أول مرة نشوف برنامج ليبي ونسمع اللهجة الليبية مليح صح من زدت وانا نحب ليبيا بصح ما كنتش نعرف عليها اي حاجة كان حب بالفطرة لانوا نحس بلي حنا وليبيا ديما سند البعض و ذرك اكتشفت أنهم ناس بزاف طيبين و نسائهم شابات ومحتشمات تبارك الله عليكم خلاوني نتمنى نزور ليبيا 🇱🇾❤🇩🇿
@@FARA__2010 عيب و حرام الاختلاط و مافيش وحدة لابسة لبس يرضي الله و بعدين مستحيل نتفرج عالعفن ، أنا متابع للقناة و أكيد اليوتيوب يقترح برامجها الراجل الصح بعد يختار بنت للزواج ، أكيد يختارها متربية على دينها مش تربية قنوات و وسائل تواصل
انا حابه نشكر الشيف لانه والله والله ماتعلمت التنظيم الا منه انا نضافه لاكن وقت انطيب لازم نحوس ووالله ما اسقمت الا لما شبحت الشيف كيف يحفز ع التنظيم اول ب اول وغسل لمواعين اول ب اول وحرفيا تنضمت مشاء الله❤
لتوضيح احني فزليتن انديروها انزيتوها شوي وبعدها تبوخ شوي زي مقالت عبير وبعدها نسقوها ب اميه ومرا مع مره وطبيخه تكون ع نار هاديه باش متنزحش والشعيريه قاعده نيه وبعد نعرفو الشعيريه خلاص شبه طايبه نسقوها ب الطبيخه باش تاخد لون ونسقوها بلبصله وصحه ❤
عجبتني الضيفة والله 😊تهبل حرفيا ليبيات عطوني انستجرامها او اي صفحة لها نتبعها واماني والله تستاهل كل الحب والتقدير لهت ان شاء الله ياارب يكون اللقب لها🙏🏻✨🫶🏻🇩🇿🇱🇾
نعطيكم معلومة انك ادهنيها بالزيت واتبوخيها بعدين تحت المية المسقعة نين توصل فيها كلها بعدين نبوخها وما انخافوش منها لما تبوخ تلقي منظرها صعب معجنة في بعض بعدين فككيها بالشوي وديريلها دهان تولي كويسة
مصراتة نطيبو فيها في المناسبات ديما و في حوشنا ضروري في جدول كل اسبوع موجودة الشعيرية المبوخة بس الفنانة عبير علمتني تكنيك كيف نخفف الدهن لانه تجي مني مدهنة ربي يوفقكم كلكم❤❤❤
المفرووض يكونو حازمين اكثر مع المتسابقات معقولة مش عارفات يديرن اكلة تقليدية ...يمنعو الغش والمساعدات كل وحدة تعتمد ع نفسها عندهن المقادير وطريقة التحضير
وربي افضل شي بالحلقة كان الاستاذة عبير بشرى صح انها خسرت لكن شرفت الشرق بمساعدتها لكل المتسابقات هي واستاذة عزيزة سلمى واختها عفويات ولطيفات انشالله بالتوفيق ل سلمى مبارك ل أماني نتمنالها كل خير ع اجتهادها وسماح تصرفاتها عفوية وطيبة
@@FafaMW-ne5eg اعرف ذا الشي، وانا ماكنت اقصد هيك احكي ع انها قالت الاكلة اغلبيتها يعملوا فيها الشرق وانا الشرقاوية جبت اضعف درجة وهيك، وانا احكي ع انها هي لما صارت تحكي عن الشرق وانها خيبت ضن الشرق، لذا قلت انو بالعكس هي شرفت الشرق بمساعدتها للبنات الاخريات، واعرف ان ليبيا وحدة مافي فرق بين الشرق والغرب الكل واحد
@@tomie3803 اي خلاص اني ندوي علي مستغربين في اماني اماني طرابلسية ومن سكان طرابلس منين بتعرفها !!! لا عمره درناها في مناسبات ولا حتى في حياشنا مع ان امي متعلمتها من قداش سنة لكن مش اكلة متعارف عليها عندنا للامانة
@@tomie3803ياستر حسيتكم متحسسين بكل يا الغرابه عادي رآه وبعدين الشيف بروحه قال شرقاويه ونا اول مره نسمع أنها شرقاويه بس كنت نحساب ليبيا كلهم يديرون فيها
الممثلة عبير كانت واضحة حزينه ومتأثره هلبا على فقد امها بس حاولت وشدت روحها بان تكون شخصيه قوية وظريفه وخفيفه عالكل .. ونحب تمثيلها من زمان .. وافضل ممثله ليبيه كوميدة في الجنس النسائي. ربي يرحم امك ويفرج عالجميع ويكتبلنا الافضل
سبحااان الله اخخخ يحسووك ان هما طريقتهم الصح والباقي غلط ... في ناس تسقيي... وفي نااس تنقع ف الميه .. لاكن هما يحسيوك ان التسقيي غلططط ولازم تنقععع وان هي الصح!!
لا لا مش قصة غلط القصه قصة وقت لما اديريلها اميه اطيب اسرع هما عاطيين زمن ساعه بس للمكرونه و نص ساعه للقلاج يعني الوصفه بالطريقه هاذي مناسبه للوقت مش انها صح او غلط اني من غرب ليبيا و نطيب فيها و نعرفها لما تكون مستعجله اول تبويخه نديرها اميه و كان عادي نديرلها من طبيختها .
@@فاطمةمصطفىعبدالرحيم الحمدلله في حد من الغرب يعرفهااا زيني وياكلو فاها اني ف جبل الغربي .. احني نقولولها المكرونه شعريه متع الكسكاس ... الباقين يقولو مانعرفوهاش ... وممكن صح كلامك ايه لاكن زي ماقتلك لاحظتهم ان ماقالوش ع الوقت هكي لما دير حاجه متعود عليها يطلعو فيها الف سبله مش حتى ع حلقه اليوم ف اكثر من حلقه ومن موسم
@@tomie3803 ممكن عيلتكم لكن معظم طرابلس معروفين المسقي كسكسي رز رشدة و مكرونة لكن شعيرية مش اكلة زمنية عندنا ولا نعرفوها ممكن في ناس متعلمينها لكنها مش شي رسمي عند الكل و حتى امي تعلمتها من سنين و تدير فيها لكن مش شي متعارف عليه لا في مناسباتنا ولا حياشنا
أنا خشيت عشان العركه😅 وبصرحه أنا من الوسطى وعيشه في بنغازي يعني أنا شرقيويه ولا غربويه😂ووحلقه حلوه وضيفه أحله وربي يحفظني أمي ويرحم امهات مسلمين 🤗ومحلها بشره وربي يسعده ونا كل ما أتشجع واحد تطلع وين راويه كانهي في الحلقة رهي دات احل مكرونه امبوخه 😜
في بنغازي المكرونة المبوخة نديرولها كيف ماقالت عبير ومشهورة بيها بنغازي المكرونة المبوخة من زمان حتي اول مصنع في ليبيا كان للمكرونة المبوخة في شارع الشريف بنغازي