شوفي اختي ام الطاهر انا كي بعت الطونوبيل موش علاجال باش نبني علاجال باش شرينا السكنى كي بدلنا السكنى تاعنا قيمناها 500 مليون والسكنى لي شريناها 700 مليون علاهاذيك بعنا السيارة وزدناه 200 مليون
فهمتك علابالي باش تزيدي بصح ربي دارلك سبب وتحققت امنيتك ماتبيعيهاش وما تفرطيش فيها وقادر عين تاع كاش وحدة مابغاتكش تكسبي سكنة ارضي وراه الشيطان يلعبلك في مخك باش تبيعيها ما تفرطيش فيها ربي يباركلك في رزقك وديري السيارة 🤲🤲🤲🤲
تبيعي سيارة باش تشري سكنة هاذي عادي لاكن العكس مستحيييل نخمم فيها لوكان ناكل كسرة و الماء و نقتصد و نشري برويطة و ما نسلمش في السكنة تاع ارض اختي نحيها من بالك و حوسي على حل آخر ربي يعينك و يقدرك
أنا اختي صرالها نفس الموقف كانت كارية و لمت مبلغ بصح مقدرتش تشري باعت قاع ذهبها و هو باع السيارة و شراو سكن صغير و ذيق قالو المهم نتهناو من الكراء و من بعد ما سكنو ندمو على صوالحهم و بداو دايمن يدابزو حتى تدخل الاب تاعي و حكى معاهم وقالهم راكم في نعمة و من كان في نعمة و لم يشكر خرج منها و لم يشعر قالهم تفكرو ايام الكراء و شحال كنتو تعانو و صح اختي عانات الويل مع الكراء و قال لاختي حطي في بالك كأنو ذهبك خونوهلك و انت حط في بالك السيارة تقلبت و راحت و بداو من الصفر تعاونو و بشوية و ردو صوالحكم والاساس هو السكن و صح كيما كان الحال بعد مرور ثلث سنين الزوج قدر يشري سيارة بصح دار مشروع تربية العصافير و نجح فيه و اختي تخدم الحلاقة من البيت و راهي خلفت شوية من ذهبها و راهم يخمو يبيعو كلشي و يشرو سكن واسع 😅😅😅...البنادم والله متفهميه😂
ربي يحفظك أم طاهر أنا درت بيت الخزين ولميت نصيب مشاء الله بصح جاتني طوارء اضطريت ناكل منه ونصيب راح كذلك مع كل الاحوال حسيت روحي درت انجاز و ربي يقدرك وجزاك الله خيرا
الله يعطيك الصحة حبيبتي كلام في الصميم خاصة على موضوع الشركاء ,وقتلتيني كي قلتي يلقاك ترڨو قدامه 😂😂😂😂والله ضحكت من قلبي حسيتك خرجتيها من القلب هههههههه👍👍👍
يا جبل ما يهزك ريح شخصيتك قوية وباينة عليك مريتي بتجارب كثيرة والاهم انك تعلمتي من تجاربك ورانا نستفادو منك كامل الاجوبة في محلها ومقنعة يعطيك الصحة ويفرحك❤❤❤❤
صحيتي ام طاهر على المصدقية كلامك نابع من قلب صادق كأنك تهدري مع خواتاتك ولا ولادك المهم قناتك نحسها عايلة لدرجة كاين مشتركات والفتهم منهم امكوكا ان شاء الله دير بنصيحتك وباقي الاخوات
النصيحة تخرج من اعماق اعماق اعماق القلب وتعجبيني كي تزعفي منا وتلومي علينا وما يلوم عليك غير لي يبغيك نحسك كي الاخت الكبيرة لي تحضن على خوتها ربي يجازيك على حساب نيتك يا مولات القلب الحنين والطيب الخالي من النفاق🤲🤲❤❤❤❤❤❤❤
ياختي نصايحك من ذهب نتمتع كي نكون نسمعلك تأمني كل فيديو نتفرجه شعال من مرة انتي الصدق والمصداقية كاين قنوات تكذب فوق القانون وللأسف كذبهم باين والناس تدعمهم صراحة لو كان تولي تكذبي رايحة طلعي قناتك في اقرب وقت لأنو عندك قبول ههههه خاصك تزيدي معاه ااكذب تطلعي ديراكت ههههه بصح نتي فحلة وبنت اصل وشبعانة في مخك والحديث قياس
ماشاء الله كلام رزين كل كلمة محطوطة في مكانها نصائح من القلب انتي صادقة في محتواك عكس بعض المخلوقات همهم الوحيد يطلعو قنواتها بأيطريقة وما يهمهم حتى واحد كلامك دواء انا مشتركة من بداية القناة تعلمت منك كل حاجة مليحة وليك فظل كبير اكيد بعد ربي سبحانه غيرتيلي تفكيري ومجرى حياتي تستاهلي درع ماسي ومليون جام ❤❤❤❤❤
اول مرة رايحة نكومونتي من فضلك انصحيني راه خاصني سيارة ضرورية جدا باه ندي بنتي للحضانة لكن الڤراج تاعي مشي مخدوم الخدمة تاعو تجيني عند 15 مليون و ما عنديش باه نخدمو بغيت نبيع ڤورمات و نخدم الڤراج و راهي غايضتني نبغيها
من فضلك اختي الكريمة بواش تنصحيني نشري سيارة نحن بأمس الحاجة ليها و قدرت نقتاصد لسنواات لكن من دون حرمان لابسين واكلين معيدين و في حدود المعقول طبعا لكن مليت هذا الاقتصاد باغي نسافر نتمتع بالدنيا قررت نحبس التوفير للسيارة و و نشري سيارة مستعملة وغاضوني نشري بيهم نخاف من المستعمل يكون ماتما حالة نعشي نصرف عليه و الجديد راهم يجيبو السيارات غي تاع 250 مليون و طلع كنا طامعين كاش جيلي و لا شيري ما صحتناش نديرو طلبية لي دارو راهم مشيطينهم ومازال ماجابولهم و اسمحيلي طولت عليك
ليوم دخلت لسوبيرات لقيت فرماج بروموسيو علامة المتميز علما هو تحضيرة و لقيت كوممبار تاني مزالو 4ايام و تنتهي الصلاحية قلت نشريه خير من لوخر تحضيرة و عايلتي يحبوه و هو فرماج و الله لقيتو حاشا نعمة ربي مينتكلش ندمت تعلمت منزيدش نشري كوممبار برومو
نعطيك نصيحة على الكومومبار جامي تشريه قديم ونزيدك نصيحة اخرى كي تبغي تشريه حليه اذا شفتي العجينة لي من فوق بيضاء ما فيها حتى طاشة شريه اذا شفتي فيه اللون البني وريحة غير خطيك انا الكوموبار بالذات لوكان مايكونش هذا وين خرج من الوزين اقصى حد سمانة ما نشريهش
عاشورة مبروكة يالحبيبة والله كلامك صواب انا ندير في الاقتصاد وهاك وهاك باه نوصل للهدف بصح يجي ضرف ويروح الي لميتو حتى حسيت يءست وكرهت وانشا الله ربي يعينا يارب وشكرا على كل نصيحة وعلى كل دقيقة من وقتك ربي يشافيك لوليداتك يارب ❤
حبيبتي تعجبني افكارك وطريقتك في اقناع المتابعات ❤❤حنا ف الشرق نستعمل السميد أكثر من الفرينة ديما نديرو كسرة المطوع تقريبا يوميا يعني تقريبا مابقاش في بيت الخزين يجيبلي شكارة تاع 25كيلو خلاص في أقل من شهر
شكرا على جوابك اولا و ثانيا حتى انا نشري من البرومونسيون انا قلتلك ديريلي ليستا و الباقي عليا اللله يطلع قيمتك اولا و يطلع قناتك ثانيا اختي الغالية الغالييييييييييييبييييييية
اكيد ما تطلعش قناتك بصح لو تقوليلهم درت سوبيرات في داري غير بمتين الف وتقوليلهم شهرية زوج ملاين راني نصرف منها ونعمر منها ونبني منها يأمنوك ويطلعوك خاطرش اغلبهم عايش في الاوهام ويبغو لي يعيشهم في الاحلام ويخرط عليهم كاين عباد تحلف بالكذب وتصرفاتهم عكس كلامهم مجتمعنا يبغي لي ينافق يدعموه ويطلعوه بصح نتي نصيحتي قعدي كيما راكي لانو ربي يحب الانسان الصادق ويجي النهار لي تطلعي فيه كملي وما تفشليش وراكي مأجورة على كل ما تقدمينه ❤
