اختي انا شهريتنا 2ملاين هي مدخولنا الوحيد واش تنصحيني كفاه نقسمو باش نفضل شوية لخطر كرهت كل مايجيني امر طارئ نروح نسلف ارجوك تخصيلي كلام لي لخطر هذا السؤال سءلت الكثيرات وماجاوبونيش انا عندي 2ذراري وهذا 2ملاين منها كلش كلش
السلام اختي الكريمة النصبيحة الوحيدة الي نقدر نمدهالك انك من كل شهرية تدخلك نحي منها مبلغ بسيط لوكان كل شهر تنحي 100الف وتصرفو الباقي حتى تلقاي روحك لميتي مبلغ مليح 100الف خبيها ونسايها ديري شحيحة والله غير احسن طريقة والله المستعان
انا نتكلم على الاقتصاد بصفة عامة ومايطبق على المتزوجة ولي بالاولاد يطبق على العزبة وعلى العاملة وحتى المطلقة وحتى لمدخولو قليل معنتها حتى المطلقة والارملة تقدر تستفاد من هذو النصائح ولكن الفرق هوما شوية ضروفهم صعيبة بعض الشيء ولكن حتى حاجة مراهي صعيبة ربي سبحانو وربي يوفق كل وحدة على تربية ابنائها ويرزقها من حيث لاتحتسب
ام ساجد مكيش تخمي تزيد بيبي عذرا على السؤال اذا غيه تجاوز الحدود لكن نيتي انا بناتي وحده قد ساجد وحده قد زينب ولقيت روحي بالحمل وانا راني في مشروع نبني اذا كتب ربي مي مزال مسهلتش وراني نتبع فيك حابه نصايح او ارشادات في خصوص بيبي جديد مع الاقتصاد وجهت نظرك
بالنسبة ليا مازال مكتبش ربي الوقت الحالي مرانيش نخمم ولكن اذا جا مرحبا بيه لانه رزق من الله وماشي هو لي راح يعطلني على مشاريعي ومرانيش نخمم ولادي متعبين في تربيتهم وراني مازلت حاصلة مع قراية ساجد غير يحكم روحو شوية اكيد راح نزيد معنتها ماشي الجانب المادي لي راهو مانعني وانما اشياء اخرى وربي يوفقك ويعطيك حمل ساهل وولادة ساهلة وان شاء الله يكون ذرية صالحة
