عقد الجلاد♯♩♪♫♬طواقي الخوف◄◄ 

جميل من علق علي الفيديو قبل سنتين ر رجع للفيديو و الانقاذ سقطت انا متمني ارجع لي تعليقي دا بعد 5سنه و القاء الجنوب رجع

اغنية تقشعر لها الأبدان ... تسلم القدال .... تسلمو العقد 💚💚💚

2021 الناس البتسمعها اظهرو @

جيل يعتبر من افضل الاجيال التي مرت علي العقد..

خوفي على البلد الطيب جناها وقمنا في خُديرا شاحدك يا كريم لا تحصل خراب لا أرجى يوم ودّيرا ربنا يرحم القدال انا لله وانا اليه راجعون

ما خايف المطر يتحاشى الضهاري الراجية قولة خيرا ولا خايف المطر يمشي على الصحاري تلمو في بشكيرا ولا خايف العشم يتناسى العشامى ونيما ياكل نيرا ولا خايف النفس تتذكر نفسها وتنسى يوم حِدّيرا خوفي على البلد الطيب جناها وقمنا في خُديرا شاحدك يا كريم لا تحصل خراب لا أرجى يوم ودّيرا *** وانا ما بجيب سيرة الجنوب. عيال بتسرح للمدارس .. والفطور نجماً بعيد. بنوت بتجري على الخطاطيب الخطاطيف البتجرح .. والعريس نجماً بعيد. الدكاكين التملا تفضي، السماسرة يسمسروا، والبسفو الطين .. يسفوا، والبحتّوا الراب .. يحتّوا، والبناطلين ليها سستم، والقوانين ليها سستم، البنوك الفيها بستم .. من سويسرا ولي ماليزيا بالسفارات والعمارات والخبارات .. . انا كنت متغطي .. ومتدفي، العمة ملوية، والشال على كتفي. سودان وكان ما كان سودان علي كيفك السكة ساعة إيد والأرض مروية والناس حنان وظراف والراح يجيك .. للحول والخدمة مظبوطة مظبوطة مدنية والدنيا حرية الماشي درب الكار يغور والتاب من التمباك يتوب..! انا مابجيب سيرة الجنوب. الغبّوا عرفوهو والعرفو سوّوهو والسووا بلقوهو .. …… أصبحت زي الزول قادل بوسط السوق سروالو نصلوهو لو العِرق مسروق أو قلبي نشلوهو طعم الكضب مسلوق ماسخ تضوقوهو لو فمي ما مطلوق أو كمي غسلوهو ياني البسوي القوق قولي البتابوهو ماعندكم دمي ما عندهم دمي من دمي لا لا لا ماقدروا فصلوهو. وانا ما بجيب سيرة الجنوب؟ قول استقلْ .. انا في صفوف الزوق واقف مع الواقفين مزنوق بهنِّيهو ويهنوهو أواستقال .. ودا أول الأحزان أو قالوا باعوهو ودا ياهو قطِّيع القلوب أنا ما بجيب سيرة الجنوب، فالسيرة كمين ألف عام لوني المحرق مندوكور وشكلي شكلين شكل منقة وشكل تور دمي المشتت من قبايل نوح وحام شعري المقرقد زي حصايا اتشتت فوق الدروب كتفي المهدل بالعيوب وانا ما بجيب سيرة الجنوب أصل البقت من ساس وسايس أو يسوس ياها البقت خلونا من حرب البسوس الفاضلة تكفير الذنوب الفاضلة لمليم البشاتن والمعاطن والخبوب الباقي مايخموكا تاني على الدفافير والكناتر والحروب الباقي تعظيم التماسك في الخطوب لا نافع الشَّدة العلوق ولا نافع المبقوص يحوق لا بنفعك عَرَق الزنوج ولابرقعك لبن العروب إلا الوقوف ألفاً ضكر واحد براك في الشيمة تلفحك الهبوب الغيمة تديك للسفاسف والعواصف والمطر برطع مع الأفعال وادخل على التاريخ يغلب أجاويدك من قرقريب عوسك اخرِج من التاريخ شيخك وعربيدك لا نافعك التكفير ولانافعك التوبيخ فامشيه وحيدك وامرق على التاريخ تلقاه في السهلات مستني كمسيدك لا بيظلم التاريخ ولا يرحم التاريخ إياه عوس ايدك. والأرض موقوت القنابل في الحدود والأرض منهبة الثعالب والطحالب والجيوش باليوناميد واليوناميس والفُرقة بينات القبايل والشتايم في المنصات والشراكة الفي المكايد والخناجرفي الحناجر والمنابر .. آه من تلك المنابر، إنداية كرتلة وبنابر والجرايد داقة طارات المدايد الصَدَق في الناس كذوب الساسة نِيّام العسل بين انتباهة وغفلتين بين السلاطين والحبوش والشلاتين والقرايب فين حلايب؟ واللي بنى الأرض كان في الفرض سوداني عيني عليها اتمزعت حتة في قلبي وحتة ف غصتي .. تاني آدي اسرائيل في النيل بكِّيني ولعبطني والنيل أدنداني إحنا حبايب في الطيّبة والآه؟ آ. غنيلي ورقصني ؟ طيب. بسِّ سمعني آه الآه في وداني. *** أنقد السُقا وما بينصلح وكَّايو وانكشح اللبن ما بينفعِن بكَّايو بعدن بى الدروب مابقصِّرِن تكَّايو والشاكي النقاص ناقص قمح شكَّايو *** وانا لا بجيب سيرة الجنوب ولا أكلوني إذا ما أكلو التور الأبيض .. (الأرض في الجزيرة) وبدر الله فوق سماهو يا ساسا يابساحوتة مكوار حبس مياهو عطشت قبايل ابقوتة؟ البودة في خلاهو والأرضة في بيوتا؟ الزول رِبَت كلاهو سمينة بي مقوتا يا تمت المعاهو أو خلصت الحدوتة وانا لا بجيب سيرة الجنوب ولا أكلوني إذا ما أكلو التور الأبيض .. *** يدر الله يابسلوكة سلوكة الجزيرة كل يوم فينا بتنتش سكك الحديد بي كم؟ بي كم بيت المفتش؟ والبيع بيعة عدوكا بعت الأرض بترابا؟؟ باكر تبيع أبوكا وان مُتْ من تُخمة باكر ناس الشرق يبكوكا وناس الغرب يبكوكا ناس الشمال يبكوكا وناس الجنوب يبكوكا. وانا لا بجيب سيرة الجنوب ولا أكلوني إذا ما أكلو التور الأبيض .. *** حمدتكم بالجاية والجاية فوق الجاية وعسكري الجباية قلبو الحجر اللداية *** بشرتكم بالسادة والسادة بعد السادة وجرادة فوق جرادة من دوكة لام كدلدة *** حمدتكم بالواقعة والصاقعة جنب الصاقعة مقدودة مالها راقعة والدمعة صابة وناقعة *** بشرتكم بالتوية والصبنة لي الدامبوية في الحلة دي ام كدوية ما تقعدوا شدرة موية *** والأرض لا حليوة ولاها دي الجزيرة الأرض أمات الحنين لو نقط الضحوي البريق، في الحين تبتق شهوتِن. تحبل كما الأمات وتشرق بالوحم لو تسعة الميلاد بتمرق بالسنين، أو دي الشوارع بالبنات متحينة، ترسل تراتيل الخروج في يوم وتقطع سرتِن. الأرض تعريف الهديل هدل الحمام بشري وشوق السلام انسان بالحيل بيعرف أنَّتِن والأرض شافت إلا خافت من عيون الليل تناجي حبيب غريب في الليل وتفرز غنوتِنْ. زي بذرة في جوف الأرض أو ضحكة عند طرف القلب بتغني لو جات في العيون والضحكة لاقت مرقتِن الأرض منصوص الضمان حضن أمك الدافي وأمين ريحة حبيب جاياني من شمة حبيبتي وكرفتِن لو جاتا في يوم الهموم، في الحين تزغرد فرحتِن. أو حرقصت فوقها السموم، باكر تهبهب نسمتِن. والأرض ما بتعرف تنوم ترتاح وغابت جمتِن بس تدِّي مدين للعديم بالمدة تحفظ ذمتِن *** هن مارقات خلاهِن ما مارقات بَراهِن لي بصاص حِداهِن إو قصاص بِراهِن هن مارقات تراهِن تريانات تراهِن الخوف ما حَماهِن من شوفة حِماهِن طمانات جناهِن بي لبنا معاهِن يوم الشينة جَاهِن.. مرقن ليهو جَاهِن بالعز المبطَّر والزوق الشَفاهِن لا حايدات مداهِن لا قايدات عماهِن وما كشحن بلاهِن فوق زولاً أباهِن لو الضيم رماهِن هِنْ ياهِنْ وما هِنْ. *** وانا لا بجيب سيرة الجنوب لاني زول بالمرة خايف إلا شايف إلا شايف إلا شايف *** أنا شايف المطر يتحاشى الضهاري الراجية قولة خيرا وانا شايف المطر يمشي على الصحاري تلمو في بشكيرا وانا شايف العشم يتناسى العشامى ونيما ياكل نيرا وانا شايف النفس تتذكر نفسها وتنسى يوم حديرا وانا شايف البلد الطيب جناها وقمنا في شدِّيرا … … شاحدك يا كريم لا تحصل خراب لا أرجى يوم وديرا.

ونا في صفوف الذوق مزنوق بهنيهو

مااا برحم التاريخ ولاااا بظلم التاريخ اياااااهو اياااااهو عوس إيدك

القروب ده من اروع الاصوات التي مرت علي العقد و شكل منظومة اوصلت كل الاعمال بأفضل مايكون هاني .جاليلو ..زولو و رانيا الامين شريف و شمت..

ياهوو قطيع القلوب وانا مابجيب سيرة الجنوب

الغبو عرفوهو والعرفو سوهو والسوو بلقو 2019 وانتصرت الثورة

ياخ ابداااع 😍😍 دي حفلة الابيض

إياهو عوس إيدك💔

هاني ومحمد عبدالجليل خامات صوتية يصعب تعويضها في المجموعة

الفطور العرفوااا العرفو سوووه زولو ي رائع

جاليلوو💙

ودا ياهو قطِّيع القلوب يا حليلكم .......

خووووفي علي البلد

🖤العقد دائماََ وابداََ🖤🖤

احلي وافضل الروائع السوادنيه

No body can back begin today but any body can begin today and make New end

آه وثم آه كررت اسفا علي موت السودان

ياهو عوس ايدك يا البشير

ياهو عوس ايدك

القدال ي شفت

العقد ابداع متجدد

طواقى الخوف الالحان المتفردة مع الكلمات الداوية. ل التكرم برفع الجزء الثانى لو متوفر ...ومشكورين كتيييير

تسلم يا نجم شاحدك يا كريم

الصوره واضحة جدا والصوت مشكورين بس ما تامه ياريت تكملوها ل تكرمتو

ماف كلام والله العقد وبث

2024 😭😭😭

كل الحب

انا ما بجيب سيرة الجنووووب

طواقي الخوف..احححححححح

أسى احنا نتأسف ع حال السودان ولا ع حال عقد الجلاد

روووعه

التاب من التمباك يتوب والماشي جنب الكار يغور....سودان على كيفك😧😧

🎶 👏 💕 🎹 منورين

رائعون كما النيل

لكم الشكر

خوفي على البلد الطيب جناها #يونيو-30

الدنيا حريه💝 ووين حلايب؟؟؟؟ وين مشروع الجزيره؟؟؟ وين الجنوب؟؟؟ الشرق#جبه الشرق الغرب#دارفور #تبا_للكيزااان😟😟

سكك الحديد بي كم بي كم بيت المفتش

مرحباسلام

عايزين النسخة كامله

سقطت...سقطت سقطت

نريد حل مشروع الجزيرة نريد حل مشروع القبلية نريد حل مشروع الوساطة حل مشروع الخريجين حل مشكلة دارفور حل مشكلة الجنوب حل مشكلة حلايب حل مشكلة التجارة حل مشكلة الاستثمار حل مشكلة الشباب كل مشكلة مهن الخريجين حل مشكلة التعليم حل مشكلة المزارع حل مشكلة العمال حل مشكلة البنية التحتية حل مشكلة البترول حل مشكلة من يوجد لية اختراع يساعد في تقديم البلاد حل مشكلة العطلة حل مشكلة الموارد الاقتصادية من مايعاد علينا من موارد المياة حل مشكلة الفيضان في الخريف أنشأ طاقة سدود حل مشكلة المزارعين حل مشكلة الجيش السوداني والحركات المسلحة حل مشاكل دار المايقوما حل مشاكل التلفزيون القومي حل وزارة الصحة حل مشاكل اليتيم حل مشاكل الطلاب من الولايات إشراك الشباب في الوزارة السياسية حل مشكلة الأستاذ وحقة حق دبلوماسي في الوزارة السياسية حلونا استاذ حمدوك اشتغل في الساحة الاقتصادية حل مشكلة انت جنوبي شمالي جعلي نوباوي

يتحاشي الضهاري الراجية قولة خيرا ولا خايف المطر يمشي علي الصحاري تلموا في بشكيرا ولاخايف العشم يتناسي العشامه ونيما ياكل نيرا ولا خايف النفس تتذكر نفسها وتنسي يوم خديرا شاحدك يا كريم لايحصل خراب لا أرجي يوم وديرا وأنا مابجيب سيرة الجنوب عيال بتسرح للمدارس والقطور نجمآ بعيد بنوت بتجري علي الخطاطيب الخطاطيف البتجرح والعريس نجمآ بعيد الدكاكين التملاء تفضي السماسره يسمسروا والبسفوا الطين يسفو والبحتوا الراب يحتو والبناطلين ليها سستم والقوانين ليها سستم البنوك الفيها بستم من سويسرا ولي ماليزيا باالسفارات والعمارات والخبارات أنا كنت متغطي ومندفي العمة ملوية والشال علي كتفي سودان وكان ماكان سودان علي كيفك السكة ساعة أيد والارض مروية والناس حنان وظراف والرايح يجيك للحول والخدمة مظبوطة مظبوطة مدنية والدنيا حرية الماشي درب الكار يغور والتاب من التمباك يتوب.....! أنا مابجيب سيرة الجنوب الغبوا عرفوهو والعرفو سووهو أصبحت زي الزول قادل بوسط السوق سروالو ملصوهو لو العرق مسروق أوقلبي نشلوهو طعم الكضب مسلوق ماسخ تضوقوهو لو فمي ما مطلوق أو كمي غسلوهو ياني البسوي القوق قولي البتابوهو ماعندكم دمي ماعندهم دمي من دمي لا لا لا ماقدرو فصلوهو وانا مابجيب سيرة الجنوب قول أستقل انا في صفوف الزوق واقف مع الواقفين مزنوق بهنيهو ويهنوهو أو أستقال ودا أول الاحزان أو قالوا باعوهو ودا ياهو قطيع القلوب انا مابجيب سيرة الجنوب فاالسيرة كمين الف عام لوني المحرق مندكور وشكلي شكلين شكل منقة وشكل تور دمي المشتت من قبايل نوح وحام شعري المقرقد زي حصايا أتشتت فوق الدروب كتفي المهدل باالعيوب وأنا ما بجيب سيرة الجنوب أصل البقت من ساس وسايس أو يسوس ياها البقت خلونا من حرب البسوس الفاضلة تكفير الذنوب الفاضلة لمليم البشاتن والمعاطن والحبوب الباقي مايخموكا تاني علي الدفافير والكناتر والحروب الباقي تعظيم التماسك في الخطوب لا نافع الشدة العلوق ولا نافع المبقوص يحوق لاينفعك عرق الزنوج ولا يرفعك لبن العروب الا الوقوف الفا ضكر واحد براك في الشيمة تلفحك الهبوب الغيمة تديك للسفاسف والعواصف والمطر برطع مع الافعال أدخل علي التاريخ يغلب أجاويدك من قرقريب عوسك أخرج من التاريخ شيخك وعربيدك ولا نافعك التوبيخ فامشيه وحيدك وأمرق علي التاريخ تلقاه في السهلات مستني كمسيدك لابيظلم التاريخ ولا يرحم التاريخ إياه عوس إيدك والارض موقوت القنابل في الحدود والارض منهية الثعالب والطحالب والجيوش بااليوناميد واليوناميس والفرقة بينات القبايل والشتايم في المنصات والشراكة الفي المكايد والخناجر في الحناجر والمنابر أه من تلك المنابر أنداية كرتلة وبنابر والجرايد داقة طارات المدايد الصدق في الناس كذوب الساسة نيام العسل بين أنتباهة وغفلتين بين السلاطين والجيوش والشلاتين والقرايب فين حلايب? واللي بني الارض كان في الفرض سوداني عيني عليها أتمزعت حتة في قلبي وحتة في قصتي تاني أدي أسرائيل في النيل بكيني ولعبطني والنيل أدنداني أحنا حبايب في الطيبة والاه? غنيلي ورقصني طيب بس سمعني أه الاه وداني... أنقد السقا ومابنصلح وكايو وأنكشح اللبن مابنفعن بكايو بعدن في الدروب مابقصرن تكايو والشاكي النقاص ناقص قمح شكايو وأنالابجيب سيرة الجنوب ولا أكلوني أذا ما أكلو التور الابيض (الارض في الجزيرة) وبدر الله فوق سماهو ياساسا ياباسا حوتة مكوار حبس مياهو عطشت قبايل أبقوتة? البودة في خلاهو والارضة في بيوتا? الزول ربت كلاهو سمينة بي مقوتة ياتمت المعاهو أو خلصت الحدوتة وانا لابجيب سيرة الجنوب ولا أكلوني أذا ما أكلو التور الابيض بدر الله يا بسلوكة سلوكة الجزيرة كل يوم فينا بتنتش سكك الحديد بي كم? بي كم بيت المفتش? والبيع بيعة عدوكا بعت الارض باترابا?? باكر تبيع أبوكا وان مت من تخمة باكر ناس الشرق يبكوكا وناس الغرب يبكوكا وناس الشمال يبكوكا وناس الجنوب يبكوكا وانا لابجيب سيرة الجنوب ولاأكلوني أذا ما أكلو التور الابيض حمدتكم باالجاية والجاية فوق الجاية وعسكري الجباية قلبو الحجرللداية بشرتكم باالسادة والسادة بعد السادة وجرادة فوق جرادة من دوكة لام كدلادة حمدتكم باالواقعة والصاقعة جنب الصاقعة مقدودة ما لها راقعة والدمعة صابة وناقعة بشرتكم باالتوبة والصبنة لي الدامبوية في الحلة دي أم كدوية ماتقعدوا شدرة موية والارض لا حليوة ولاها دي الجزيرة الارض أمات الحنين لو نقط الضحاوي البريق في الحين تبتق شهوتن تحبل كما الامات وتشرق باالوحم لو تسعة الميلاد بتفرق في السنين أو دي الشوارع باالبنات متحينة ترسل تراتيل الخروج في يوم وتقطع سيرتن الارض تعريف الهديل هدل الحمام بشري وشوق السلام أنسان باالحيل بيعرف أنتن والارض شافت إلا خافت من عيون الليل تناجي حبيب غريب في الليل وتفرز غنوتن زي بذرة في جوف الارض أو ضحكة عند طرف القلب بتغني لو جات في العيون والضحكة لاقت مرقتن الارض منصوص الضمان حضن أمك الدافي وأمين ريحة حبيب جاني من شمت حبيبتي وكرفتن لو جاتا في يوم الهموم في الحين تزغرد فرحتين أو حرقصت فوقها السموم باكر تهبهب نسمتن والارض مابتعرف تنوم ترتاح وغابت جمتن بس تدي مدين للعديم باالمدة تحفظ ذمتن هن مارقات خلاهن ما مارقات براهن لي بصاص حداهن أو قصاص براهن هن مارقات تراهن تريانات تراهن الخوف ماحماهن من شوفة حماهن طمانات جناهن بي لبنا معاهن يوم الشينة جاهن باالعز المبطر والزوق الشفاهن لا حايدات مداهن لاقايدات عماهن وما كشحن بلاهن فوق زولأ أباهن لو الضيم ماهن هن ياهن وماهن وانا مابجيب سيرة الجنوب لاني زول باالمرة خايف الاشايف الاشايف الاشايف الاشايف أناشايف المطر يتجاشي الضهاري الراجية قولة خيرا واناشايف المطر يمشي علي الصحاري تلمو في بشكيرا وانا شايف العشم يتناسي العشامي ونيما ياكل نيرا واناشايف النفس تتذكر نفسها وتنسي يوم حديرا واناشايف البلد الطيب جناها وقمنا في شديرا شاحدك ياكريم لاتحصل خراب لا أرجي يوم وديرا

اااااااااااااه ثم ااااه على وطني الذي تم تدميرة من الكيزان هاولا اسوا مستعمرين مرو على السودان

ياخ ابداااع 😍😍 دي حفلة الابيض