بعد مرور ١٠٠ سنه سيأتي احدكم لسماع هذه الاغنيه وسنكون انا وجيلي تحت التراب اتمنى ان تكون حياتكم اجمل من جيلنا بعيدًا عن الحروب والامراض والاوئبه والم الفراق اهلكنا ونحن في سن المراهقه استودعتكم الذي لاتضيع ودائعه 😩.
الاغنيه ذي كل ماسمعها تعطيني شعور غريب من أول ماسمعتها وانا مابي افراقها كل شوي ارجع اعيدها تحسسني بشعور حلو ودايم اجلس اسمعها واهوجس رجعوني بعد سنتين😢 - ان شاءالله
اخخ والله ما انسى الاغنيه هذي لو إيش يصير مره كنت طالع من الدوام ولا معي سياره وكان بيتنا يبعد ٢٠ كيلو ونويت اروح للبيت كعابي وقف عندي واحد وصلني وكان مشغل الاغنيه هذي 💔
عزازي فنان قديم وجديد وهو في قلوبنا ايام مضت كنا نسمع عزازي ايام المراهقه والان الحمدلله الذي تم علينا الصحه وعمرنا فوق 40سنه وعندنا الطفال..بس من حبي اعزازي لبد افك التوب وسمع اغنيه
اليوم بقينا نتحمل المسؤوليه البيت والعمل حتى وقت الفراغ تجي عقولنا مشغوله في هذه الدنيا والزحمه الاطفال والنساء انا لا افتري ولا اتكلم ان شاء الله الا بما هو مفهوم مشكلتنا الوحيده انا تركنا الركض والكره والجلوس حول النار وما زالت ولله الحمد قلوبنا صافيه ولكن كثر المطالب والهموم جعلتني انا اتمنى الزمن الاول او قبل 30 سنه هذه حكمه رب العالمين والمفروض الواحد اليوم فقط حافظ على الصلاه وكل شيء ان شاء الله يزين الله يزينها لنا ولكم من عنده يا رب العالمين مع السلامه
دخلت اللايكات ونزلت لين اول مقطع عطيته لايك ، الله واكبر يالايام والدنيا الله واكبر المعاناه اللي مريت فيه من سمعت الاغنيه الين رجعت وحصلتها ركضت فيني الدنيا وماتو ناس وافترق الغالي عن غاليه وكلن راح بطريقه كان التعب هين اول مره سمعتها الحين اضعاف واضعاف سقى الله ي زمن غدار..
يشهد علي ربي ان قلبي نظيف وخاويت ناس ودمرو حياتي ناس انسجنت كثير ظلم تدمرت حياتي وانا توني كل الي حولي توظفو الا انا كل ماجيت اتجمل باحد انجحد ماعاد فيني ثقه في احد يارب زينها ياكريم محتاج دعاكم بس
تصبر وتحمل الله اعلم بنيتك وتوبتك مقبوله يكفي تدعي وتتقرب من ربك والله مالك الا الوتر كل يوم اقضيه تدعي وتطلب من ربك الله يجبر بخاطرك ويغير من حالك الا احسن حال وبسخرلك خلقه
آلله ياعزازي أغانيك استكنان على خط الساحل سقى الله طفيل أيام الجحادلة واللّه ونعم الرجال خذ أخويا على الشدة والرخا..عسى الله يحفظكم ويعزكم ولايعز عليكم ماكتبت هذا الكلام إلا واللّه من طناخة شوفتها في رأسهم.حرام مايجي رجال لاقبلهم ولابعدهم.
اشوف اليوم مثل الامس وباكر الله اعلم به واشوف الحال تعبانه من اجلك والدموع امطار حياتي كلها احزان ضياعن وانتي السبه حياتي من يواسيها مشاكل والهموم اكثار مدام العين سهرانه اجل هالقلب وش ذنبه تروح بعمره الايام وهو عايش على التذكار غريبه منك القسوة اخذتي خافقي لعبة الا ياقلبك القاسي الا ياقلبك الغدار كذا قلبك ملك قلبي وليته قال ما احبه وليته كان صارحني ولا احرق خافقي بالنار الا ليت ما شفتك وليت انك بعد كذبه وليتي ما عرفت الحب ولا اخذت الهوى مشوار
اوووووووووف يالاغنيه ذي كريات الليمه قسم بالله الحين تخرجت من الجامعه والله وصره اخصائي علاج طبيعي ابها قسم بالله ذكريات ايام المرحله الثنويه مسك خط الرياض أبها وشغلها
لا زال التاريخ يتجدد .. ويتجدد عزازي مع التاريخ وكأنه يغني لنا ولابنائنا في كل زمان ومكان تتجدد اللحضات ويتجدد معها سيد الاوتار بفنه فالذهب لا يصدى مهما واجه من عوامل التعريه يبقى كما عرفناه ذهب ..
شوفو اخر مره زرت المقطع قبل 3 شهور والحين رجعت اشوفه مره ثانيه ياخخي والله استكنانن طرب رااايق وكلماات على الجرح الله يررحم المبدعين الي مثلك ي عزازي ويستر عليهم ويغفر لهم ي رب قولو امين
ان شاء الله اجي للتعليق بعد سنه او سنتيين اشوف التعليق يارب غييرت من نفسي و اجتهدت بدراستي و عدييت المرحله الصعبه ان شاء الله ما انسى هالكومنت و ارجع اشوفه و يارب ادخل علمي و اجتهد بالرياضيات و اخذ بعثه و ادرس برا
الله ي الاغنيه تذكرني ب احلى ايامي كنت احب وحده واسمع الاغنيه معها واختفت ولي ٣ سنين ماكلمتها والله من بعدها كرهت حياتي ودنيتي وكلشي والله للحين احبها ابي وليفي يرحم من جابكم ي G اذا تشوف تعليقي يرحم امك تعال والله مشتاق لك والله 😓
يالله ي عزازي كنت افرّك من المدرسه انا واربعه من اخوياي على هايلوكس ٨٩ ونشغل اشوف اليوم ومبسوطين الا ان صار علي انا واخوياي حادث وتوفى ٢ منهم وبقيت انا وعوض وعشنا ايام الكئابه والضيقه ف وقتنا الله يرحمكم ي فهد وعلي
اخخخخخ يا عزازي إحساسك وجمال صوتك يخليني اعيد الاغنيه أكثر من مره ملك الإحساس فعلاااا ولا يزال التاريخ يتجدد كانت أيام جميله وراح تضل أجمل أيام حياتي ♥️🌹.
للتاريخ كنت دائما اطالب عزازي بتجديد هذه الاغنية ويشهد على كلامي محمد العربي ومؤسسة انغام وقتها واغلب جمهور عزازي كان معترض على تجديدها لان تسجيل الجلسة كان مميز ولم يريدو لها ان تفقد نكهتها الان وبعد مرور السنين اثبتت الايام ان مطالبتي كانت في محلها واصبحت الاغنية اكثر اغنية مشاهدة لعزازي في تاريخ اليوتيوب !
أشوف اليوم مثل الأمس😢😢😢😢😢، قبل فتره أسمعها من باب أن الحن عاجبني فقط الأن أسمعها بقلبي أههخ ما توقعت بيجي يوم وأعيش شعورها أي والله تروح الأيام وأنا عااايش على التذكار ياليت ما تبقى ذكريات ولا يبقى لها أثر ياليت النسيان سهل لابوه قلب حنيين والله ما يأكل أتراب الا راعي القلب الحنين الي على نياته وصريح وحاله حال نفسيه يطيح طيحه تغييير مجرى حياته لكن مهما صار يبقى القلب الرهيف الحنين بس يتعلم ما يدخل هالقلب الا شخص يداريه عسى الله يجيب العوض الي يدارينا ، وباكر الله أعلم به .
قلبي ينهرني .. ويصرخ في مشاعري لا تبتعدي .. وعقلي يشدني .. عالياً وقاره الثقيل .. اذهبي بعيداً عن أرضه .. عن عالمه .. عن مجرته .. إذا استطعت .. تطايرت أشلائي .. في اتجاهات معاكسة .. تنتزعك مني .. وتنتزعني من نفسي .. ولا يزال البحث جارياً .. عن أشلاء ضائعة .. وأحاسيس ممزقه .. وجدوهم جميعاً .. أعادوا ترميمهم .. وإصلاح ما أفسده الحب .. إلا قلبي الشارد .. لم يتم العثور عليه .. بعد أن هاجر عائداً .. إلي أعماقك ...!
