عندي مزرعه في حائل وفيها عامل اشتريت ٨ شياه متاويم كلها وحطيتها في المزرعه وكان الوقت ربيع في ذيك السنه العامل وظيفته يفتح لها باب الشبك الصباح ويطلعها ويسكر عليها الشبك قبل المغرب بس المزرعه مافيها غير نخل الغنم عددها الحين أكثر من ١٨٠ راس مصروفها الشهري ٤٠ كيس شعير فقط لاغير لمدة ٦ شهور في السنه و ٦شهور تاكل من الأرض ما اعطيها برسيم ولا تبن ولا رودس والحمدلله الغنم بركه ولكن يبيلها واحد يفهم لها والموقع مهم اذا كنت في نجد اكيد بتصرف ولا راح تشيل نفسها لأن مافيه حمض في نجد
هذا مربي محترف وحساباته دقيقة لقطيعه واكيد كلامه صحيح .. اضنه مابقصد انك لازم تبدأ ب 500 راس .. ممكن تبدأ باي عدد لكن مستهدفك في المستقبل لازم يكون اقل شي من 400 الى 500 راس وان زدت افضل
نعم هو صادق لكن بعض المربين لوحلاله قليل يصبر عليه يزود إذا تبارك بإذن الله وبعضهم يبي يطلع عنده ويستأنس هو وعياله وبارك الله فيك وفي مجهودك ياصاحب القناة
الغنم كلها بركه واذا كانت في مزرعه تزود بركتها عندي الغنم ترعي داخل المزرعه اكثر السنه وبدايه تلقيح النخل نصك عليها الي وقت جداد النخل ونبداء من جديد نطلع الغنم ترعى والحمد لله محصلين خير منها
٨٠ تشيل نفسها ١_اول ست شهور ولده ٣٠ او ٤٠ تعزل ٢٠ تبيعها بعد شهرين ب٢٠ الف ريال ١٠ الاف ريال تئمن علف لمدة ٧ شهور و١٠ الاف ٧ الاف راتب ٣ شهور مع اكل للعامل الان تبدأ الغنم تالد تربي البهم الجاي لمدة ٤ شهور وقيمتها نص بمخباك ونص تئمن ٦ شهور قادمه وراتب واكل هي مسالة جدول جدول فقط تستمر على جدولك هذا وباءذن الله من ظهرها تعلفها وتعطي العامل راتبه ولا تدفع من مخباك ريال وشكرا
