هو المفروض ما تحطيش الجبنه في زلعه مكان العسل لان بتكون شاربه عسل جامد خليها منقوعه وغيري الميه عليها لغايه لما تلاقيها فضت كل العسل وبعد كده حطيها في الشمس تنشف كويس لمده ثلاث او اربع ايام وبعد كده وداكيها بالزيت وجربي تحطي فيها الجبنه لو رشحت هتضطري تشتري زلعه جديده علشان ما تبوظش المش
وعليكم السلام ورحمه الله وبركاته هاتى كيلو زبده فلاخى وسيحيها على النار يعني قدحي الزبده وصف الزبده طبعا بتكوني حاطه في الزبده شويه ملح عند التسييح بعد ما تصفي الزبده بيطلع عندك المرته بتاخذي المرته وتحطيها على النار وتضيفي عليها شويه ميه وتغليها كويس جدا وتضبطي الملح بتاعها وبعد ما تغليها كويس وهي لسه سخنه اهرسي فيها شويه لبن رايب ونعميهم كويس فيها وقلبي الخليط ده كويس جدا بحيث لما تحطي اللبن والميه ما تزوديش عشان لون المرته ما يفتحش قوي منك وحطي فلفل احمر وقشر استفندي بس ما تكثريش وحطيهم في برطمان ونزلي معاهم الجبنه كل ما تاخذي جبنه وتحطي المش هيزيد معك لان الجبنه لما بتحطيها بيكون فيها هري بينزل في المش مره في مره المشي بيزيد معك
بس على فكره البلاص اللي بيتعمل بالاسمنت ده بيكون في الاول ما بيرشحش بس بيكون قديم عندك وانت محتفظه بيه وبيخلي الجبنه كويسه وبيبدا يتاكل من جسمه من بره فانت بتعمليه بالاسمنت علشان تحافظي عليه الاسمنت ما بيشيلش رشحان اللي بيرشح بيفضل يرشح المفروض لو هو جديد من الاول توديكيه كويس جدا علشان الرشح التوديك للرشح اما الاسمنت بيقوي جدار البلاص من بره اللي بيكون عندك من زمان
السلام عليكم ورحمه الله وبركاته من فضلك من سنة جبت بلاص جديد ودكته بلبن رايب وعسل اسود وحرقته في الفرن وليسته بأسمنت صافى من غير رمل وبعدين حطيت فيه المش رشح بعد فترة فضى المش خالص أعمل ايه ممكن يتعالج ولا لأ
طريقه المش بتجيبي مورته كميه مرته كويسه وبعدين تحطيها على النار وتخفيها بميه او لبن وممكن تحطي ميه ولبن مع بعض اهم حاجه لازم تغليهم في المرته كويس على النار وبعد ما تبرد هاتي لبن رايب واهرسيه او نعميه بيدك في المرته مع الميه واللبن علشان تثقلي قوام المش وبعد كده صفيه حط في المش فلفل احمر بس ما تكثريش وقشر استفندي وبرده ما تكثريش وضبطي الملح بتاعك وبعد كده حطي المش في البلاص وحطي فيه الجبنه كل ما الجبنه تحدق المش بتاعك هيدور ويشتغل ويكون اجمل من بتاعي ولما الجبنه تحدق كويس وعايزه تزودي المش يهرسي حتتين ثلاثه جبنه ناعمهم كويس في المش هيثقل معك المش وتخفيه بلبن مغلي لقيته لونه افتح بعد ما خفتيه حطيه فلفل احمر وخشري استفندي وما تكثريش
لا لو عملتي والجبنه فيه ملوحه الجبنه هتفك الاسمنت لازم تفضى المش منه ويتغسل كويس جدا ويتنقع في الميه علشان يطلع الملوحه اللي في جسمه وينشف كويس وبعد كده اعمليه باسمنت
كان لازم توديكيه الاول قبل ما تحط المش شيل المش منه بسرعه علشان هيفضل يرشح لما تبص تلاقي المش بتاعك نشف وجربي توديكيه وحطي المش ثاني لو رشح المفروض تحطيه في بلاصتي
بصي انت كده كده اشتريتيه بس الافضل البلاص الابيض حاولي توديكيه زي انا ما قلت في الفيديو وحط فيه المش من غير الجبنه وشوفي هيرشح ولا لا لو رشح فض الجبنه وغلفيه من بره بالاسمنت بحبه رمل صغيرين يعني اسمنت كتير وحبه رمل صغيرين وقليب البلاصي وغلفيه من بره كله وسيبيه ينشف وحط فيه الجبنه وشوفي هيرشح ولا لا
هو لازم الرايب يتخن في الجبنه لما بتخففي بتخففي بلبن مغلي وتسيبيه يبرد يعني اغلي لبن وسيبيه يبرد كويس وبعد كده خففي بيه ولو فتح اللون معاكي حطي مورته وقرن او اثنين فلفل احمر وقشره السفنديه بس ما تكتريش قشر السفندي قشر واحده او اثنين علشان ما يمررش المش
المفروض ما نستخدمش البلاص اللي مكان العسل للمش بس لو البلاصي موجود عندك تغسليه كويس جدا من العسل وبعدين تنقعيه في ميه لمده يوم او اثنين علشان يطلع السكريات اللي امتصها وبعدين تسيبيه ينشف في الشمس لمده اسبوع وبعد كده وداكيه بالزيت وسيبيه ينشف في الشمس وحط فيه المش بس ما تحطيش المش كله حطي شويه وشوفي هيرشح ولا لا لو ما رشحش حط المش الباقي والجبنه
المش بتاعى لونه فاتح ومش معتق اعمله اى علشان يبقى طعمه حلو والجبنه فيه تبقى زبده بتبقى ناشفه ومهما تطول فيه بتبقى من جوه زى طعم الجنه القريش العاديه نا بغلف الجبنه بملح وشطه وانشفها كام يوم قبل ما احطها فى المش والمش عملاها من تلت سنين اعمله اى يخلي طعمه حلو
اول حاجه لو المش بتاعك ثقيل خفافينه علشان المش الثقيل بيغلف الجبنه من بره تحدق وجوه تفضل بيضه اما المش الخفيف بيخش جوه الجبنه جوه وتلاقيها لونها من بره زي من جوه ثاني حاجه حطي في المش كم قرن فلفل احمر نظفيهم كويس وقطعيهم وسيبيهم في المش وحط فيه قشر استفندي اغسليه كويس بس ما تكثريش ولو عايزه تخففي المش اغلي لبن وسيبيه يبرد وحطيه في المش
اول حاجه في علاج الدود لما تحط الجبنه في البلاصي لازم الجبنه تكون مشروشه كويس جدا يعني نزلت كل الشرش اللي فيها واثناء شرش الجبنه غطيها كويس جدا ما يجيش عليها اي حشرات زي الدبان لان ده لو وقف عليها بيعمل دود في المش ثاني حاجه انك تقفلي البلاصه كويس جدا ما يدخلوش اي هوا طول ما البلاصي مقفول محكم ما بتخلوش اي هوا استحاله يكون في دود لان الدود كائن بيتنفس طول ما فيش نفس داخل للبلاصي استحاله يكون موجود في دود
صح هو المراته لو فيها سمنه لازم تربط على الوش بعد كده اخرجى المراته يعنى قبل متحطى المرته فى البلاصى ضيفى عليها نصف كوب ماء وقلبيها وحطيها على نار هاديه مع التقليب حتى السوى بطلعلك كل السمنه صفيها وبعدين ضيفى شويه ماء ودوبى المرته فيها على النار وسبيها تبرد وحطيها على المش ولو مفيش خميره اهرسى فيه حتتين جبنه حادقه
على فكره ممكن يكون مشرخ من جوه بس ما بيرشحش الشرخ مش واصل للاخر بتلاقي الشروخ بسيطه كده وممكن يكون مشرخ بس بيرشح لو بيرشح فالافضل انك تجيبي واحد ثاني اما لو ما بيرجعش عادي حط فيه بس الشرخ بتاعه ما بيكونش بيسمع لبره
بصي هي الحلبه والترمس اكتر حاجه بتمرر المش تمام واللي يقول لك في حاجه بتشيل مراره المش يبقى كذاب لان دي حاجه المراره اتوجدت فيها انت بقى هتعملي ايه لو المش بتاعك تقيل هتخففيه شويه هتخففيه ازاي هتغلي لبن وتسيبيه يبرد كويس جدا وبعدين تزودي على المش وتجيبي مورته وتزوديها شويه ميه وتغليها على النار وتسيبيها تبرد وزودي المش وحطي في المش قرنين ثلاثه فلفل احمر اغسليهم كويس ونظفي كل اللي في قلبهم وحطيهم وسيبيهم يدوبوا في المش ده هيقلل المراره شويه وكل ما تشيلي منه جبنه وتحطي جبنه ثاني هتحس ان المراره
ما بقتش موجوده وبعد كده ما تحطيش في المش ولا ترمس ولا حلبه ولا عسل اسمر لان بيغير لون المش وبيخليه لونه مش كويس خالص المش بيتحط له قشر استفندي بس ما بتكتريش عشان ما يمررش وفلفل احمر
ظبطى ملح المش ولو المش بتاعك ثقيل خففيه بلبن مغلي وسيبيه يبرد وبعدين حطيه على المش اما اما لو المش بتاعك خفيف فهاتي لبن رايب ونعميك كويس بيدك وحطيه على المش وحطي عليه فلفل احمر بس مش كثير وقشر استفندي برده بس مش كثير هيضبط لون المش معك
بس عشان الاسمنت يمسك معك فضي الجبنه والمش من البلاصي واغسليه كويس جدا من اعيل مده يوم في الميه عشان يطلع اي املاح امتصها وبعدين اغسليه كويس وسيبيه ينشف وبعد كده اعمليه باسمنت على رمل بسيط وسيبيه ينشف وبعد كده حط فيه الجبنه
المفروض المش ما تحطلوش عسل المش تحطي له مورته بس بدال حطيتي عسل اغلي شويه لبن وسيبيهم يبردوا كويس وضيفيهم على المش وهاتي فلفل احمر اغسليه كويس مش كثير حوالي اثنين او ثلاث قرون وحطيهم في المش وافتحيه وطلعي اللي في قلبه علشان انت هتسيبيه دوب في المش وحطي قشره قشره او اثنين استفني وسيبيه مع بعضه لون المش هيتغير وطبيعي كل ما تشيلي جبنه بالمش وتحط جبنه ثانيه هتحس ان اللون فتح معاكي ساعتها تحطي مرته افضل من العسل
انا عندي البلاص الجبنه بتبق نشفه فيه مع المش والجبنة لزقه في بعضها ملحوظه الزلعه اول مع عملت الجبنه فيها كانت جديده محطتش ليها اي اضافات خالص بس كانت بتنطر المش هي دلوقت قدمت وملحت من بره اعمل اي ليها علشان احد فيها تاني وتبق جبنه طريه جواها وفيها مش ارجو الرد لو سمحتي بسرعه
اغسلي الزلعه كويس جدا من بره ومن جوه واقلبيها في الشمس اللي مده ثلاث ايام تنشف وبعدين هاتي رمل على اسمنت وخل الاسمنت في زياده شويه وغلفي الزلعه من بره لغايه نصفها من تحت لغايه نصفها بطبقه سميكه وسيبيها تنشف كويس وبعدين حطي فيها المش وخليه مش خفيف علشان المش الثقيل هو اللي بيخلي الجبنه تلزق في بعضها وما بيحدقش الجبنه بسرعه وبتكون ناشفه وحطي معه فلفل احمر بس مش كثير ولو في قشر السفندي حطي برده بس مش كثير واضبطي الملح بتاع الجبنه وان شاء الله هتكون ممتازه معك
لو سمحت انا جبت ولعه من بتوع العسل وقلي حطي فيه المش علي طول وحطيطه وبعد كام يوم الزراعه نقصت ورشحت بتاع اسود ولقيت المش تقل جيدا من شهر ياريت لو سمحت تقولي اعمل ايه ضروري عشان مش عارفه
حذاري من هذي الطريقه الشنيعه الي تسبب افتك الامراض الفخار الطين الخالص مثل جسم الانسان يتنفس .. اذا الفخار ما يرشح ماء معناته مخلوط بأسمنت او جبس فوائد وضع الماء في الفخار بيأخذ اكسيجن كثير راح يصير الماء قلوي .. الطريقه الموضحه في الفديو لا تتبعها لاننها خطر وتجمع البكتيريا القاتله في القله