة دى ايه
@@BitesBytes325 استحالة طبعا مفيش منزل فيه اسرة عادية يستهلك المبلغ ده ..... حضرتك شوفى قراية العداد فى الفاتورة اللى قبل الفاتورة دي مباشرة وابعتيلى الانين القديمة والجديدة وانا هوضح لحضرتك المشكلة عندك ولا عندهم
بقالي سنة كان في رصيد ب500 علشان متركب ف محل تجاري شحنت ف فوري ب200 ظهر فالفاتورة خصومات ب199 شحنت مرة تانى ب150 جه منها 148.8 واشتغل عايز افهم ال199 اتخصمت ليه
@@mahmoudhussien5409 مبدئيا خصم 199 ج مرة واحدة اجراء غير طبيعي .... اكيد دي رسوم موجه لحضرتك بالزات فا عشان تعرف سبب الخصم لازم حضرتك تتصل بالخط الساخن بتاع شركة المياه وهما هيوضحولك ( 125 )
عندي عداد قديم منذ زمن طويل كنت شاري المنزل من قريب ورحنا الشبكة ندور علي رقم او اسم ملقناش لو اي حاجة نهائي اخر مزهقت روحت قدمت على عداد مياة كارت منذ ٣ شهور وبعدين روحت اشوفة قالولي تمن العداد ١٥٥٠٠ الف مساحة ٩٠ متر قلولي ممكن تدفع نصف المبلغ وتقسط الباقي في حين انا ممعيش حتي نصف المبلغ ماذا أفعل هل في حل للعداد القديم والغي ابو كارت ام ماذا أفعل أرجو الإفادة واسف علي الاطاله وشكرآ لحضرتك جدا أرجو الإفادة لو سمحت وهل فعلا كده تمن العداد علي قد المساحه
العداد القديم مش هتقدر تعمل بيه حاجة خلاص موضوعه انتهى ... مش قدامك حل غير انك تتعاقد على العداد الجديد .. حاول معاهم انك تدفع ربع المبلغ وتقسط الباقى ممكن يوافقوا