عمرو أديب يعلق على أزمة وزارة الصحة: الأكيد إن هناك تحقيقات فساد مع عاملين بالصحة.. 

الموضوع بدأ من يوم اللقاح المرمى فى الارض

وما خفي كان اعظم كل هايظهر ويبان

اللهم انتقم من كل فاسد

ماشاء الله احفظ مصر والمصريين

انا سعيد جدا أنه تم اكتشاف واقعه فساد ، فهذا يدل أن الزمن تغير والفاسد يحاسب وراح زمن النهب والسرقه بدون محاسبه ، الدول العظيمه تبنى هكذا .

الفساد تقريبا بكل حاجة تخص موظفي الدولة حتى المدارس عصابات كلهم

ربنا يحفظك يا مصر من شر الأشرار

يا أستاذ عمرو مفيش مسؤول بيتسجن...لكن فيه ناس تترمي من القطر عشان ثمن التذكرة

اللهم اظهر الحق

واتقوا يوما ترجعون فيه إلى الله ثم توفى كل نفس بما كسبت الله يغضب على الفاسدين .

اللهم اكشف لنا الفساد

حتى لو السيدة الوزيرة ملهاش دعوه بالكلام ده و لكن هى المسؤوله

الوزيره مسؤله مسئوليه كامله لان الفساد داخل موظفى مكتبها ومسؤلين كبار بالوزاره

ربنا ينتقم من كل من اخد مليم من فلوس ألناس الغلابه ويشفي كل مريض دون الحاجه لوزير او غفير

الشىء الايجابى أن مصر دولة مؤسسات بنتحترمها وبنحترم كمان الشفافية و دة ادلنا احساس بالأمان ونتمنى أن يكون دة فى كل المؤسسات وخصوصا التعليم ثم التعليم ثم التعليم

الفساد منتشر في أغلب الوزارات الصحه الزراعه التربيه والتعليم والمحليات الاحياء الدوله العميقه الموظفين القدماء تعودوا كده وربنا يصلح الحال وتنظف وزاره الصحه من الجيل القديم لجميع الإدارات

يعنى هى الصحة بس اللى فيها فساد البلد كلها فى اغلب مؤساستها فساد

يشهد علي ربي ان من اول ثانية سمعت خبر الوزيرة و انا عرفت ان في حاجة بالشكل ده هو السبب

يا ريت نركز على المسؤولين في المحليات ووزارة الداخلية

يا عمرو باشا شوف واسمع النواب الفتره اللى فاتت كانو بيقولوا ايه فى مجلس الشعب عن إهمال وزيره الصحه وبيطالبو بإنهاء فشلها وكلام حساس كتير وللاسف الحجر الداير ..بلاش مجامله

تسلم ياريس انشاء اللة تقدى على الفساد كلة فى كافة الهيات والمحافظات وخاصة المحليات

ربنا ينتقم من الفاسدبن ويرحمنا

وايه راي حضرتك في موضوع كروت التطعيمات إلى بتتوزع على الناس ومتكونش اتطعمت هل ده يجوز ده يسمى ايه ياأستاذ عمرو؟

معامله المرضي الغلابه في المستشفيات سيئه لان مفيش رقابه عليهم

َ "‏ علِّمني يَا الله ؛ كيفَ أصبُّ الهَمَّ في سَجدة ، كيفَ أتَّقِي شرَّ جهنَّم ولَو بشقِّ تَمرة ، كيفَ أُورِاي سَوأة قلبِي بِتوبةٍ صَادِقَة ، كيفَ أسلُك دَربًا تُحبُّه وأنفض عنْ جمُوع الهَالِكين .. كيفَ أُترجم حبُّك القاطِن بِداخِلي إلىٰ عَملٍ مُنتهاهُ جنَّتك .! " ْ🌸🌿

فيه فساد في المدارس الحكوميه وهي إجبار الاهالي علي دفع مبالغ لقبول أبنائهم للمدارس والمديرين بياخدوا المبالغ دي في جيوبهم للأسف

لو دورتو في باقي الوزارات هتلاقي نفس الموضوع

حقيقى احنا بنعيش عصر جديد لم نر مثله من محاربة الفساد ربنا يوفق السيد الرئيس ويارب يعينه حتى تتحرر مصرنا من الفساد

هي مسؤله ادبيا ان يحدث في وجودها وهي قاعدة طربوش بيستهبلوها .

الوزيره واخده رشوه سياره BMW7 رشوه واللقاح بيتهرب لأفريقيا والرشاوى على ودنه كل مكان ف البلد الرشوه فيه ومتحدده يقولك اخلص لك الموضوع ب ٢٠٠ جنيه كان زمان الموظف يفتح الدرج وتحط له أى مبلغ دلؤتى الموظف بيقول عايز كذا بمنتهى الوقاحه علشان تركب عداد كهرباء وقبل ما تدفع ثمنه إللى حيبعت لك على السايبر رسائل الدفع يطلب ٢٠٠ جنيه تيجى للى حياخد فلوس الممارسه المتأخره يقولك هات ٢٠٠ وتديله لإن لو مدفعتش حيدفعك مبلغ على كيفه وده حصل لى شخصيا ودفعت علشان اخلص موضوعى هل هذا عدل فى ناس مش قادره تدفع حق العداد حتدفع رشوه منين وعلى فكره المفروض انه عمل الموظفين إللى بيتقاضوا الرشوه نيجى للى بيركب العداد لازم ١٠٠.جنيه وايه السبب وده عمله بردوا يعنى بقت حاجه تأرف ومجبر اخاك لا بطل حسبنا الله ونعم الوكيل مفيش بإيدينا حاجه

ربنا يشفيها ويعافيها

الله المستعان

اذا كنا عايزين نبني جمهوريه جديده فعلا يبقي القضاء علي الفساد في جميع المجالات واولهم الصحه والرياضه

أشكر صدقك وأمانتك يااستاذ عمرو والخطوة دي جاءت متأخرة والافراد دي ليست كبش فداء لفساد وزارة الصحة إنما هم شركاء للوزيرة

لو تم القضاء علي الفساد المنتشر في جميع مؤسسات الدولة ستصبح مصر بحق دولة جديدة محترمة ... الفساد والرشوة هما العائق الأكبر امام تقدم الدولة .

ولسه الدور علي اتحاد الكورة ..الله ينور ياريس تسلم من كل شر .. عبد الفتاح السيسي بينضف بلدنا

على فكرة كل الوزارات فيها هم مايتلم وفيها فساد لا يعلمه إلا الله

هههههه يعني الفساد في قلب المكتب الوزيره والوزيرة ما تعرفش ربنا يفضح بتوع التأمين الصحي

خساره وزيرة الصحه انسانه ممتازه وشغاله كويس وتحملت كتير من مخاطر وتعب ربنا معاها ويفك كربها

كل الوزارات الحكومية تعج بالفساد والى الان مفيش قوانين رادعة تحمى اموال الشعب من الفاسدين واللصوص على مدار عشرات السنين مصر دايما منهوبة ومسروقة مصر ليست فقيرة ولكن بتتنهب بافترى وفجر من اهل الفساد كبار وصغار مفيش فايدة طالما مفيش صرامة وشدة وقوانين رادعة وفاضحة لاهل الفساد سيزداد ويتوغل كما حاصل فى كل الوزارات بدون استثناء . مفيش فايدة

مجرد الكشف علنيا عن قضيه مثل هذه شئ مبشر ورادع لفساد كتير في مؤسسات الدوله

حسبنا الله ونعم الوكيل في كل ظالم مفيش مسؤل بيتحاسب لكن الغلابه بس هما اللي بيتحاسبوا بس ربنا موجود الحكم العدل الحق موجود

ياريس نظف البلد وخلي بالك كل الوزارات فيها فساد ضد المواطن الشعب تعب من اللي بيحصل كله على الشعب حكومه كلها بتسرق وانت بتواجه لواحدك وزاره الكهربا بترول تنميه محليه كل حرامي

دوروا على الفساد المنتشر في مديريات الصحة الفرعية الفساد مستشري ويخوف وببجاحة ...كلمة السر في الدقهلية ودكرنس

اللهم لك الحمد وإليك المشتكى وأنت المستعان ولا حول ولا قوة الا بالله العلي العظيم

محاربة الفساد بالشكل ده شرف لمصر ويدل على أن مصر ان شاء الله حتوصل بسرعة لأن الفساد بيستنزف موارد الدول وبيضيع كل المجهودات

هناك ابتزاز فى مراكز لقاح المسافر بياخدو من كل واحد 300جنيه علشان ياخد الحقنه والله العظيم

يااستاذ عمرو المصيبة طالما فية واقعة رشوة وفساد تبقي خاصة بلقاح كورونا

الوزيرة هاله طيبه وعملت مجهود اتوقع كبير خلال ازمه كورونا ونتمنى لها الشفاء العاجل من الوعكه الصحيه🌹

حسبنا الله ونعم الوكيل

بس خلينا نقف لحظه إذا كانت هتتحاسب بتهمه الفساد او غيرها يبقي اللواء بتاع المحليات يتحاسب بردوا لأن فساد المحليات أدى لتاكل الرقعه الزراعيه ولا عشان لواء صعب

ياريت مراجعة اعمال شريف لاشين مسؤل عن الخدمه الفندقيه فى التامين الصحى الشامل

استاذ عمرو تفعيل ادارات المراقبة بالشركات والمؤسسات ومنحها كافة الصلاحيات والاستقلالية الكاملة.. مافيش رئيس شركة أو مدير مشتريات او مالية او عقود او ماشابه يستمر في شركة واحدة اكثر من ٣ سنوات.. الموضوع أسهل ما يكون وعوائده خيالية....

ننتظر التحقيقات ونبطل بقي نبش البشر كفاية بقي نميمة الاتهامات

الفساد في الصحه من زمان صح النوم

دوله تعيش في فساد لا اخر له .الله ينتقم من كل واحد اخد حاجه مش من حجه وجار علي حق غيره.طالما هناك فساد فلا تحلم بالعداله

دكتوره هاله محترمه وربنا يشفيها وحسبي الله ونعم الوكيل في المتتسبب لها في هذا الاذي الذي طالها هذا البلاء في ميزان حسناتها وربنا يشفيها ويظهر الحق إن شاء الله

مهى ان كانت تعلم فتلك مصيبة وان كانت لا تعلم فالمصيبة اعظم

حسبى الله ونعم الوكيل ربنا فضحها وابن خالتها مدير العلاج الحر ممكن يكون سبب في اهمال المستشفيات الحكومية

ان عدد كبير متهم دليل على ان الوزاره سداح مداح

يا استاذ عمرو ممكن تقولي ازاي موظف حكومي يتقطع مرتبه ويتاخر 3 او 4 شهور هو ده مش فساد في حد ذاته والوزيره طبعا مسئوله عنه

انا عمي اتوفى من كام يوم راح المستشفى من كتر ضغط العمل خف و طلع من العنايه و راح غرفة تاني بعدها اتصاب بالكرونهه و هو في المستشفى

كل الوزارات حراميه وعلى رأسهم وزيره الصحه روح شوف المستشفيات حسبي الله ونعم الوكيل

من سعاد الخولي لــ هاله زايد يا قلبي لا تفرح حتي الستات قلوبها بقت قويه وبتتحمل الفضائح زمن غريب والله

يعني وزيره الصحه فجأه جلها ازمه في نفس الوقت اللي اكتشفوا ان في فساد …… ياسلام

ياسيادة الاستاذ عمرو اديب ارجوك بلاش تطبيل بقى انت ايش عرفك أن الست الوزيرة بريءة ؟؟؟؟ 🇪🇬

وأقسم بالله لو عاوزيين بالإسم في الإدارة الصحية بدكرنس ...ومديرية الصحة بالدقهلية

شكرا استاذ عمرو نورت الشعب وبينت الحقيقة

الوزيرة الدكتورة هالة زايد من اعظم الشخصيات المحترمة وعملت بامانة واخلاص المشكلة في المسؤولين اللي سيادة الوزيرة وثقت فيهم وهم فاسدين

لو سمحتم لقاح جونسون غير موجود فى مراكز التطعيم بالغربيه فمتى يتم توزيعه. الناس تعبت وتاشيرات السفر هتروح عليهم

صعود مصر يعنى القضاء على الفساد

الله أكبر الحمد لله

عادل امام في عولم خفيه كشف فساد وزارة الصحة في مصر وانت معرض يا عمرو

الفساد فى مصر بقى للركب الله امال فين الرقابه الاداريه دى مش باينه خالص لاحس ولاخبر لعل المانع خير

😂😂😂طبعاً الموضوع لابد الكلام فبه بحرص. عشان مانزعلوش حد من الكبار...إنما لو موظف غلبان خد رشوة خمسة جنيه كان زمانك راكب فرسك ورافع سيفك وتقاتل قتال الأبطال والفرسان ...كنت فاكرك أشجع وأجدع من كدة

الرئيس السيسي بينظف البلد بس مش هي دي المشكلة ....المشكلة انه كيف للرئيس ان ينظف ضمير الناس؟ الناس في مصر عوزة صحيان للضمير والعمل الجد مش التزويج كل يوم من الشغل...الدول تتقدم بشعوبها. بسم الله الرحمن الرحيم (وقل اعملوا فسيري الله عملكم ورسوله والمؤمنون وستردون الي علم الغيب والشهادة فينبئكم بما كنتم تعملون)

الوزيره هاله زايد مسكت ٤ ملفات في الصحه يهدوا جبل فيروس س. وصحه المرآه. و١٠٠ مليون صحه. وملف الكورونا فكيف تكون ؟؟. الفساد في اداره الوزاره نفسها وكل مكان فيه فساد فعلا وعلي كلا المتهم بريء حتي تثبت ادانته ويعلم الله حتي تنتهي الجهات المختصه من التحقيقات واي ان كان سيتم معافبه المفسدين اي ان كانت مراكزهم. يارب يتم تشريع قانون للعلاقه بين الملاك والمستأجرين ويحذر علي الملاك طرد السكان من شققهم طالما مسددين الايجاو المستحق بدل الظلم الواقع علي ساكني الشقق بنظام الايجار الفديم وحسبنا الله ونعم الوكيل في كل مالك يتفنن في اخراج ساكن بالطرق الملتويه

مفيش مشكله إن حتي الوزيره يبقي ليها علاقه او ملهاش اهم حاجه نخلص من الفساد ويتعرف

ملهاش علاقة بواقعة فساد اذا هي اللي اكتشفت الفساد اما لو الواقعة مكتشفة بعيد عنها فهيكون علي الاقل مسؤلية عدم القدرة علي المسؤلية اللي عاوز الحق يتكلم بقلب جامد ياعموري

ربنا يشفيها يارب ويظهر حقيقة هذا الفساد وكل ظالم يأخذ حقه فى الدنيا وإذا لم يأخذ حقه في الدنيا يأخذه من الله عز وجل أنه القادر على كل شيء - يمهل ولا يهمل - يترك لك الحبل حتى تظن أنه وحاشا لله - أنه لايعلم وتفعل ماتريده ثم تفاجأ بضربات لعلك تستغفر وتتوب وإذا لم تفعل تأخذ حقك من الظلم الذى أوقعته على عباده ٠

الوزيره كانت مسؤوله في مستشفي ٥٧٣٥٧ وتخيل معايا التبرعات والفساد إللي ممكن يكون حصل فيها

بصرف النظر عن الوزيرة الناس اللي بتبقى ف مناصبها بالسنين فوق الخمسه دا سبب الفساد كله بيبقوا مافيا مهما اتغيرت الوزراء

ربنا يظهر الحقيقة

شخصية دكتوره هاله زايد من وجهة نظري وأدعي أنني افهم في البشر قدر إستطاعتي لا يمكن تكون متورطه في هذا الفساد الست دي شخصيه راقيه ومجتهده ونبيله لكن كل الوزارات قد يعيث فيها الفساد ويمكن اللي ساعد بعض قيادات الوزاره علي الفساد انشغال هاله زايد بالتصدي لتقليل أثر الجائحه علي الشعب المصري والله تعالي اعلي وأعلم

الناس لا تتناول كلام زياده وخلاص الناس عايزه تعرف الحقيقه وحجم الفساد

لاتستر فى الفساد ....النيابه المصريه نزيهه وهى السبيل الوحيد لاظهار الحقيقه.... البلد مشمستحمله حرميه...

الوزيره محترمه ربنا يشفيها وحسبى الله فى الفاسدون فى الارض

الفساد من زمان وكفايه منع التصوير عشان يخفو الفساد ال ف المستشفيات

حسبي الله ونعم الوكيل في المجالس الطبيه في مدينه نصر الحي السادس للسيارات المعواقين

أولا وزيرة الصحه يقال انها عندها ازمه قلبية وبدأت فى التعافي ثانيا موضوع عن مفيش أسرة كافيه فى العناية المركزة متعرفش حقيقته بس الاكيد ان فى تجارة بالبشر يعني المستشفيات الحكومية والجامعية بترفض تستقبل الحالات عشان سيادتك تروح مستشفي خاصه وتبيع فرشك عشان تغطي تكلفه المستشفي الخاص زى ما قولت قبل كده فى موضوع مصر المحبه ثالثا فى دواء مصري مستخرج من سم العقرب جارى العمل به لإنتاج دواء مكافح لفيروس كورونا #رأس الغول

هل المسئولين عن الفساد يتم احالتهم للتقاعد ولا بيرجعوا شغلهم ولا بيحصل معاهم إيه؟؟؟؟؟؟

ظنى ان هذه الوزيرة المحترمة بعيدة عن هذه التهمة الله يشفيها

تحيا مصر ورئيس مصر والشعب المصري والجيش المصري والشرطة المصرية

يا سيدي الفاضل ٩٩/٠ في المائة من قيادات الدولة وفي جميع الوزارات أتوا بعد دفع رشوة وذلك لانهم يعرفون كيف يتكسبون من اماكنهم حسبنا الله ونعم الوكيل يمهل ولا يهمل وربنا يعين الشرفاء من رجال الرقابة الإدارية ولك الله يا مصر .

أقوى مؤسسة في مصر! بمناسبة الفساد في وزارة الصحة..دي قصة حقيقية: في السنة اليتيمة اللي حكم فيها مرسي كنت أحد أعضاء الوفد التجاري الأمريكي اللي زار مصر واللي نظمته الغرفة التجارية الأمريكية..الزيارة دي سنوية وبتحصل من أيام مبارك..بس الفرق الوحيد إن في السنين العادية كان اللي بيمثل الشركات هوا المدير الإقليمي في الشرق الأوسط..انما في زيارة وفد سنة 2012 كان الوضع مختلف..كان أول مرة ييجي رئيس منتحب غير عسكري لمصر بعد ثورة كانت حديث العالم..وعشان كده اللي كان نازل بيمثل الشركات الأمريكية كانوا هما مديرين الشركات دي في أمريكا..مش مديري فرع الشرق الأوسط..لا..المعلمين الكبار هما اللي نزلوا بنفسهم يمثلوا شركاتهم عشان يشوفوا ايه مصر دي اللي 24 ساعة على السي ان ان بيتكلموا عن ميدان التحرير..وعشان كده كان معانا في الوفد ده ناس تقيلة جدا..أنت بتتكلم عن الصف الأول أو التاني أو الثالث بالكتير في شركات زي مايكروسوفت واتش بي واكسون موبيل وشركات بترول وشركات سلاح وطيران ..طبقة من البشر لا أعتقد هيتجمعوا في مكان مع بعض بالشكل ده مرة أخرى. يكفي أن تعرف أن كثيرا منهم كان نازل معاه طقم حراسة من شركة بلاك ووتر بيحموه. أنا كنت تقريبا الوحيد اللي نازل معاهم من أصول مصرية..وعشان كده بعض الأسماء الضخمة من الحيتان دول ضربوا معايا صداقة وقتية لأني بجاوب على أسئلتهم أثناء الرحلة عن مصر ومرسي والثورة واللي حصل في ميدان التحرير..لإن معظمهم كان أول مرة ينزل مصر في حياته.. المهم..كانت آن باترسون ساعتها السفيرة الأمريكية..والتقينا في بيتها ..وتم تقسيم الجروب لمجموعات حسب مجال الشركة..وكل شركة هتقابل الوزير اللي في مجالهم عشان يشيل العقبات ويفتح لهم المجال للاستثمار بدون روتين أو رشاوي.. يعني مثلا شركة اتصالات أمريكية كبيرة يروح الممثل مع السفيرة الأمريكية يقابلوا وزير الاتصالات..ويتشاف ايه العقبات اللي بتعوق الاستثمار..وبعد ما ممثل الشركة يروح أمريكا آن باترسون نفسها تتابع مع الملحق التجاري ان كل شئ تم تمام..وده أساسا للقضاء على الفساد والرشاوي اللي كانت مخليه الشركات الأمريكية واخده جنب..ولإن آن باترسون كانت راسمه إن تواجد اقتصاد أمريكي قوي في مصر الثورة هيضمن ان الثورة ما تنحرفش وتيقى زي ثورة إيران لإن اللي في الحكم سواء إسلامي أو يساري هيفضل محتاج شركات أمريكا تشغل الشعب وتنمى الاقتصاد..دي كانت وجهة نظهرها..وقالتهالي صراحة..وكانت متحمسة جدا للوفد وبتمشي معانا خطوة خطوة.. حلو كده؟ لا مش حلو..لإن الفساد في مصر أقوى من أمريكا نفسها! خليني أكمل لك الحكاية...تاني يوم كان المفروض نروح نقابل وزير الصحة الجديد اللي عينه مرسي..اتقابلنا في السفارة وركبنا أتوبيس وقدامنا وورانا مصفحات شرطة بتحمي الوفد والطرق كلها وقفت للموكب..الأتوبيس ده كان فيه معلمين كبار بيمثلوا أكبر شركات في العالم وكان معانا في الأتوبيس الحاجة آن باترسون بنفسها وكل كبارات السفارة..وقبلها قعدت معانا الست الملحقة التجارية كتبت لسته بالعقبات اللي بتواجه كل شركة أمريكية مع وزارة الصحة..ولا عجب أن العقبة الأساسية لكل شركة كبيرة كانت انه بيطلب منهم رشاوي بالملايين..والشركات الأمريكية مش عارفة تشتغل عشان مش عارفين يحطوا الرشاوي دي في أي بند في الميزانية (بس كانوا بيدفعوا الرشاوي الصغيرة وبيمشوا أمورهم) المهم..في الأتوبيس تعرفت على راس كبيرة جدا بيمثل شركة من أشهر شركات المشروبات في العالم (مش هاقدر أقول اسمها لأسباب معروفة)..الراجل كان معاه المدير الإقليمي وفتحوا الموضوع قدامي..عندهم عين ميه عاوزين يطلعوا منها ميه معدنية..بس الموضوع بيحتاج تصريح من وزارة الصحة..وفيه أربع وكلاء في الوزارة طالبين منهم عشرات الملايين من الدولارات رشوة (مش الرشاوي العادية اللي بيدفعوها عادي). الست الملحق التجاري قالت ما تقلقوش..احنا هنتكلم مع الوزير شخصيا واحنا أكدنا على هشام قنديل. طيب..تخيل انك وزير صحة..وجايلك وفد أمريكي يمثل أكبر شركات في العالم ومعاهم السفيرة الأمريكية ..تعمل ايه؟ أكيد هتكون حاضر ومستني على الباب..صح؟ لا طبعا..وصلنا لقينا الوزير سافر الصبح عشان عنده مؤتمر في أوروبا!!! طبعا عرفنا بعديها إن وكلاء الوزارة الفاسدين سرحوا الوزير الغلبان وماقلوش ليه أساسا على الميعاد وسربوه بره البلد لغاية ما الوفد الأمريكي والسفيرة الأمريكية نفسها يرجعوا قفاهم يقمر عيش ويضطروا يتعاملوا مع نفس وكلاء الوزارة الفاسدين اللي طالبين رشاوي عشان أي شركة كبيرة تشتغل. الراجل بتاع الشركة العالمية لما عرف إن الوزير مسافر وإننا هنقابل نفس المرتشين قالي شكلنا هندفع! وطبعا مافيش شركة واحدة قدرت تخلص أي مصلحة من غير رشاوي رغم إننا كنا لسه مقابلين رئيس الجمهورية نفسه ورئيس الوزرا في القصر الرئاسي ورغم إن معانا السفيرة الأمريكية ولكن الفساد في وزارة الصحة أقوى من الثورة وأقوى من مرسي وأقوى من شركات أمريكا وأقوى من آن باترسون السفيرة الأمريكية. لما كنت طالب في كلية الطب في مصر كنت لما أسمع عن الفساد كنت افتكر موظف بياخد رشوة علبة سجاير وهوا خايف ومداري..بس تجربتي مع زيارة الوفد التجاري في 2012 خلاني أعرف يعني ايه فساد بجد..وقد ايه الفساد ده معشش وجدوره واصلة من المدير للغفير وبجح ويندب في عينه رصاصة.. الفساد هو أقوى وأعرق مؤسسة في مصر..ومحدش بيوصل في المنظومة الوسخة دي إلا إذا كان مرتشي زيهم... حاجة عار..ناس بيقودوا الاقتصاد العالمي كانوا نازلين ونفسهم ياخدوا صورة في ميدان التحرير وشايفين المصريين شعب متحضر ثار على الفساد..ورجعوا قفاهم يقمر عيش وهما بيتفقوا هيحطوا الرشاوي اللي هيدفعوها تحت بند ايه في البلد اللي هتفضل فاسدة حتى بعد الثورة..والله اتكسفت أكلم الناس دول تاني..وقرفت ودي كانت آخر مرة أزور فيها مصر. الصورة مع السفيرة الأمريكية آن باترسون في بيت السفير في القاهرة - سبتمبر 2012 #سراية_المجانين

ايه الجديد يعني مصر فيها مظاهر تدين و نسبه فساد و تحرش كبيره

سبحان الله بحمده سبحان الله العظيم

مجهود مشكور مقاومة ومكافحة الفساد من اهم انجازات وتحركات الرئيس والحكومه لأن الفاسد يعطل بفساده الانجاز وان تخفى وسط المجتهدين والمخلصين والله يعين كل من كان فى قلبه نيه صادقه للصلاح واولهم الريس 👍👍👍👍👍👍

الفساد طال كل شيء والاعلام اكثر فسادا

مجرد اتهام وزيرة الصحة بالفساد أصابني بصدمة عميقة بالمجتمع ككل.