ما شاء الله حبيبتي مبدعة ومتميزة كالعادة عندك ذوق رااائع بأقل التكالف تخرجي حاجة تهبل دائما والله تحية ليك انت مثال للمرأة الفحلة نظافة ، إتقان ، تربية ماعندي ما نقول ربي يرحم لي رباوك و ربي يعطيك على قد قلبك و حسن نيتك و يعوضك و يرزقك بأحسن بيت يا رب . نحبك إكرام ❤️
يعطيك الصحة خرجت التهبل انا راني نكتب فى التعليق وانا كارهة من كوزينتي حتي انا ماشي داري ملكي وما عنديش ليبلاكار الي نظم فيه كرهت ما عدتش حابة ندخللها ربي يفرج عليا وكل من قال امين
صدقيني فرحتلك من قلبي لكل حصان كبوه وانت وقفتي على رجليك مقعدتيش تندبي حظك وهذا الشي خلاني نحتارمك أكثر ربي يعطيك على حساب نيتك ابدا متفشليش دائما متألقه متابعتك من الشلف
ماشاء الله الكوزينة انتاعي الحيطان انتاعها مازال مادرناش الفيونص درنا بوطاجين فوق رخامة كحلة واش الحل يعطي جمالية للحيطان حتى يكتب ربي تكمل الخدمةوشكرا
راني معاك اختي انا تاني كارية والحمد لله السكنه الي نسكنه نزيد فيها ونقيها حتى مولاها ويستغرب من سكنته والسكنه الي راني فيها حاليا زدت فيها الغرس والاشجار المثمرة لنه انا ابحث عن راحتي وراحة اولادي كما قلت لا ادري كم سامكث فيها وفعلا راني في 4سنوات والحمد لله راني في النظافة والترتيب والفاءدة لي انا اولاد حتي اذا جاء واحد ويدسمنها بعدي يلقى حاجة نقية لانه غير المغبون الي يكري ونحن نرزق حسب نوايانا والحمد لله على كل شيء
يعطيك الصحة والله لراني كيفك راجلي يقلي يخي مش دارك والله دار كامل سقمهم ليدي وحدي باقل تكاليف نقلو ماعليش تقعدلي صدقة جارية لبعدي يلقاها معدولة ورزق على ربي ربي يهنيك وان شاء الله تستقري في دارك
