افضل تصوير جوي مر علي تقريبا من عرفت قناتك / خيال يابو خالد/ اتقدم لك بكل الشكر والتقدير على هاذا التميز . متعه لا توصف احب اتفرج على جديدك بالصباح بداية يومي لابد تكون توسع الصدر.
وفقك الله ورحم الله من كان يحب العرمة اللي انت فيها الان ويعرفها كلها ومنه تعلمنا حب البر والرماية وعرفنا كل الديار حولنا زادك الله من فضله الواسع ودائما ذكرنا بالأذان والصلاة في كل طلعاتك نستفيد ويستفيد من يشاهدها من الشباب اهل الطلعات وحب البر والتصوير
الله يسعدك ويبارك فيك يادكتور علي واحسنت في التذكير برفع الاذن بيض الله وجهك ورحم الله موتانا وموتاكم وموتى المسلمين أجمعين الله يغفر لهم ويرحمهم ويجمعنا فيهم في الفردوس الاعلى من الجنة
ونستنا ابو خالد الله يونسك بالعافيه وكفو عليك يوم تطلع ولاتهتم في كلام الناس انت خلقت بهذي الدنيا ماهو عشان ترضي فلان وعلان الشي الي يونسك ويسعدك اعمله ولاتفكر في كلام الناس ـ الناس ماخلوا احد في حاله ، تحياتي لك ومبروك الطائره الدرون الله يعطيك خيرها ويكفيك شرها وتصويرك فيها فيه شوي اخطاء ولكن ماهو مشكله لازلت مبتدئ ومتاكد راح تتحفنا ان شاء الله في لقطات اسطوريه في الرحلات الجايه وانت بأتم الصحه والعافيه ، شكراً لك واعذرني ع الاطاله اخوك خالد الجهني من المدينه
لا والله ي بوخالد مو اللي في البر مثل اللي يتفرج الخلا جنه من جنان الدنيا ونا ب الخلا اشك لربك ونش حافي وهلل وسبح وتفكر بعظيم خلقه وتفكر ب الارض اللي احياها بعد انزل عليها المطر وهذا حالنا يوم نبعث وشهد الارض على ايمانك وتوحيدك قيل ونكتب اثارهم يعني الارض تشهد على افعالك عليها والله يهنيك ويحفظك تكون تنزهت وتعبدت ربك وهاذي والله امنيتي برحلات امشي وصلي ركعتين بكل بقعه وناجي الله ب الخلا
ابو خالد مساك الله بالخير , سلمت على المقطع دايم حريص على متابعتك اول باول من متابعينك القدامى عندي مكان زين بالحيل وقريب للرياض بس ابي طريقه اتواصل معك فيها , وسلمت على المقطع الله يجزاك خير
ما تفقد غالي يا بعدي ... بس معقول بو خال ناسي الدافور وذاكر هالتنكه ؟!! ولا هذه حركة علشان تورينا إنك فتى البراري والادغال وما يعيق عليك شي ما شاء الله عليك 😂
وعليكم السلام ورحمة الله وبركاته ياهلا ومرحبا بك وبالوالد اتشرف بوجوده هنا الله يسعدكم ويحفظكم يالغالي وبالنسبه لدرون شاريها قبل كم سنة مدري خمسة سنوات ماخذها من النت اتمنى اني تشرفت بمقابلة الوالد على فكره وش كان معه سيارة
@@mohdotb455 الله يسلمك واياه من كل شر وسبب السؤال جلست اسوالف مع كشاته شرواكم توقعت ان الوالد واحدا منهم بحكم انك ذكرت انه كان في الشعيب نفس اليوم عموما باذن الله تحي فرص ونلتقي على خير
ونعم الرجل ياوليد لكنك تحط احداثيات كل شعيب تطبه وكل بروه وزلته تجيها وفيه شعبان وزلات ما من عشرات السنين بل تتوارث اماكن هالمحلات من الجد للولد للحفيد و معروفه بين ناس قليلين ومخفينها عن العالم لاني انا وانت ندري ان فساد الارض كثير ومهما كان وصار مردها بيجون مفسدين قذرين يشوهون المناظر ويخربون الشعبان والقلتات فا ياليت تتوقف عن نشر الاحداثيات وخل العالم تكشت فالثمامه وطقتها وشاكرين لك المحتوى الجميل
ماعليك زود اخوي وبيض الله وجهك على حرصك ولكن مثل ما تشوف ولله الحمد الدوله حفظها الله اصدرت قوانين وانظمه للحفاظ على البيئة وايضا سنة عقوبات على من يخالف تلك الانظمه ولله الحمد اللي اشوفه ولاحظته صار فيه وعي افضل بكثير بالاهتمام بالبيئة بين الناس وايضا حب لاخيك ماتحبه لنفسك ومن يسعى للخراب يتحمل دعوي الناس عليه شاكر ومقدر لك اخي الكريم على كلماتك الطيبة
