عشنا معزولين عن العالم ليوم كامل بضيعة تركية! 

الحياة بزحمتها أخدتنا من حضن الطبيعة...وحولتنا لآلات تركض لتلحق ركب التطور بعصر السرعة.
لحظات كتيرة بتمر بحياتنا نحتاج فيها لنوقف لحظة ونعزل أنفسنا من كل المحيط الي عم يستنزف طاقاتنا ويعذب أرواحنا.
البساطة…الطبيعة...الهواء النقي…اللمة الحلوة... والضحكات العفوية الي طالعة من القلب هي بلسم لكل أرواحنا المشبعة بسموم التكنولوجيا و رياء المجتمع. ما بتتخيلوا قديش كلنا محتاجين لهيك قعدة تشفي حواسنا من أضواء الشاشات المرهِقة و ضجيج المدن الصاخبة.
يمكن أغلبكم متعود على رادة الي بتنزل سفر غنية بالألوان...رادة الي بتهتم بأدق التفاصيل بكل صورة و سفرة، بس صدقاً هالمكان أخد من قلبي شقفة…و هالفطور على بساطته كان من أمتع الفطورات الي إستمتعت بكل تفاصيلها…من الصحبة للتحضير و انتهاء بالفطور.
الحياة منعيشها مرة... لا تنسوا بزحمة أعبائكم اليومية إنكم توقفوا لحظة وتاخدوا نفس عميق و تخصصوا وقت لتحرير أرواحكم لتحلق و تطير بقلب الطبيعة الدافي.
هيا و زيد قضيت معكن وقت حلو و صار الي ذكرى جميلة معكن بهالمكان🥰☺️. الله يجمعنا مرة تانية على خير يا رب🤲🏻❤️.
صفحة المصور زيد:
zeid.alsayid?igshid=YmMyMTA2M2Y=
صفحة الدكتورة هيا:
dt.hayamiray?igshid=YmMyMTA2M2Y=