عداي الكعبي بيض لتغرك 

هذا الشعر اعظم من عظيم .

يكول لتغرك الناس اشكالهة عندنة بيض وحلوة من تدنالهة البيض لتغرك الوادم بالبياض كلهة سود اتصير بس يبدي النفاض هذا واقع حال مابيه اعتراض عيش وياها وتشوف افعالهة عدنة سود وجوه بس طيبة لسن وعدنة بيض وجوه ودور غبن وعدنة ما موزونة ومضيعة الوزن عدنة معتوبة وحلال امثالهة بالك تغشك وتنغر بالوجوه اليوم كام الابن يتعدة علة ابوه والاخو البي ضنة ضل ياكل باخوه وكام بيهة يبوك يا جيالهة هي تدري شباكهة وكاضيهة بوك ضلت تقيس الورد بالحمزكوك كاض بيدة عنانهة وجايبهة سوك حيل وياها المشت لاكالهة حيل وياها المشت للماشبع وهذا طبع ابن ادم يحب الطمع مثل ما يطمع الطير وية الزرع حيل وياها النست منوالهة ضاع رباط الحجي وزنجيرها كام يأمر عالجبير صغيرهة ضاع زنجير الحجي ورباطهة كظت بس احروف وين انقاطهة ماعرفنة الصافي من خباطهة والدخن ياكل براس شعيرهة كام يأمر عالجبير النص عمر والغزال يريد ياخذ عالنمر طيرة البستان تفتر عالنسر والكطاية اتعكربت بمسيرهة عمت السودة علة ذيج مصلصلة عافت الراس ومشت للحوصلة عمية وتريد الوصف عالبوصلة مفلشة وماينوجد تعبيرهة هي من اربع جهات مفلشة وجذب كدام العيون مبوّشة بس يهزهة الريح تطلع خرخشة ويطلع المطحون من صفيرهة هذي قصة ابالي وارد احجيهة هو مو ياهو اليكوم يجيلهة هاي قصة ابالي عدهة مركزات البدن والمابدن والمعجزات فرق بين الحمّلن والعايزات يتعب المايفتهم تحليلهة هو مو ياهو اليكوم يدك علم فرق بالدكتور وي راعي الغنم فرق بين الفاهمة وبين الصنم وفرق بين البسملة وترتيلهة فرق بين البسملة وبين السجود وفرق بالضباط واصفوف الجنود المذنب يكيف علة اقوال الشهود تشهد وعنة القضايا تشيلهة المذنب يكيف علة شهود الدفاع تبقة اذنة صاغية وبس استماع شنهو نفع الراس من دون النخاع عندة ياهي السولفت يصغيلهة عندة ياهي السولف هي الرؤس يعتقد بالحنطة مزروعة بيبوس يعتقد بالمرمر تلوجة الضروس ومن دراعي البيت ينطي دخيلهة عيب عالزلمة اليدنك بالنزال وعيب عالزلمة اليرخي بهامتة هي مو كل الزلم تنعد رجال ولا تباهت بيه كلمن جابتة هاك اخذ بأم البنين اعظم مثال وهي حامل بالكمر واتنختة هاك اخذ من فاطمة وشوف الجلال وبعدة ما صاير حسين وشابتة اكو تلكاه بثكل ثكل الجبال واكو بخف الريش وازيد خفّتة لا تغرك هالزلم بس بالجمال هواي حلوة وهالشرف ماصانتة الرمل بالهيمة كاشخ عالرمال ومن اجاه الريح خرب كشختة من تقيس الزلمة قيسة من الذيال ونفس ما بذيالة تلكة بكصّتة الشرجي دوم الشرجي ماحن عالشمال والشمالي الشرجي يكره جيّتة

عداي الكعبي جان روح بل روح ويه أبوي حته أبوي جان يكتبله شعر مرات يطلعون سوه بس أبوي استشهد ب سنه 2011

والله اعتبرك فحل شاعراء العراق

شكلي واني سمعتة اول ما نزل وحالياً رجعت اسمعة 2023

احسنت بارك الله

روعه

روووعه

هواي دورت علي من جان عدنه موبابل دكم جنت منزله اسطوره🙏🫶♥

اشكد قديم عدي هاذا المقطع جنه انشوفه بالسيدي.

شاعر

الله عليك شاعرا

حياك الله

الله الله عليك

عدي جنت حافظ كل هوساتك بس هسه وين اخذ راحتك 😂

تسلم يابطل

*الله الله والله صحيح*

اروع مهوال

رؤؤؤؤؤعه

وعلي ملك ملك ملك

شاعرمبدع ماكو مثل عودي يجي شاعر

من جان شاعر

عدي من جان شاعر

الله الله

انته راقي

جاشكد مهــــــــــــوال انــته

منور

ليش المصممين ما اشتغلو هالكلام

خربت ابو عباس بدايتك تكتل قصايدك هسه 🤔

هاي عدي لكعبي من جان شاعر

2023

2021

هههههههه اله بعد شنو

💔💔💔🤗🤗🤗

اله بعده

الفاس والفاسه 😂😂😂😂

للاسف بدايتك حلوه هسه لا

حياك الله

2021