سنابي
/ ab.dle
كلمات
لاإله الا الله اللي رحمته تسبق عذابه
العظيم المعتلي ذات التكبر والجلااله
مؤمنينن به وفي رسله وفي منزل كتابه
ونتعوذ به من الشيطان ودروب الضلااله
حضر الهاجوس في الموقف بعد طول غيابه
الحضور الشامخ اللي يرفع الراس ابمقاله
دام جال لشعر دور وفك لشعار بابه
والله اني لاطرب الجمهور كان الله قاله
بالبيوت اللي لها قيمه ومقدار وذرابه
فكرة اللي غاص بحر الشعر من جاله لاجاله
راحت الاعمار مع حلم الزمن نطرد سرابه
بين ضحكة الصناعيه وتخديرة اماله
لين شاب الراس لو أن العمر باول شبابه
في رجاء الحريه اللي تعتق الفكر وخياله
بعدها لضيف حق وللعواني والقرابه
ذا نكمل في مواجيبه وذا نكرم اسباله
فمرحبا ترحيبة من طيب صدر ومن رحابه
ومن صدورن ماتمل الضيف والصفطان فاله
مرحبا حي الله الضيفان في حفل الذيابه
الرجال اللي مواقفهم على عزً وطاله
اتقدم وثني الترحيب عنهم بالنيابه
عن خوالي ولولد وان طال طيبه من خواله
كاسبين المدح وناموس في ايديهم اقضايه
وكل رجال تعب لنعم منهم لين ناله
ولاغرابه منهم الفعل المشرف لاغرابه
ورثهم من شايبن يالله عسى الفردوس فاله
ومرحبا بسم النشاوى لابتي واعز لابه
روس قومن يعشقون الطيب وادروب الجزاله
اهل تاريخن عظيم وفعلنا يحسب احسابه
كم عقيدن في نهار الحرب يتمنا اعياله
نتعب الاخصام لين ايعيفنا راعي الطلاابه
ومن زبنا نمنه والجار ما يوخذ حلااله
من بني تغلب اعروش المجد واحفاد الصحابه
ومن سلالة بن ربيعه اكليب يانعم السلاله
اهل جيشن في لقاء لا دقت اطبول الحرابه
مثل موج البحر من يقواه لامن صك جاله
والختام اثني الترحيب عن حضرة جنابه
عن سعد عبدالله اللي بالوفاء تحمد اخصاله
ياولد من يكرم الضيفان ويشد العصابه
لو ظروف الوقت تقسى ماختلف طبعه واحاله
ايه عبدالله له الامداح تثنى له ارقابه
وسبعة الانعام لامنه طرى اسمه تنثى له
والنهايه ياصلاتي عد همال السحابه
لنبي الهاشمي المختار واصحابه واله
21 сен 2024
