علي يوسف الكربلائي ابوذيات 

ابوذيات
علي يوسف الكربلائي
الشاعر رزاق البو عسكر الحمزاوي
في حسينية الحوزة العلمية الزينبية
دمشق - السيدة زينب (ع) ليلة 1 محرم 1424 هـ 2003 م
(منحال)
بله حالي الحزن ومسيت ... من حال
وحبل رجواي من الشمل ... منحل
يذكرني شهر عاشور ... من حل
بكل نكبه الجرة بالطف عليه ...
(يولاه)
وحيد الحال ليش الدهر ... يولاه
وعليه خيل الدواهي العبت ... يولاه
تسمع نخوتي يحسين ... يو لاه
اسا مال الحمل ونگطع بيه ...
(لاميت)
جروحي خلافكم يكرام ... لاميت
وعله الدنيا چثير الروح ... لاميت
عله الندهت يخويه عدل ... لا ميت
ادركني گبل ميحيطون بيه ...
(عافه)
گلب زينب اشاف هموم ... عافه
ولا صدگ بيوم الحزن ... عافه
انچان الصبر علت ايوب ... عافه
لخت حسين وسدها المنية ...