لازم لازم لاااازم تجين الكويت مره ثانيه بشهر فبراير السنه الجايه على خير ان شاء الله، روحي حديقه الشهيد و مروج و الحديقه الزرقاء و الاماكن المفتوحه بالكويت هذا افضل شهر تجين فيه، نورتي الكويت 🇰🇼🇰🇼
نورتوا الكويت.. ودي تشوفين الابتسامة اللي على وجهي وأنا اسمع صوت عيالي في الخلفية 😂 يا محاسن الصدف.. احنا العائلة اللي كانت في زاوية المطعم.. الحمدلله كنتوا موجودين في وقت الجو كان فيه جميل. ❤
أقسم بآيات الله كأني مسافرة إلى الكويت وأنا جالسة فوق السرير مرتاحة أهل الكويت أنا احبكم تابعت لكم مسلسلات عشان نتعلم منكم اللهجة ادعوا لي إني أسافر للكويت للسياحة يا رب
حياش الله نورتينا المره الجايه تعالي بيت السدو وونترلاند وحديقه الصباحيه ومركز عبدالله السالم الثقافي ودار الاوبرا و متحف قصر السلام ومقهى clay بالشويخ لازم تروحين لهم وريوق ليزي كات بالمروج قوي ومزرعه البحيره الزرقاء بالعبدلي بالشتاء أحلى 💙
نورتي الكويت يروحي والله انكم اعز واغلا ناس على قلوبنا اهل السعوديه ❤❤ ولازم تجين الكويت مرا ثانيه وتروحين العاصمه مول و ٣٦٠ و جسر جابر لازم صج مافي اشياء بس طريج وتحتج البحر بس حده عجيب صدمتين لما قلتي هذي ثالث مره تجين الكويت احنا كل ماطرا علينا رحنا على طول السعوديه لدرجه ان السنه اللي طافت رحنا السعوديه ثلاث او اربع مرات وهذي السنه مره وان شاء الله بنروح لها على شهر ٧ او ٦ لانه هذا الشهر راح تبلش عندنا الاختبارات وقلنا اذا خلصت نروح السعوديه على خير و البحرين اخخ لو تدرين شكثر احب السعوديهه ❤️❤️
اول مره اروح الكويت السنه هاذي رحت في فبراير وكانت الاجواء جميله بشكل مو طبيعيي ورحت الافنيوز و المباركيه كنت بروح الكوت لكن للاسف الصرافه انحرقت ب اخر الايام 😞 لكن سفره جميله🇰🇼🇸🇦❤❤❤❤
حياكم الله ومنورينا بس يوم واحد كلششش ما يكفي بالكويت هذي اهم الاماكن الواجهة البحرية (الابراج) بعد التطوير حديقة الشهيد مروج 360 مول / العاصمة مول / الكوت مول مركز عبدالله السالم الثقافي (يضم 6 متاحف) والاكبر بالشرق الاوسط دار الاوبرا (مطاعم وحديقة) مروج ونترلاند وبخصوص ترولي اللي سألتي عنه اللي في محطات البنزين يكون 24 ساعة وافضل وقت للزيارة الشتاء لأن الاجواء في اماكن الoutdoor جبااارة وحياكم 😍
@@Jk_Tk.7 حاليا تدير شركة الشايع الكويتية ما يزيد عن 500 مقهى (ستاربكس) في جميع أنحاء منطقة الشرق الأوسط بما فيها البحرين والكويت والمملكة العربية السعودية والإمارات ولبنان والأردن وقطر وعمان ومصر وفلسطين، والشركة تدعم غزة، حقين المقاطعة هذولا ما عندهم الا الخرط الفاضي.
@@RUH6 حبيبتي أنت مو فاهمة شيء بالاقتصاد ، شركة ستاربكس الأم صهيونية ، وأي أحد بيشاركهم ويفتح فرع لازم يدفع لهم نسبة من الأرباح ولّا على ايش يسمي المقهى باسمهم؟ إذا مرة أرسلوا لغزة دعم بسيط ما ينفي أنهم يدعمون الصهاينة دوريًا! شوّية عقل
نورتونا 😍❤ بعطيج اماكن جميلة لو جيتنا المره الجايه ان شاءالله اذا تبون طبيعة ومزارع الوفرة : مجمع فيلاجو (مطاعم وكافيهات والعاب اطفال) + دار شيخة حدا خيال حق عوايل في قوارب مائية ضروري تجربينهم 🤍 + دار معرفي + الياسمين + 2) العاب : شاطئ البلاجات (العاب مائية) + كي لاند k land (العاب + قعدات على البحر مجانية واجواء وتصميم قوي)+ حديقة جنوب الصباحية + red town 3) مجمعات : الاندلس مول + Edge بشويخ + ذا ووك+الكوت+بوليفارد+وير هاوس+مروج+سوق شرق+الخيران مول+العاصمة+ اويا الخيران (اجواء يونانية)
حياك الله نورتي الكويت هالبلد فيها مشكله اذا دشيتيها ماتطلعين منها كل شي فيها ينحب 🥹♥️ تحمست لما صورتي سيكل البرد هالشي من الطفوله يوقف عند المدارس وناخذ منه ولا حسيت انه غريب بس فعلا استوعبت انه بس بالكويت كي دي دي وبترا بكل مكان محبين البرد نفسي ونفسك مستمعين بالكويت😂♥️ نورتي الكويت والموظفه الي بالافنيوز قدمي عليها شكوى بالمحل لو فعلا ضايقتك ♥️♥️
بتاريخ ١٤ ابريل انا كنت بالخبر و فكرت فيك 😂❤ اما فعلا البائعة اللي بمحل الصابون صارلي نفس الموقف كانت نفيسة و لاصقة فينا محسستنا بنسرق كانت تجربة غير مريحة و للاسف السالفة من نوفمبر ٢٠٢٢ و للحينها ماتغيرت كما ارى 😅
قال الله تعالى [وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ]. ابحثوا وتعلموا ما أمر الله به ورسوله، وترك ما نهى الله عنه ورسوله عليه الصلاة والسلام. تزودوا للمستقبل الابدي والسعاده الابديه وهي الجنه نسال الله ان يهدينا ويثبتنا على الصراط المستقيم.