الادمان مش بيفرق بين فقير وغنى، ذكى او مش ذكى ولد او بنت اول حاجه ممكن نقولها عن الادمان انه من اسمه، هى المواد اللى ليها قابليه عاليه للأدمان بمجرد ما تجربها، او من تانى استخدام، عشان طبيعتها الادمانيه ، فينصح دايما بعدم التجربه الاولى ودا مربط فرس الادمان ونفس الكلام دا جيه على لسان مدمن" انا ابتديت بسجاره عاديه مأبتديتش بهيروين " السجاير بوابة الادمانات، كل قصص المدمنين بتبدا بسيجاره عاديه او سيجارة حشيش، تانى حاجه انه فى كلام بيتقال مش حقيقى عشان يخلوا اللى مش بيشرب يشرب ونفس الكلام دا المدمنين بيقولوا لنفسهم ان مثلا الحشيش مش ادمان. وعشان نفهم الادمان لازم نعرف خصائص الادمان ودى حاجه مهمه خصائص الادمان ١- من اسم الادمان ، هى مواد لها طبيعه ادمانيه شديده ـ المخدرات ـ ،طيب ايه هى المخدرات دى بالتحديد؟؟الحشيش والافيون والبانجو وحبوب الترمادول باسماءها المختلفه ـ لانه ليه اسماء كتير عشان محدش يضحك عليك ويديك قرص ويقولك هيخليك تسهر او تعمل انتاجيه عاليه،والبيره والخمره وكمان المنومات والمهدئات ونذكر السجاير والشيشه انهم ليهم نفس طبيعة الادمان بس مش بقوة المواد المذكوره، فاللى بيشرب سجاير وشيشه ممكن يزود فقط فى الكم ولكن ليس فى الكيف ٢- طبيعة ادمان المخدرات، ان المدمن عايز يوصل للنشوه الاولى ـ اللى بتقل مع الوقت ـ فبيزود المخدرات كما وكيفا فلو بيشرب سيجارة حشيش النهارده بكره يشرب خمسه بعده عشره بعد كدا هيحتاج ياخد ترمادول مع الحشيش، ممكن يبدا بنص قرص وبعد كدا قرص كامل الى اخره، فى قول مشهور عن المخدرات ان جرعه واحده لا تشبع والاف الجرعات لا تشبع 😐😐 *اما المخدرات الجديده زى الفودو والاستروكس والبودر غير البودره ـ البودره هى الهيروين او الماده العاليه ـ والشادو ، دى مواد مخدره من مصدر طبيعى مضاف عليها مواد كيمائيه، فبتضاعف تأثيره لعشر اضعاف او عشرين ضعف....الخ فلذلك هى مواد شديدة الادمان وأدمنها من اول استخدام * مراحل الادمان، الاول ممكن المدمن بياخدها عشان بتديله شعور السعاده، ودى فتره مش طويله اسمها فترة شهر العسل او الحفله ودا لانها مش بتدوم اكتر من 3 شهور بعد كدا الشخص بيأخد المخدرات عشان يقدر يتحرك ويعمل اى حاجه الانسان الطبيعى بيعملها زى انه يتكلم يقف يتحرك، ياكل او يدخل الحمام * ملحوظه، المدمن اللى بيدخل فى دايرة الادمان بيبدا بالسجاير ثم الحشيش وبيوصل للترمادول وبعد كدا المخدرات الجديده،الفودو والاستروكس والبودر ثم الهيروين الماده العاليه ودا مش عشان المدمن شخص سئ او هو بيشرب بمزاجه دى حاجه غصب عنه ودا عشان طبيعة الادمان والمخدرات،وبتبقى اخر حاجه واصعب ماده ادمانيه هى الهيروين واللى بيوصلها بيشرب اى حاجه * واخيرا العلاج، العلاج من الادمان للاسف مش اسهل حاجه، لان المخدرات بتبقى مسيطره على دماغ وافكار المدمن، فبالتالى بتسيطر على ارادته، ولكن المصحات ليها دور كبير بتلعبه فى تعافى المدمنين عن طريق الاجتماعات اللى بتنظمها ودى بتشعر المدمن بالقبول والحب ومع متابعة الاجتماعات وان المدمن بيشوف ناس تعافات المدمن بيحس انه كمان يقدر و بمساعدتهم بيتعافى 😀😀 ودى قصة احمد يحيى كان بيشرب مخدرات وتعافى عشان نفهم الكلام اللى فوق بشكل عملى *انا اول حاجه شربتها او ضربتها كان الحشيش و شويه شويه بقيت ازود في الكميه عشان يوصلي الشعور اللي وصلي اول كام مره شربته فيهم و بعد شويه وقت الحشيش لوحده ما بقاش كفايه بقيت اخد معاه حاجه تانيه اللي هي الترمادول و شويه و بقيت ازود فيه لان اول مره طبعا بتعمل تأثير جاااامد فا ببقا عايز اوصل للتأثير ده تاني و كالعاده بعد شويه وقت الحشيش و الترمادول ما بقوش يوصلوني للي انا عايز احس بيه و هكذا فضلت عالحال ده لغايه ما خلصت علي كل انواع البراشيم اللي في السوق و بكميات كبيره و كتيره و في نهايه المطاف وصلت للهيروين البودره زي ما جربت كل حاجه و بدايتها كانت حلوه و بتوصل لأحساس وهمي رائع بس دماغها بتفصل بسرعه الغريبه و اللي يضحك انا قولت اخد بودره عشان ابطل البراشيم و البودره ابطلها بعد كده سهله اتاري الدنيا غدااااره و اذ فجأه البودره دماغها بتفصل بسرعه عايزه يتعملها ارضيه اضحك بقا بقيت باخد براشيم مع البودره و بعد شويه وقت بدل ما كنت بشم بقيت بشك حقن لأن الكميه و الفلوس مش مساعده في الاثناء دي طبعا اتدمرت حياتي بكل جانب من جوانبها و بيتهيألي اني لو كانت المخدرات الجديده اللي ظهرت دلوقتي دي كانت موجوده في الوقت ده كنت اكيد هضربها و دماغي كانت هتتلحس خالص الحمد لله ان ربنا تاب عليا و انعم عليا بنعمه التبطيل انا اللي عايز اقولو و يوصل للناس مش تطور رحلتي مع المخدرات او ايه اللي وصلتلو او كم الخساير اللي خسرتها او اني خسرت كل حاجه ليها قيمه في حياتي خلاص الناس فاهمه و عارفه حتي اللي بتعارض لماضه انا اللي عايز اقولو ان الرحله دي كلها بدأت بالحشيش و علي سبيل التجربه لأني سمعت انه هايبسطني و هقضي وقت ما قضتهوش قبل كده في حياتي و ده الحقيقي و ده اللي بيحصل مع اي حد بيجرب المخدرات لأول مره بتعجبو و بيتبسط جدا البدايه كانت بالحشيش اللي الناس بتقول عليه عادي علي الرغم ان متعاطي الحشيش فقط لا غير عصبي من غيره بيعاني من الوسواس القهري مصاب بالارق يعاني من الخمول و الفتور في علاقاته الاجتماعيه البدايه كانت بالحشيش و ماكنتش اي بدايه كانت بدايه النهايه المخدرات سم المخدرات بتموت انقذو نفسكو انقو عيالكو المدمن قبل ما بيأذي نفسه بيأذي اقرب الناس ليه احمد يحيي مدمن متعافي بفضل ربنا ٩ سنين و ٦ شهور *احمد يحيى كان موظف وكان فى بنك كبير وبيقبض مرتب كبير، لكن المخدرات خليته مهمل فى شغله والمخدرات خليته يصرف مرتبه كله ومع زيادة كميه المخدرات اللى هو محتاجها وانه كمان اتفصل من شغله ابتدا يسرق اهله لدرجة ممكن يسرق اكل البيت ويدى لتاجر المخدرات مقابل المخدرات وبعد كدا لما اهله خبوا فلوسهم منه ابتدا يسرق من الناس اللى حواليه او ينصب على الناس فى الشارع وفى الاخر كان بيقف يشحت من اى حد معدى يقوله هات جنيه ودى نهاية المخدرات واحد اهم طرق الوقايه، لان الوقايه خير من العلاج *الحذر من اى اصحاب او اى شلة سيئه، بها احد يشرب احد المواد المخدره او الاماكن التى متاح فيها شرب
اخي سعد انت مثال يحتذى به للنجاح والمثابرة اسال الله لك الثبات والتوفيق ماتقدمه عظيم جدا ويصنع الفرق بالنسبة للمدمنين وانت تعلم حال المدمن بالضبط كل الحب والاحترام ❤
كل ما ادخل فيديو اقول الحمد لله الذي عافانا مما ابتلى به غيرنا وفضلنا على كثير من الناس .. الحمد لله على نعمة الإسلام ❤❤❤❤ يارب شكرا على نعمة الإسلام والطهاره والنظافة والعقل السليم والقلب السليم والدين الحق..❤❤❤❤ والله لن تجد من هو احرص عليك وارحم بك من ربك الذي خلقك اعطاك كل الحلول لكل مشاكلك تريد المال استغفر ربك او تصدق في سبيل الله..
بهذه الطريقة يتم خداع الناس بحجة الحرية وهكذا يهلكون انفسهم بعلم من السلطات بل هذه غايتهم لنشر الفاحشة وتجهيل الشعوب والسيطرة على العالم واخيرا (فمن تبع هداي فلا يظل ولايشقى )
الامريكية عايشة في احسن بلد في العالم ومع ذلك تقولك المشكلة في الحكومة و هنا عندنا يمجدون في حكامنا الخونة والطغاة الدين لم يقدمو اي شيء لبلداننا العربية
الدولة هي من عملت هيك يبحثون الاحياء الفقير. و يحعلون المجتمع مثل فيران التحارب ليصيطروا على المجتم و الجريمه و السرقه و يشغلونهم بالادمان فيصبح عندهم طبقة غنية منتعلمة و الطبقة الفقيرة مغيبة عن الواقع
تعال تحتاج الرأسمالية لمكان لترمي من لا يزيد من أرباحها أو من فصل من عمله فلم يستطع دفع أقساط قرضه الذي بنى به بيته فيسحب البنك البيت من المواطن المفصول فيصبح مشردا تحتاج الرأسمالية لمكان لترمي من لا يزيد مم أرباحها
يازلمه كيف الصوت مش واضح؟ يعني احنا تانين يلي بنعلق مابنسمع مثلا؟ عفوا انتي غبي شي؟ كان بإمكانك يا اخي تجرب من غير مكان من غير جوال كمبيوتر يلي هو قبل ماتكتب تعليق هدا! وغيرك ماحكا شي عن صوت! معناها سوا من عندك،.. خلينا نقدر قيمة العمل يلي سعد عم يعمله مش بس هيك من قلب الحدث اشياء مخفيه عن عقولنا اشخاص متل هادو هما يلي يستحقو الدعم! بس تعليقك هاد نوياه اكبر من مشكلة صوت! لأنك ما اتوقع غبي زياده وانت عارف انه صوت موجود في الفيديو