وقت سيرتك يجيبوها اهلي كتير بيعزوها حليل العشرة ما بتهون على الناس البيعزوها حليلك انت ماك هين ولا ذكراك بينسوها و حلاة وصفك على لسانم معاها الزول يتوه .. توهة يطوف بي الخيال واحات محاسنك لما يحصوها تفر البسمة دون خاطري بخاف الناس يشوفوها بتتذكر وقت جيتنا و نور بالفرح بيتنا و رعشة كفك النديان حين مديته حييتنا كيف قابلنا بالاحضان حديثا بيهو سريتنا و بعد الحال محال تاني اصدق انه جافيتنا كل منانا و حياتك كتر من زياراتك لاننا في الجمر قاعدين من شوقنا لادياتك ارضي العشرة و الجيرة عوض لينا ما فاتك و نشكر ليك وقفاتك براك ما قلت بتزورنا كلمتك قايلها نسوها معاتبينك و ما هامين غير انك فورمة قصوها الجية البيقولوها اصابع الايد يعدوها لما قالوا فات الناس ليه هي ما كانوا عادوها
