صح اختي التوفير هو اساس النجاح انا اعتمدت من بداية زواجي اشريت دار ب غرفتين ثم وسعت واشريت دار اخرى ب ثلات غرف ثم بعتها ووفرت وابنيت منزلا وكبرت اولادي 2ثم عاودت وزوجت اولادي والان راني نوفر للعمرة ان شاء الله
جام قبل مانشوف الفيديو، فرحتينا هاد الويكاند الله يدومها 😅😅😅 من فضلك هدرينا علا تخطيط كفاه نديرو كفاه نظمو افكارنا و هدرينا علا الكراس لي تنظمي فيه سلامي ليك و مشكورة
اختى صبرينة حبيت نقول للاخوات ،الاقتصاد والتوفير و كل كلمة راكى تقولي فيها عندها معنى كبير، و دورو الى تخبيه تلقايه خاصة المرض ،مريت هذو شهرين بمرحلة صعيبة ،و عرفت فيها قيمة الدورو، مرض الزوج تلحق للموت و كان لازملي عملية بخمسين مليون،والله يا اختى ملقيت واحد ،مرحلة فاتت عليا صعيبة بزاف ،الحمد الله الى ربي يسرلي امري و دار راجلي عملية و راهو مليح،نوصيكم كل كلمة راهو تقول فيها اختنا صبرينة ادوها بعين الاعتبار
بارك الله فيك يعطيك الصحة على نصائحك انا واحدة من الناس اللي نحب ندير التوفير خصوصا على جال المرض لا قدر الله ، لعقوبة صعيبة ولازم الواحد يخمملها في صغره .
والله والله والله ياختي من نهار لي تبعتك راني نوفر ودرت بيت الخزين وبربي نقولك واش نتيجة ليراني رايح نخرج بيها ادعولي ربي يسهلي باش نشري دار راني معاها
اختي صبرينا اهدرينا على العداوة بين الخيات كاينة وحدة مسكينة ماعندهاش اطفال عندها زوج خيات كل مايولدو تروح ترفدهم عندها واحد القلب حنينة او تخاف ربي او بناتهم دريرلهوم كيشغل بناتها جابتهوم كرشها او مرة صرا مشكل تافة عداوها في زوج او هي لكبيرة مسكينة راهي في واحد الحالة مانحكيلكش او راهي تبع فيك او حبت نتي تنصحيها باصكو نتيا ام او عندك لبنات ربي بارك
والله يختي صراتلي انا شخصيا كنت هزتهم قبل الزواج وبعد زواجي رفدتهم اناوراجلي درتهم بناتي وكتزوجو دارو عليا دورة شينة ردوني حسدتهم ونعينهم و.......وانا داري كانت دارهم وحوايجي حوايجهم ودراهمي دراهمهم مرضت بكيت لحقت لواحد الحالة لعدو وميتمنهاش وصلت بيا ضيعت لبيبي لي كان في كرشي تما فقت طيشت عليا كلش دورك اولادي وزوجي والباقي الطوفان قوليلها تفطن مع روحها بويسك الصحة واعرة
ايه ولش نقول واش نخلي اخت لتسرق وتحوز يماها من دارها من بلاد ماتتكيل وتبات عند الجارة وهيا راقدة نورمال وتزيد تعير وتقول على يماها خشبت النار نكرا الخير كان غير كيما دارت فيونصاي على بنتها حاجة مادارتها من عند يماها وخياتها واش نحكي واش نخلي حسبيا الله ونعم الوكيل فيها وفي بنتها
يعطيك الصحة اختي صبرينة والله راكي بلسم راكي أنت هي الطاقة الايجابية هدرتك تحفزني وتبوسيني للقدام أنا راني بديت نوفر عندي زوجي دراهمو كامل رايحة هكاك ويخمم غير على اليوم يحب يشري غير حوايج الاكل فقط راني ماكثة بالبيت ودايرة مجهودي ونوفر لكن نسقسيك الذهب راهو غالي يعني اللي يشريه هاد الوقت ويحب يبيعو نهار آخر يستفاد منو ولا لا وشكرا اختي ربي يفرحك بعائلتك يا رب ❤️❤️❤️
ربي يعطيك ما تتمناي على هاذ النصائح اختي صبرينة ،ربي صخرلك ناس بزاف تحبك ومن بينهم انا صدقيني منقدرش يجوز عليا نهار بلا مانشوفك ونستفاد منك .انت امراة مثالية بمعنى الكلمة ربي يوفقك في حياتك الشخصية ويباركلك في حياتك الزوجية ويعلي مقامك وربي يرضى عليك
مساء الورد حبيبتي صابرينا سالتك على البراسل حابه نشري كيف تاعك ممكن تقربي في الكاميرا الشكل عن قرب وكيف القفل تاعو وكم غرام لان الراجل الي يبيع الذهب خرجلي ٣ انواع كل واحد القفل تاعو مختلف وخفت نختار واحد ويكون القفل مو مليح لو سمحتي جاوبيني قبل مانصرف دراهمي لان عندنا بالعراق كل يوم يزيد السعر لو سمحتي 🥲🥲❤️❤️❤️
بصحتكم حبيبتي انا درتلكم مربى الكابويا 🎃🥕 🍊 بالجزر و البرتقال روووعة مع العسل 🍯 و ديول السميد يشهو مرحبااا بيكم 🌹واللي حبت تتعلم الطبخ و الإقتصاد و التوفير 😁😘 مرحبااا بيكم خياتي عندي و نصيحة خياتي🌹اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش
سامحيني علا التدخل بصح خرجي ذهبك باسرع طريقة شوفي الا تتسلفي وخرجيه لاخطر الرهن تاع البنك فيه ربا وتولي في حرب مع الله وهدي دنيا الواحد يخاف باه طيحلك البركة في رزقك الربا صعيبة متخليكش تقدمي خلاص
👍🏻👍🏻👍🏻🥰🥰🥰🤲🤲🤲♥️♥️♥️ والله صح الطاقة السلبية تعدي كثر من المرض ..مالازمش توقفي خلاص مع وحدة تشكي تشكي تشكي ...طاقة الحمد والإمتنان كل يوم لازم تكون عندك ..احمدي ربي ليل نهار على النعم التي لاتعد ولا تحصى ..👍🏻👍🏻♥️♥️ نصائحك جدا مفيدة اختي ربي يزيدك من نعيمو ويرزقك على حساب نيتك وتعبك ..🤲
صباح النور والسرور اختي و بنت بلادي صبرينة بصراحة شفة قناتك و اعجبتني في كلامك الجميل و تدبيرك الرائعة انضمت عندك و اتمنى ايدوم المحبة و التواصل بينا انشاء الله اختي الغالية 👍🇩🇿🔔🤝🤝