عيوب السيارات اليابانية و الكوريه و ميزاتها 70٪ 

الناس الفاهم اني اقول الصح حاطه لايك أكثر من الناس ماهي عارفه الأعطال انا قلت عيوب مستمره في الياباني تدخل كل ورشه لا تتكلم وانت جالس في البيت انزل معنا وشوف الأعطال هذي عيوب الياباني رضيت ام لا الموضوع ماهو مدح ومجامله عمل فيه إحصائية بتوفيق للجميع

انا استخدمت ياباني وامريكي صراحه الافضل الياباني بشكل لا يقارن بالامريكي اما الامريكي فيحتاج صيانه في بعض الاحيان وانت في امس الحاجه للسياره ويعتبر كلامي راي شخصي لا تحيز لاي شركه وتقبلو تحياتي

مع اني مستخدم أمريكي الا ان اعتمادية السيارات اليابانيه ماحد ينكرها لكن هذي وجهت نظرك ونحترمها بتوفيق

هذي وجت نضرك يا ابو جهاد وأحنا نحترمها. لاكن عن تجربة الياباني أعتمادي اكثر من الأمريكي و أقتصادي وخراباته قليلقه والتبريد فيه جداً ممتاز عكس ما انت ذكرت وبالنسبة للأصوات نادر ما نسمع في الياباني اصوات طبعا في الياباني ولا في الأمريكي كلها على حسب الإستعمال.

انا جربت الالماني والأمريكي والكوري والياباني من ناحية الجودة وقلة والأعطال وتحمل الحر وجودة التكييف يتفوق عليهم الياباني بكل تأكيد

عندنا هايلوكسات ممشها قريب ال 500 ومفصولة بعد ولافيها ضعف طرنبت الزيت ولاشي مما ذكرت فيها عيب واحد فقط انها غير مريحه فقط لاغير ام الباقي مدري من وين جبتها لافيها اصوات ولاشي

السلام عليكم جميعاً وشكراً ابو جهاد على المعلومات القيمة ومن خلال تجربتي لمختلف أنواع السيارات وجدت تويوتا هي الأفضل لأجواء الخليج من حيث التحمل وقوة التبريد وتوفر قطع الغيار بعكس الأمريكي الذي تكثر فيه الأعطال الكهربائية والميكانيكية.

انا معي كورولا2015 خمس سنوات ماغيرت الا زيت وبنزين افضل سيارات قليله الاعطال اليابانيه

يمكنك ملخبط !!! واغلب اللي ذكرته من عيوب ينطبق على السيارة الأمريكية وعن تجربة في موديلات الياباني الجديد من تويوتا يتحمل وقوي جداً

للأمانة ومن واقع تجربه شخصية لي بين الأمريكي والياباني وكنت اقول ان الياباني أفضل ولكن بصراحه الأمريكي أفضل بعد سنوات من التجارب أن الياباني قطع استهلاكية أكثر والسعر اغلا ونص الشعب يغير مكائن الياباني الدفع الأمامي ويشوفها عمليه وماجرب الأمريكي ياشباب لازم تكون عندنا ثقافه في هذا الموضوع وماخذين السمعه من الشيبان ومسكت معنا وفي النهاية جربت السيارتين والنتيجه أن الياباني مقلب استهلاك قطع على المدى القصير واسعارها غالية وشغل اليد فيها مكلف وان كلام ابوجهاد صحيح وبعد تجربة الأمريكي سنوات ماغيرت القطع الاستهلاكية اللي كنت اغيرها في الياباني وغيرت جميع المفاهيم الخاطئة بعد التجربة واتمنى ان الشباب يرقى بفكره ويتثقف في هذا الموضوع والتجربه خير برهان سيبك من كلام الناس النتيجه للأمريكي للامانه وانا مسؤول عن كلامي واضم صوتي لصوت ابوجهاد والله على ما أقول شهيد

هذي وجهة نظرك نحترمها ولكن التجارب أثبتت عكسها

الياباني اعتمادي اكثر من الامريكي من تجربه شخصيه

الياباني جودة لاحد ينكرها

صادق والله واحد من الشباب معاه فورتشنر 16 ويعاني من القسام حق المكيف يفصل عليه الدفع حق الهواء بالذات فتحات المكيف اللي في النص

الله يعطيك العافيه على ماتقدمه شي جميل واحترم رأيك ونظرتك بحكم خبرتك وعملك الميداني ولكن جودة الياباني لاتقارن مع الكوري عندي كامري٢٠٠٨ حاليا ممشها (٨٠٠٠٠٠الف) ولله الحمد وإن شاء الله إنها تقفل المليون بدون توظيب وكاله على يدي من عام ٢٠٠٨ إلى الآن عندي مجرد قطع استهلاكيه وماء وزيت وبنزين وصيانه دوريه والحافظ رب العالمين أذكروا الله وصلوا على النبي

حنا العرب لازم نعاند بكل شي ومانتقبل الراي الاخر اولا المقارنه بين السيارات اليابانيه و الأمريكيه غير عادله لسبب بسيط موب كل أمريكي يوكن وتاهو وفكتوريا وماركيز وكابرس وسييرا وسلفرادو وموب كل ياباني لاند وبرادو وكامري وكورلا وباجيرو هذول السيارات الأفضل لكن انا بالنسبه لي افضل الامريكي مع اني استخدم ياباني لان الأمريكي ممتع ناعم بالسياقه وعزل الصوت ممتاز وعزمه قوي والسياره متينه وكبير بالداخل والامان أفضل وقطع غيارها مناسبه ومتوفره اعتقد هاذي اسباب كافيه وكل شخص له وجهة نظر مختلفه

الله يجزاك خير من فضل الله وتوفيقة اشتريت قبل سنة سيارة تاهو 2014 بعد متابعه لنصايحك وملاحظاتك والحمد الله الموتر تمام وقبل اسبوع جيت لمركزكم وسويت فحص شامل ولله الحمد لم يتبين عندي سوى تغيير فحمات فقط علماً اني شاري السياره مستخدمه لاكن عموماً وفقت في شرأها ولله الحمد والشكر ثم لك الشكر والله يعطيك العافية على ماتقوم به من ملاحظات وتوجيه يا أبو جهاد

مع احترامي لك يا ابو جهاد ... لكن الياباني افضل بمراحل من الامريكي. . والدليل عند اعاده البيع حتى في امريكا نفسها التويوتا غالي .. شكرا لك

اول شي مشكور يابو جهاد ع موضوعك ثاني شي انا مجرب الامريكي من فتره والكوري الامريكي اذا كنت محافظ ع الصيانة يعيش معك. بس اذا اهملته الله يعينك. عيبه الوزن الثقيل يضعف الاذرعه والمساعدات مع مرور الوقت لازم تصين من فتره الى فتره الكوري اقل راحه السيفتي تخاف منه بحكم الوزن الخفيف للسيارات السيدان لاحظت صرفيه اقل في الكوري بحكم ٤ سلندر عكس ٨ سلندر الطرق الطويله معروف الامريكي يفوز مشاءالله تبارك الله رساوه وعزم تحياتي لك يابوجهاد ولأعضاء القروب

الزبدة : اي سيارة تشتريها جديدة من اي نوع وتحافظ عليها وتستخدمها استخدام عادي وعادل وليس جور ومطامر ، بتعيش معك عمر ، ومراح تطلب ، جودة السيارة تحس فيه اذا كرفتها بدون رحمة هنا تفرق الجودة .

انا راعي امريكي من قديم وللحين لكن الياباني افضل ولا يقارن بالقوه والتحمل والصبر الامريكي يسوقه واحد فقط ويتعامل معه مثل ولده ويالله يصبر اما الياباني لو يركبه 20 نفر عادي مش مثل الامريكي يتغير عليك وهاذي حاجه معروفه الامريكي راحه فقط وجوده لك عليها اما الياباني اعتماديه

ابو جهاد لو.نتكلم بس عن عيوب الكابرس ومشاكله لو نتكلم عن حرارة الامريكي لو تتكلم عن فكفكة الديكورات لو نتكلم عن السعر مابعد البيع لو نتكلم على كثرة الصيانه كلها امريكي لكن اجيب لك كراسيدا ولاهايلكس من التعسينات للان متماسكه وعمرها فوق ثلاثين سنه اما عن المكاين اي سياره يضرب الراس فيها ماراح تزبط مهما سواء الشخص ركب وجه خرط راس وووللخ الشي الجميل ب الامريكي مريح ناعم منضره جميل عايلي رسمي شبابي الي تبغاه يجي معك قطعه ارخص من الياباني هذا الي في الامريكي اما باقي مصايبه كثير

رأي الشخصي ورح اتكلم كصيانه الياباني فعلا يكد و يمد ولكن صعب في تشخيص العطل الامريكي عمره قليل و اعطاله كثير لان فيه حساسات و اكثر من ٣ كمبيوترات و لكن ميزته في كشف الاعطال الياباني يقولك انا تعبان لكن فين ما يقولك مكان العطل الامريكي اذا فيه عطل يقولك العطل في المكان الفلاني في اغلب الحالات و ميزته انك تقدر تفحص من كذا كنترول الامريكي صيانته سهله و الياباني صعب صيانته الامريكي قطعه رخيصه و الياباني غااالي

جربنا امريكي وجربنا ياباني وكوري ، والله ان الكوري يتحمل اكثر من الامريكي ولا يهون الياباني طبعاً، ياعزيزي انا اشكرك على مجهودك بس انا اتكلم من باب تجربه الامريكي اعطاله كثيره ولازم له صيانة دورية انا شريت سياره عشان تخدمني مو انا اللي اخدمها واكبر دليل على رداءة الامريكي موجود مقطع في قناتك موضب قير موترك وهو توه ماشي ٢٠٠ ألف الكوري وهو كوري يعمر معك اكثر !!

بتجربة السيارات اليابانيه من أكثر من ٤٠ سنة بعضها مستعمل وثلاث وكالة... الحمدالله لم اعاني من اي مشاكل فقط تغيير القطع الاستهلاكية.. علما بأني لا اداوم على صيانة الوكالة فقط التشبيك الأولى حق الف كم ثم اصحب عليهم واغلب الصيانه من تغيير سوائل وتغيير بواجي وفحمات من نفسي بالبيت.. ولكن الأهم القيادة المتزنه والهاديه بتطول معك السيارة ام الأمريكي والكوري والصيني لم اجربهم ولا أثق فيهم

يشهد الله عندي باجيرو 2016 3.8 ماشاء الله تبارك الله قطع 345 ألف فقط كل 100 ألف اغير زيت القير وكانت عندي مشكلة تبريد المكيف بحالة الوقوف وتم حله بتركيب مراوح كهربائية للراديتر دوال سبال وكل 200 ألف أغير سير بكرات المكينة الداخلي لأنه جلد ربر مو جنزير عيبه الصرفية والقساوة لأن مساعدته رياضية زي المازدا والباثفايندر وشكرا

صحيح عندي لاندكلوزر في رمضان قفل مكيف وصار من فوق وسوسة رحت محل قالي عندك حلين اما نفك كامل ديكور ويكلفك كثير اما نقفل تحكم نهائيآ وفك دركسون وفصله من تحت صار تبريد من ريش بس وشي ثاني حق دبل اوقات اشغل سياره لمبة دبل تاشر بنفسها اوقت بس اوقات تبي تشغل دبل مايشتغل ياشر اوقات يشتغل سيارتي ممشت كثير ومحافظ عليها

الأخ أبو جهاد الغالي. حدثنا عن الباجيروا بأنواعه. من فضلك

ابو جهاد ،اسعد الله ايامك، اولاً احييك على كل ماتقوم بانزالة هنا،وهو مجهود وتشكر علية ، ثانياً،نصيحة من اخ،اعتبر كل متابعينك سواء وانظر لهم بعين واحدة سواء كان رأية معك اوضدك اعطاك لايك او لا، هم اولاً واخيراً متابعين ولهم مجهود المتابعة ويشكرون علية، تحياتي لك وبالتوفيق اخي الغالي.

السلام عليكم ورحمه الله وبركاته برأيك ي اخ ابو جهاد بخصوص قير السياره الياباني تشوف انه لو نركب لها مبرد قير يكون حل .او راح يضر ولا ينفع لانه بصراحه انا عندي اكورد 2007 وفي ايام الشتاء تعطيني ممشى وعزم ماشاء الله ولاكن في الصيف احسن نوع من ثقل في العزم احيانا

حرارة القير والمكينة عقبة الكر او الهدا اكبر حكم بين الياباني والامريكي😉

الله يعطيك العافيه ابو جهاد

هلا استاذ ابو جهاد بنسبه للمعلومات الي ذكرتها بيان عشوائية وغير واقعيه جدا. اما بنسبه لضعف الثبات على السرعات العالية. أنت اعارف يا أخ ابو جهاد ان كل مارتفع مركز القفل يسهل انحرافه عن المسار وهذا الكلام ينطبق على جميع سيارت الدفع الرباعي امريكي ياباني أوروبي. اما الياباني ينقلب بسرعه والأمريكي لا هذا كلام غير علمي أتمنى تكون منصف ياستاذ ابو جهاد

أنا مصري واحترمك استمر موفق إن شاء الله. بس حضرتك متحمل علي الياباني شويه. مع احترامي لك

لماذا السوزوكي لا يضعون حساس حرارة المحرك على التبلون

يا رجال انا غسلت يدي من الامريكي من يوم الفديو الي نزلته عن توضيب قير سيارتك بسبب صوت بالقير الجمس والي كلف تقريبا 7000 وهي ممشاها حول 200.000 الف

انا ما ارتحت الا وقت تخليت عن الامريكى وتوجهت لليابانى لا اعطال ولا مشاكل

الياباني سيارة كرف وتتحمل واخص بالذات تويوتا - لكن مافيها راحة - الامريكي راحة بس عطالاته كثيرة - هذا عن تجربة

‏هذا رأيك بس السيارات اليابانية لا تقارن

اللهم صلي وسلم على محمد

عندي كامري ماشالله تبارك الله مطلعها اصفار ٢٠١١يعلم الله ماقد فكيت مكينتها ولا فيها اي شي وماشيه ٤٠٠الف

أفضل انواع السيارات أللي دخلت السعوديه الأمريكي والياباني وهنا لا أقصد السيارات ألتي تحمل الأسم وتصنع في بلد أخر تختلف معايير الجوده فيها من جميع النواحي أما غيرها أقل منها بمراحل (الألماني مرسيدس مستثنى) اما كثرة الأعطال فيعود بنسبه كبيره جداً للأستعمال والصيانة أللي يتبعها المالك...سياره ممكن تعيش مع مالك ثمانية سنوات مايدخل فيها ورشة تصليح وسيارة ممكن كل ستة أشهر أقل او أكثر في ورشة عند مالك أخر

عندي أستفسار ي بو جهاد ضروري الرد انا غيرت زيت مع سيفون وأول ماشغت طلع صوت طرطقه مدة ثواني وختفى بالله برايكك وش السبب هل قد يكون السيفوون تجاري ماهوب وكاله ول وش السبب علما ان السيارة لنترا وغيرت الزيت من 10w30 الى 5w30 تكفى الرد

عندي قراند ماركيز ( كرسيدا وارد أمريكا) ماشاء الله عليها

أتمنى تتكلم عن الألماني

الامريكي كثير الصيانه الياباني الصيانه بين كل فترة وفترة وقت طويل يعني مثلا القطعه تسويها في الامريكي تاخذ وقت طويل

صراحة كلام ابو جهاد عكس ما كنت اتوقع في السيارات اليبانية بالنسبه للامريكية ... توقعي اليباني اجود من الامريكي

كلامك صحيح وفاهمين عليك اخ ابو جهاد وانا مجرب وماكلها على راسي ( طبعا اللي يقدسون الياباني حطو اللوم علي وعلى استخدامي ) بس مشكلتك انك تتكلم عن الياباني .. ومحبين اليابان عندهم هذا شي له قداسته الخاصه وخط احمر ( مع انها كدوله ضعيفه عسكريا روسيا والصين وكوريا محتلين منها جزر كثيره وهي ساده حلقها وساكته .. غارقه في الديون واقتصادها في هبوط مستمر وشركاتها كل وحده تفلس كل سنه ).. واحد يقولك الياباني يعزك وثاني يقولك يرفع راسك .. ناس ناقصه عقل كومه حديد وكفرات تسوي لهم مقامات وعزة نفس والله الهادي الى سواء السبيل .

افضل سياراة اليابانيه تتحمل الاجواء الحاره وقطع غيار ارخص وعطل اقل

بالإخوان انا عمدي ازيرا ١٤ كل مااشغلها وهي بارده احسها تبي تطفي ؟؟؟ وتطلع لي علامه مكينه بطبلون ؟؟؟ بعدها خلاص تختفي وأمشي احد يساعدني

الياباني يجب تقسيمه قسمين تويوتا كوم والباقي كوم ثاني

عن تجربه صحيح دينمو الدبل للجيوب ضعيف و الصالون الاذرعه ماش

4:27 وانت تقول غير امنه في السرعات العاليه بسبب خفه الوزن وهذا الكلام غير صحيح الثبات يحكم حاجات من ناحيه انظمه التعليق وخفه الوزن وخصوصا في اللفات القويه و ابي اسالك سؤال ليه الفراري وزنها خفيف تقريبا نفس وزن الكورولا 8:15 اتحداك اذا الباترول ما هو مريح في الخط ومن ناحيه التكييف الي يومك هذا مافي افضل من تكييف الياباني

يعطيك العافية على المعلومه

وش فيهم جماهير السيارات اليابانية زعلو ع الرجال 🤣 والله كلامه صحيح وخاصة بالقطع كله تقليدي مو مثل الامريكي وبعدين والله عيب يقارن التلقيط ماليزي ع استرالي ع صيني بشغل اليهود الامريكان 🤣

بحترم رئيك بس كل شركة وبلد تميز بصفة امريكي واسع ومريح ياباني متين واقتصادي الماني سرعة وتقنية وفخامة. بلمقابل لا تخلو سيارة من عيوب مصنعية قاعدة البيع اصبحت تعتمد على قطع الغيار ولاجزاء الاستهلاكية اكثر.

انا عندي الاثنين الياباني جودة وعملانيه خاصة التويوتا و الامريكي اريح واقوى

اشوف الياباني افضل عن الأمريكي والدليل كله شغلك على الامريكي توضيب وغيره ما شفت يباني هالكثر فالورش احنا في سلطنة عمان من اكثر استخدامنا التويوتا وما شاء الله موتر حق مكده

احسنتم اخي الكريم

سلام عليكم انا كان معي اسكويا طبعن 2011 فا ثقيل جدا بصرح القطع فيها غش واشتريت تاهو ٢٠١٣ لان له أكثر من ٥ سنوات لا اشتكي من حراره وانا كل أسبوع اسافر فيها من الجنوب لي تبوك افضل شي جربته هو الامريكي وشكرا

انا استخدامي الأكثر ألماني فلكس واجن. كنت مرتاح كثير واخر سيارة فلكس واجن مستعمله تبهذلت فيها. ميكانيكا تتعلم عليك ولا حلول. اخذت اوريون 2017 مشيت عليها 300 الف واغير زيوت وامشي المشاكل اللي ذكرها ابو جهاد صحيحة كلها عندي موجودة لاني اكشف عليها كل سته شهور بس الصراحة ماقد غير شي منها غير جلدة العكس كان مشقوق. انا انسان محافظ. اخر كشف من شهر مجمو القطع 9000 ريال. منها مصمار توازن الدودة مساعدات أمامية وفيه أشياء ثانية راحت عن بالي. الكشف يبين اشياء ماتعرف عنها. واحنا عيبنا ماتغير الا اذا خرب تماما. شكرا ابو جهاد 👍🏼😍

وعليكم السلام ورحمة الله وبركاته وصلاه وسلام على رسول الله محمد صلى آلله عليه وسلم

انا عندي افالون ٢٠١٤ مافيها اصوات ولاشي الحمدلله

معظم السيارات التي تتناولها في تسجيلاتك أمريكي وأعتقد الياباني أكثر اعتمادية .

ايش احسن نوع سيارات بعد الالماني؟

احترم رأيك ولكن معي ازيرا ٢٠٠٨ ماشيه ٤٥٠ الف ولا قد فكيت مكينتها ولا قيرها ولا كهربتها نهائي مع اني امسك خطوط كثير وكمبروسور مكيفها عاش معي الى ٤٠٠ الف وللحين ماشاء الله تخدم وبقوة واغلب قطعها الاساسية للحين من بلدها ماشاء الله تبارك الله

بحكم تجربتي السيارات اليابانيه الجديده ضعيفه بعكس القديم تستهلك قطع في فتره زمنيه قصيره وبعض الخرابات لا يعرف حلها

الله يعطيك العافية...

الكزس اهدى محرك في العالم جوده عاليه تكييف عالي الدقه ثبات ممتاز محرك عمر طويل التصنيع تويوتا ماتقارن في السيارات الامركيه اتمنى تقييم كلامي

يعطيك العافية ياابو جهاد ❤️

انا معي امريكي خذ راحه ومتانه وامان بعد الله لكن ماصدقت الياباني عملي اكثر بمراحل مر الصناعية وشف وش اكثر السيارات الخربانه

اذا على العطل ياكثر خربات الامريكيه حط ورشه جنب بيتكم او عش في الصناعية حت من كثرها قطع توقف التصنيع عكس اليباني و الكوري ويكون ب علمك الياباني درجه ١ و الكوري الدرجه ٢ من ناحيت المبيعات و بذكرلك الي توقف التصنيع اغلب سيرات المريكية بتوقف خاصه السيدان شف الكابرس وقف تصنيعه و ابالا وقفت تصنيعه وفورد فكتوريا وقفت التصنيع وفورد مركيز وقف التصنيع و شفرليه كروز وقف تصنيع وفورد تورس وقفت ثم رجعت واهي من نسخة الصيني و فيوجن و فوكس و سونيك و بيوك لاكروز وكاديلاك ATS و XTS و CT6 والابيكا و لومينا و فايبرسيارت رياضيه والله سيرات واجد لو عددها يبيلي نص ساعه قدام من قديمها الى جديدها توقف تصنيع الامريكي الصح الصابونه و الكابرس القديم الي ب ٩٠ غيره لا تدور تتوقف التصنيع ١ يانعها قلت مبيعات وخصرت ٢ يان اشتكو من عطلها ٣ او كثر الشكاوي الي جتهم حدا من ٣ حت شيبانا اول يقولون ابعد عن الامريكي ومسالت الطربه ازق مابه المريكي رح جبلي ٧ سيرات يباني و ٤ سيرات كورية توقف التصنيع الافالون توقف نص سنه او سنه ب الكثير وثم نزلة السياره و الاوريون توقفت وجت بديلها كامري قراندي و كرسيدا جت بديلها كامري يالله اذكرلي ي الي مسوي في امها فاهم مير خاصه الكوري اتحداك اذا لقيت ٤ سيرات موقفه التصنيع

جزاك الله خير اذا كان تبريد الياباني عادي فلماذا كمبروسرات السيارت الامريكيه ياباني من دينزو

مبدع يا بوجهاد يعطيك العافية

السيارات اليابانيه قويه جداا وحق كرف وتجيب سعر في البيع سياره حق سفريات وما تعرف الورش القطع متوفره في كل مكان نسبة الأمان عاليه خاصه في الجيوب تكيفها ممتاز وحراره انسى مهو زي الامريكي🥵

كل السيارات فيها عيوب اقلها الياباني .. السيارات الكورية يقرن اسمها بالصيني وليس الياباني مع احترامي

والله انا مالك فورتشينر ٢٠١٥ ٤سلندر مااعاني الا من شي واحد هو صرفيه البنزين والباقي مافيه اي ملااحضات ولاغيرت شي في السياره من يوم شريته بس زيت وماء وقطع استهلاكيه فقط 😘 هي تكون علاحسب الاستخدام من شخص ل شخص وانا ملاحظ انك متحيز للامريكي

ابو جهاد شكرا لك ولكن اعطيني دراسات و احصائيات في هذا الموضوع عشان يكون الكلام علمي وليس مجرد آراء مع احترامي للجميع

اولاً لازم تعرف ان فيه فرق كبير بين الياباني والكوري ومن الظلم الجمع بينهم انا بتكلم من باب تجربتي كـ ميكانيكي ومستخدم وتجربه اقاربي واصدقائي للياباني والامريكي : انت بالمقطع تقول ان السيارات اليابانية غير آمنه بالسرعات العاليه لخفتها وعند مقارنه الجمس باللاند كروزر تقول ان الجمس أخف 🤔 من ناحية الحرارة هذا شي مرتبط بأغلب السيارات الأمريكية وهذا شي معروف والسيارات اليابانية هي الأقل معاناة من هذي المشكلة. من ناحية التكييف السيارات اليابانية تتفوق على السيارات الأمريكية بمراااحل والمقارنه تعتبر ظلم للياباني. من ناحية الجودة والإعتماديه وقلة الإستهلاك للوقود الياباني يتفوق على الأمريكي بدون أدنى شك. توفر أنواع كثيرة من قطع الغيار هذا يعتبر ميزة للياباني وليس عيب. من ناحية الأمان بالياباني يعتبر جيد وكلما زاد الأوبشن زاد الأمان. الأمريكي يتفوق على الياباني بنقطة واحدة فقط ( الراحة) واذا قارنا الأمريكي باللكزس يخسر الأمريكي هذة النقطة 😂😂😂

السياره الياباني سياره مال كرف ولكن ما فيه راحه - الأمريكي سياره مريحه امان عزل ولكن اعطال كثيره مع مرور الوقت 😎

هههههههههه اصحاب قواطي الصلصل ليه حاطيين 👎 الحمدلله لي ٢٥ سنه من الخدمه ماعرفت غير > انباله 82 》 تطورنا صابونه 94 》 فورد 2003 》 الوحش التاهو 2016

طيب يا ابو جهاد ايش رايك ابغا اشري دوج دورانجو ستة سلنر مع العلم سواقتي قاسيه وشكرا

اتحداك واتحداك الامريكي لا جودة ولا تتحمل دكوراتها تتكسر اكثر من الياباني الي ما يعرف الصقر يشوية

انا اكره في السيارات اليابانية انها تجي دفع امامي ومهي مريحة لكن جودتها عالية واخص تويوتا والقطع من متوسطة الى غالية وصرفية البنزين اقتصادية

الامريكي ديكوره يتهربد ويتفكك اتحمل الات موسيقيه ع قولك والا احس انه بينهد فوق راسي والا طبالين مكسره

الله يستر عليك يا بوجهاد روح الله معاك استمر الأمريكي عالي عالي والباقي تحت نعالي

احترمك استاذ ابو جهاد .. انا استخدم النترا 2012 الان ممشاها 240 الف لم تتعطل بعطل واحد في المحرك او القير .. مجرد قطع استهلاكية ... وايضاً عندي هايلوكس سته سلندر اصدار تي ار دي ماشيه 40 الف ولله الحمد والمنه لم تشكو من شي على الرغم من الظروف الشاقه التي تواجهها من حراره جو وغبار وتحميل .. مجرد ننتظم في فلاتر الهوى والزيت وفلتر الزيت والاقمشه كلها استهلاكيه .. وايضاً بالنسبه لعطل موزع الهواء في اللاندكروزر ليس عطل انما برمجه حله من نفس ازرار المكيف ويرجع طبيعي وغالباً يتعطل من العمال اثناء تلميع الطبلون لانه يمسح ويصادف ان يضغط على كم رز وتختلف برمجته .. بالتوفيق استاذنا الكريم نتقبل وجهه نظرك وهي محل احترامي ولكن اعتقد ان بعض الزبائن غير ملمين في التعامل مع السيارات اليابانية او الكورية وهذا طبيعي في اي سيارة الاهمال يعني العطل دمت بود 🌹

وجهة نظري كمستخدم للامريكي والياباني والكوري الأمريكي فخم ومريح لاكن حساس جدا وصيانته معقدة وبعضهم يوجد عيوب في القير مثل النتعة ومراوح المكينه تخرب لدرجة سنويا تغيرها وكراسي القير والمكينه تخرب بسرعة أيضا كل سنة تقريبا تغيرها وأنواع الأصوات المنكرة من الديكور وأصوات أسفل السيارة ما تدري جايه من وين وبالنسبة للكوري مكينته نوعا ما أضعف من الياباني لاكن متماسك وماشي حاله وبعض فئاته وليس كله مكيفه سيء شوي مع الوقفات ما يبرد مظبوط اما الياباني بعض فئاته تحسه مشلح والديكور الداخلي بلاستيك خفيف وعزل مش حالك لاكن محركه والقير ممتاز في السرعات والاستجابة وهذي اللي شفته بعيني دون تحيز لشركة معينة

ثاني مره اتفق معك في اشياء واشياء ضدها

لوسمحت ياابوجهاد او اي واحد عنده خبره أين يوجد باف التبخير في مكينة كابرس V6.0

في مقطع السيارات الامريكي قلت ان القير يتحمل الى ١٢٥ والياباني ما يتحمل فوق ١٠٠ والحين تقول السيارات الامريكي اللي تجيك حراراة قيورها ما تتعدى ٩٧ والياباني ١٠٧ شلووووون

الياباني حجمه الصغير خدمه من ناحيه الاقتصاديه في الاستهلاك البنزين وهذا شي طبيعي

الإمريكي لو تدعس له مثل الياباني سنه بالكثير ونت مخاوي الورش لكن الياباني ماشاء الله تحمل جبار وقلة أعطال

الله يسعدك يابو جهاد اخوك ابو تركي

يعني ايش افضل ياباني ولا امريكي

نبغي حلقة عن السيارات الصينة ويل قريت

من التجربة، كورلا قعدت معي ٨ سنوات وبعتها وانا زعلان عليها، كريسيدا ٢٢ سنة ويوم بعتها كاني فقدت واحد من بزراني، اخيراً لاند كروزر ١٦ سنة وصعبان علي افارقة اوبيعة واشتري جديد، العمر كلة مع الياباني والمشي اكثر من مليون كيلومتر ولو سالتني غير تايوتاء اقولك مستحيل.

مجهود تشكر عليه ولكن.... هذي وجهة نظر لأبو جهاد فقط طبعاً الكلام مقارنه بين الأمريكي والياباني ونسي يتكلم عن الكوري.. عن نفسي التويوتا اقل السيارات في الحراره ويمكن الأغلب لاحظها في الهدا او اي عقبه طويله بخصوص عداد حراره القير ظروري يكون في الأمريكي لانه اغلب اعطاله في القير بعكس التويوتا ومثل ما ذكر ان حرارته عاليه وفوق ذلك ماشاءالله ماشيه تمام استعملت تويوتا ثم امريكي ثم تويوتا التويوتا ممتاز تحمل وجودته طيبه اما الأمريكي حراره بعض الأحيان وتسخين طرمة البنزين ولكنها سياره مريحه اما الكوري شكل جيد وقطعه جيده لكن الجوده قلييله

الجيب التايوتا تقدر تقطع الربع الخالي وفيه من جرب ١٢٠٠ كيلو داخل الرمال واما الامريكي ما شفت احد قطع فيه مثل هذي المسافة والي اسمعه ان الجربكس ما يتحمل يسخن وممكن يضرب عليك اثناءهذي المسافات في الصحراء .

0:54 طيب مافي بديل للموضوع مثلا طرمبة ماركه افضل؟