مريومة و الأخوات نطلب منكم تدعيو لماما راهي مريضة في أمس الحاجة للدعاء ماعرفنا لمرض طبيب ولا سحر ادعيولها راه قلبي محروق يا خواتاتي و راني بعيدة فلغربة مانقدرش نروح ليها
انا ننصحك ختي عيطي لماماك وعمتك الكبيرة يهدرو معاها تخرج من عندك وتروح عند عمتك وهوما يحلوها وزيدي اهدري معاها بالعقل المهم تخرج من دارك في اسرع وقت ممكن
هاذ الاعراض ماشي تاع خلعة وحدها هذا وسواس قهري وجن عاشق والله نفس الاعراض لي كانو عندي سورتو ضيق التنفس والخبطة في المعدة والله شعور فضيع مانتمناهش لعدويا بصاح تبعت الرقية والاذكار وقراءة القرآن والحجامة وضرك والله رتحت الحمدلله
هدي لخلعة صراتلي عندها سنين كنت كي تتحرك حاجة خفيفة نموت منقدرش نمشي قع نحبس وركايبي يموتو عني وحاشاك لاسهال بطريقة غريبة بصح درت حجامة ودومت حلبة حب لحمد الله
لالا مريومة لعزيزة تروح تڨول لراجلها بشوية قال راني شاكة فيهم وحبيت نخرجها من حياتنا على خاطر مادام فيها بيبي راح تتكشف من رأيي راجلك يسمع منك خير على اساس شك برك ماوش كلش اعرفي كيفاه تقوليلو برك وربي معاك
يا صاحب القصة الثانية ربي يعطيك على قد قلبك انت انسان طيب في زمن قلت فيه الطيبة اي حاجة تديرها من الان فصاعدا انويها لوجه الله ربي يؤجرك عليها ربي يعطيك على قد نيتك ويبعد عليك ولاد الحرام
القصة الأخيرة انا نقول ديري روحك متعرفي والو خاطر كون تبينيلها بلي راكي عرفتي رايحا تخسري راجلك وعجوزك ويلوموك نتي يقولولك علبالك بلي عمتك خامجة ومخبية عليها وساترتها . بيني لعمتك بلي مراكيش باغيتها في دارك باش تهز روحها وترحل ودبر راسها في مصبتها هذي كيما يقولو لي ولدو يڨمطو ، هي خدعتكم كامل. وكون جا فيها الصلاح قعدت عند خوها متقعدش عند النسيب ياختي حتى انتي غلطتي لي جبتيها لدارك طمعتي في شهريتها بهدلت بيك
القصة الولى ديري الحجامة و الرقية و ربي يجيب الشفاء ان شاءالله و اشربي تيزانة تاع البابونج و النعناع و عشبة القديسين راهي مليحة بزاف بزاف و مع الصلاة و قرآءة القرأن
أنا ننصحك بفيتامين اوميغا 3 و كثري لها المكسرات و الأسماك و كاين نوع من العسل قالو لي عليه مفيد جدا للذاكرة بصح نسيته ...سقسي كاش واحد مختص في العسل يفيدك
ختي ديري حلبة مرحية في كاس ماء و اشربيه في هديك الدقيقة و لا كل يوم 7 حبات حلبة في كاس ماء ولا اكتبي فاليوتوب حنان الجزائرية الوصفة تاع الخلعة مليحة و ربي يجيبلكم الشفاء
مليحة الحلبة والحنة تغلي الماء وتحطي فيه الحلبة والحنة وتخليها مدة اربع ساعة وتشربي على الفراغ مدة شهر وتزيدي الديري الحجامة والمداومة على قراءة سورة البقرة يوميا برب انشاء الله ايجيب الشفاء
داومي على سورة البقرة ونقلك على وصفة نتمنى الي فيه الخلعة يجربه طيبي الحلبة والماء انتاها انقعي فيه الزبيب كل يوم كولي مغرف على الريق تاع داومت عليها عام والحمد لله تحسنت
يسموها panic attack ختي راني كيما نتي بصح أنا من الضغوطات و الغربة و التوحد تاع وليدي أنا دخلت لرياضة و ابتعاد من الناس و المشاكل راني ندير الZumba وليت نخمم على روحي نفسي ثم نفسي و الباقي à la poubelle
السلام عليكم الأخت مريم حبيت نفيدكم بخصوص الموضوع الأول لي حكات عليه الأخت هذا باختصار الخلعة بالمفهوم الشعبي أما بالمفهوم الطبي فهو نوبات الهلع وهو عبارة عن حالة نفسية عندها أعراض جسدية يعني هي تراكمات و ضغوطات نفسية قديمة سببتلك هذا المشكل لي أغلب أعراضو وسواس الموت انقطاع النفس أثناء النوم تنميل في اليدين و الرجلين الفشلة ارتفاع مفاجئ في دقات القلب ألم المعدة الجري أثناء النوم وكأنك هاربة من حاجة وووو المهم لي حابة تستفاد العلاج راه في الرقية بسورة البقرة الحجامة وأنصح كل واحدة مريضة تكتب علاج نوبات الهلع في اليوتيوب وراح تستفاد بزاف رجاءا❤❤❤ أدعيولي بالذرية الصالحة❤
صاحبة القصة الأولى أنا جاتني نفس حالتك وانا عمري 16عام وضك عمري 31 عام فالأول رايحة نهببل نفس حالتك الرهاب الخوف من الموت الوسواس كي نخرج برا نتخنڨ نولي نرعش رحت لبسيكولوڨ كليت دوا وريحت شوية بصح بقيت تحكمني الحل نتي طبيبة نفسك كي يجيوك هاذ الأفكار ڨولي راني نتوهم ضك تفوت أهدري مع روحك أنا يحبوني فترات نخاف حتى نخرج يحكمني رهاب من الغاشي والناس اني نحاول نتغلب عليها ونتعغيش معاها ونسي روحي الله يشفيك ويشفيني ويشفي جميع مرضى المسلمين
انا تاني مريضة بالخلعة درت كلش بصح الحاجة لي فادتني الحجامة في المنطقة لي تخبط والدلك بزيت الزيتون تاتي مفيد وتخلطي الحلبة بعد ماتغسليها وتشيحيها والعسل الحر وزيت زيتون مقدار متساوي تاكليهم الصباح على الفراغ وقبل الغدا وفليل قبل ماترقدي وكل 3 ايام تعاود الوصفة وربي يشفيني ويشفي جميع المرضى
صح ولله نفس الاعراض انا درت بيض عرب مع الكبرية شرشمي بيضة افتحيها على نص وديري فيها الكبرية كل صباح على لفراغ البيض يكون مشرشم مده سبع أيام انا جربتها نفعتني بزاف ربي يشافي كل مريض يارب
انا كانت عندي وضروك الحمد لله بصح بقاتلي حاجة خفيفة ممكن 5% داويت بالمغنيزيوم وكيتيل دواء يهدئ الاعصاب وثاني الاعشاب لي فدوني بزاف كل يوم مغرف حلبة وغرف حبة حلاوة ومغرف ينسون ومغرف نعناع في كاس كبير نتاع ماء سخون وغطيه ربع ساعة واشربيه باذن الله تفرج
لعلاج الخلعه انا كنت نروح عند وحده تدلك منطقة المعدة وتهبط للبطن وبعدها تديرلك حجامة فالمعدة الحمد لله هداك الوقت تحسنت مي كل مرة ترجعلي اذا جاتني صدمة تعاود ترجع
انا ثاني مريضة بالخلعة والالم في الراس و المفاصيل،و في عمري غير 40 والله نحس روحي عجوزة تع 80 سنة ،نهار نخرج والله نولي نترعد نهار قبل الخرجة حتى تحكمني لادياري حشاكم،و كي يطبطبلي واحد في الباب نولي نترعد وحدي وحدي
مريومة كي قاتلك اختك حطي الحلبة عند النجوم باش تدي طاقة النجوم كاين منها سمعت وحدة قناة رائعة فيها طاقة النجم وتأثيره على المخلوقات وجبدت الادلة من القرآن انحبك مريومة الغالية
أختي مريم القصة الأولى كلنا نعرف أنو الحلبة تعالج الخلعة ليس بالضرورة وضعها في الماء تحت النجوم حنا عادي نديروها فالما مدة ثلاثة أو أربع أيام ثم تشرب صباحا ومساءا. أيضا تعالج الخلعة بطريقة تقليدية توجد بعض العجائز تقوم بقطع الخلعة سقسي بلاك كاين فالمنطقة نتاعكم العجائز الي يخدمو هذا الخدمة وأيضا بطريقة عادية ليس فيها لا سحر ولا شعوذة. أما القصة الثانية إن كنت حقا مؤمنا فإن الله يقول إن الذي بينك وبينه عداوة كأنه ولي حميم لذلك نصيحتي أن تسامحهم وطبعا لن تعود صداقتكم كما كانت من قبل أي تبقى تتعامل معهم في إطار الواجب فقط. والقصة الثالثة هي يا أختي شوفي عمتك من الأحسن تولد وتمد الطفل لدار الأيتام دون أن يعرف زوجك وإذا لم ترضى وحبت الفضيحة ما عليكي غير أنك تحكي لراجلك وبرئي ذمتك تخرج هي من الدار ومتتحطمش حياتك وقاطعيها طول الحياة
والله انا تاني في عرستنا نھز نحط نغسل نسيق بلا ما نقارن مع بنات العيلة ولكن في عرسي يا وحدة مردة حتي ربع الي درتو غاطني الحال بصح قررت نخبي صحتي لداري علبالي قلبي والله ما يخليني
وعليكم السلام الله صلي وسلم وبارك على نبينا محمد عليه افضل الصلاة والسلام حنا مننساوش الجام وانت متنسايش كل يوم تحطينا فيديو ربي يجازيك كل خير ويحفضك ويخليك
اختي لعزيزة حت راجلي هو كيما هكا كون يصوني تيليفون يتخلع حت الهدرة ميقدرش يهدر حت راح عند عشاب عطاه دواء حبة السوداء قالو كل ليلة تشرب حربوشة مني شربها تقول كان يكذب تنحاتلو حمد الله
القصة الأولى تكثر من الإستغفار والصلاة على سيدنا محمد صلى الله عليه و سلم وقراءة سورة البقرة يوميا في صلاة الفجر صاحب القصة الثانية أقول له الله يهديك ضربتهم بالعين أنت لي لازم عليك تطلب السماح من رب العالمين أما صاحبة القصة الثالثة فيجب عليك أن تخبري أمك وتطرديها من بيتك قبل أن تخرب لك بيتك
خلعة رقيا وحجامة وعلاج قلون . مول نية يربح.زيد دير خير لاكن بلمعقول. كل صرتنا ولاكن نقلوا معليش في وجه ربي. بعض احيان كاين لي ميعرفش قدر خير. كمل بنيتك ربي يجزيك. ولاكن دير خير بالمعقول. مطيحش صحتك علي لي ميستهلش.
صح ماشي ساهلة انا حكمني منها الوسواس القهر ي صح اختي مرييومة كان عندي حاجة تمشيلي في راسي حتي درت الحجامة في راسي والله ماشي ساهلة والله ما تتمنينايها لعدوك صح دير مام الخباط تع القلب وكاين اختي مرييومة عشبة القدسين مليحة بزاف ىلوسواس القهري والخلعة وكاين عشبة الناردين هي غالية دير زوج ملاين مي ايفيكاس وبشفا عليك
انا ختي مريم جاتني كي مات بابا ربي يرحمو ولات تحكمني بالحمة باردا وسطر والخوف سوفريت بصح ضك الحمدو الله درت الحلبة فالما مرقي نشربو صبح على الريق و فالليل قبل ما نرقد مع المداومة على الاذكار و ضك الحمدو الله ريحت مع تلاوة القرآن والله عن تجربة
السلام عليكم... والله نفس الاعراض لي عندي، وفعلا قالولي خلعة... ما خليت زاش ندير كلش قالولي عليه درته من اطباء اعشاب رقية حجامة.... والحمد للله اتقربت للله وكلما دارتلي اكثر من الاستغفار.... شغل تصادقت مع مرضي ولحد الان وانا نعاني.
@@oumsafa2010 نعم انا اعطاني دبريتين، وقطاطر بصح بعد. موت امي تشجعت وتخلصت من الادوية ورجعتها ذكر، وتقرب الى الله من فوق خلعة موت امي ماكانش... خليتها على ربي.
صاحبة القصة الاولى والله جربتها وكرشي تولي مروية وثم ثم تحكمني دياري حاولي تشربي ماء مرقي وحطي يدك على هديك البلاصة واقراي سورة قريش سبع مرات وحاولي تحجمي تلقاي تحسن كبييييير واشربي الحلبة
