اذا طلعت مشوار اول ماتبدا بسم الله توكلنا على الله ولاحول ولا قوة الا بالله ثانيا توقع دائماً ان تصادف انواع الحالات في الطريق خلك حذّر وطويل بال وهادي جدا
شكرا ع ايش ترى المرور مخالف المفروض مايطرد طيب سبب حادث المرور او صدم في احد او الي ينطرد صدم احد منهو المسؤل وعلشان ايش تظليل ولا فحط وسبب وفيات علشان مخالفه تافه
عندنا وعندكم خير الرياض كبيرة ويمكن تشوف كم عسكري مخالف لكن البلا لاصرت في محافظة والمرور متشدد على اشياء تافهه والعساكر ذولي نفسهم سياراتهم الخاصة مظللة واذا فك استلام طلع يجربع في العالم وموتره اشبه منه مافيه
طيب لو ما بيتجاوز من اليمين كيف بيطارد المطلوبين بيقعد ينتظر اللي قدامه يوخر بس عشان م يتجاوز من اليمين؟؟ ولو م ضلل السياره ما راح يكون اسمه مرور سري عشان لو السياره مو مضلله المارّه راح يشوفون لبسه ويعرفون انه مرور!! ولو ما مسك الجوال (أو بالأحرى الجهاز اللي في يده) "أي يعتبر مو جوال" كيف راح يكلم العمليات والدوريات الاخرى اللي قدامه ويبلغهم بالمستجدات؟؟ ولو ربط الحزام ممكن ان الحزام يعيق حركة رجل المرور من الركوب والنزول من السياره في حال لا سمح الله صار اي شي!! وبس والله اتمنى انك فهمت عليا...💁🏼👍
الله يحفظكم وعساكم على القوه ويحفظ المسلمين من تهور بعض السائقين ولولا الله ثم الدوريات السريه والمرور وامن الطرق والدوريات الامنيه بانواعها ما كان احد طبق القوانين والأنضمه في سير الطرقات ما بعد ٢٠٠ الا لحم مفروم الا من رحم الله وانجاه كم ارواح وعوائل واسر كامله زهقت في الطرقات واسبابها السرعه والتهور‼️
الله يعطيكم العافيه ويقويكم اتمنى التشديد على أصحاب سيارات كيا كادينزا وسوناتا والكامري نسبة منهم يمشي بدون لوحات وتضليل وسرعات جنونية واستهتار بأرواح وسلامة الآخرين خصوصا شرق الرياض ونتمنى إنزال أشد العقوبات فيهم
نفسي اعرف ايش المشكلة اذا احد ظلل السيارة لا تقولي شبها او شي اذا مشبه وقفه و فتشه ما شوفت منه شي مشيه اما انك توقفه و تخليه يشيل التظليل و فوقها كمان مخالفة سلامات طيب اذا النظام علينا ليش ما يطبق عليهم
وانا مثله ..واخس .. والله الين قطع رزقي واحد رائد .وانا فيني كل شيء حتى بعد الكشف حتى الدكاترة يسالهم فيه شئ شك كذا وكل الدكاترة يقولون تمام حشروه حسبي الله ونعم الوكيل عليهم والله لو واحد يشوف واسطة دفع وكذا يجي خاص واكون له من الشاكرين
اعتبر أمثال هؤلاء وخاصة الذي اخر المقطع هم بمثابة ( إرهابي سكران ) في اي لحظة سيقضي على أبرياء سرعة جنونية + حالة سكر + عدم لوحات = السيف الاملح الله يعز رجال الأمن الشرفاء ❤️
طيب وش وضع المسار اليسار السريع 120 وسياره تمشي 80 وماقدامه احد والشارع فاضي .. واكبس له مايفتح الخط والوسط نفس الحكايه سرعه 80 اكبس لهم واضرب بواري مايفتحون الخط .. انا مضطر اتعداهم من الخط اليمين او اصدمه وادفه ياسعود الشيباني علم اخوياك العسكر يرصدون السيارات اللي تعطل الخط السريع على سرعات منخفضه والطريق فاضي والسيارات اللي ماتفتح خط مخالفه عدم اعطاء الافضليه .. فعلوا مخالفه عدم اعطاء الافضليه .. اللي عانى مثل معاناتي يعطيني لايك
اتمنى يطبق النظام بحق كل متذاكي على النظام والناس .. تمسك سرا نظامي اعصابك تنحرق يجيك اجنبي يسوق سيكل بديرته ويخطم عليك غصب ويعطل اللاين علشان طال عمره مستعجل💪🏽 ولو تصدمه انت اللي بتتبهذل تنتظر نجم تقدر سيارتك تراجع مرور لين يجيك التعويض وتدور ورشه تصلح سيارتك وتستاجر وتستاذن من عملك للاسف النظام يعاقب صاحب الحق والجاني مادرا عنك يدفع تامين كل سنه ويتبلا المسلمين ومريح للاخر
لابد من مراجعة للنظام كل يوم على هالحاله معناتها ماحد يرتدع السرعه لابد احالتها للمحكمه وتوجيه تهمة القتل العمد وخروج المرور من هوضوع السرعه السرعه والتفحيط لابد ان تخرج من لائحة المخالفات المرورية ليست مخالفة بل جنايات نريد عقوبات تجعل الحثابه ترتدع
المفروض أنك تقول : الفضل يعود لله ثم لرجال المرور ، فلولا الله ما قدروا يسوون شيء أنت قلتها في المرة الثانية ، فجزاك الله خيراً لكن في المرة الأولى وفي مقطع ثاني سمعتك تقول : الفضل يعود لرجال المرور الله يوفقكم لما يحب ويرضى
ياخي كيف ذولي يمشون بدون لوحات هذي تعتبر جريمه جنائيه في دول العالم كلها ؟؟ روح امريكا واوروبا مستحيل تشوف سياره بدون لوحات ياخي ذا الهمج متى يتأدبون الله يهديهم بس
نتمنى يكون هناك نظام بالمرور اسمه فن القياده لاتجي بشارع سرعته ١٤٠ وتمشي فيه ٨٠ هذا الشئ نعاني منه خاصه من الاجانب ياخي ماتبي تمشي ١٤٠ امسك المسار الأيمن والله انها أصبحت ضرورة تطبيق نظام فن القياده
والمشكله المرور يقولون مخالف ومتجاوز من يمين بالله يا متابعين ارجعوا للمقطع وشوفوا المرور كيف يمر بين سيارتين على سرعه بدون مراعاة وبدون اهتمام في سلامة المواطن بالله هذا وش نسميه يعني خلاص فيه دوريات فالامام هي تتصرف من دون ما تسرع وتخطف بين السيارات واكثر تجاوزاتكم من اليمين ؟؟؟ اي نظام هذا ؟
دقيقه من وقتك♡︎♥︎ ✔︎ سبحان الله .♡︎ ✔︎ الحمدلله .♡︎ ✔︎ الله اكبر .♡︎ ✔︎ استغفر الله .♡︎ ✔︎ لااله إلا الله .♡︎ ✔︎ لاحول ولا قوه الابالله .♡︎ ✔︎ سبحان الله وبحمده .♡︎ ✔︎ سبحان الله العظيم .♡︎ ✔︎ لاإله الا انت سبحانك اني كنت من الظالمين .♡︎ ✔︎ حسبي الله لااله الا هو عليه توكلت وهو رب العرش العظيم .♡︎ ✔︎ اللهم صل وسلم على نبينا محمد .♡︎ ✔︎ سبحان الله وبحمده عدد خلقه ورضا نفسه وزنه عرشه ومداد كلماته .♡︎ ✔︎اللهم صل وسلم وبارك على سيدنا وشفيعنا ورسولنا الكريم صلى الله عليه وعلى آله اجمعين 𑁍 اللهم انت ربي لاإله الا انت خلقتني وانا عبدك وانا على عهدك ووعدك مااستطعت اعوذ بك من شر ما صنعت ابوء لك بنعمتك علي وابوء لك بذنبي فاغفر لي فانه لا يغفر الذنوب إلا أنت
